Page ini harei 7/4/2026, di Sang Quoc hoi, ong To Lam, Tong Bi thu Ban Chap hanh TW Đảng CSVN, Urang lambaok vakil mbang XVI, tuyen the tagok ngak Po Negar Cong hoa xa hoi chu nghia Viet Nam vaktu meng thun 2026-2031. Dalam kadha bac, Tong Bi thu, Po Negar ong To Lam khan meyai lac, brei iek praong ngak dahlau tui bruk ngak di Tong Bi thu, Po Negar Cong hoa xa hoi chu nghia Viet Nam lac khik alam moi truong sron mbon salamat, tani tanat; jhul pakhang bruk patagok di taneh ia, karo kajap; pasiam abih gah dalam raidiuk di bhap bini.

Dalam mbang nyaom biar harei ini, Quoc hoi brei khan tapa Sarak palih ruah ong Lê Minh Hưng, Akok  Mban ngak bruk Trung ương ngak Thu tuong Rajaei  vaktu meng thun 2026-2031. Thu tuong birau ong Lê Minh Hưng ndih tapui harei 11/12/1970; bhum palei xã Tứ Mỹ, tỉnh Hà Tĩnh. Bac ilamo: Thạc sĩ Sarak karja; Dai hoc gah Sarak karja, Cu nhan akhar Pháp. Ong Lê Minh Hưng lac Uy vien Mentri Chinh tri mbang XIII ( meng 5 thun 2024), XIV; Bi thu T.Ư Đảng mbang XIII, XIV; Uy vien Trung uong Dang mbang XII, XIII, XIV; Urang lambaok vakil mbang XV, XVI.  

 Hadei Quoc hoi palih ruah Tong Bi thu To Lam pok tagok ngak  Po Negar, cu tri di Ban raya HCM khan brei thau hatai caong khin tame urang jakar ngak praong birau brei patui veik iek siam bruk di karja, pakhang kajap hatai jia di bhap bini saong peih ngak dom jalan lagaih.  Cu tri Trần Việt Trung, di Ban Thủ Đức klak dahlau caong takre Tong Bi thu - Po Negar ong To Lam ngak catang dom jalan brei ramik veik urang ngak bruk karja, paglong bruk khik iek saong pakajap hatai jia di bhap bini.

Harei ini, Quoc hoi brei yer tangin khan tapa bruk ngak di Rajaei dalam vaktu  Quoc hoi mbang XVI ngan haong 100% urang lambaok vakil Quoc hoi. Tui nan, bruk ngak di Rajaei vaktu Quoc hoi mbang XVI nan lac 14 mentri saong 3 jabat dreih yau mentri nan lac: Mentri Quoc phong; Mentri Kong an; Mentri Ngoại giao; Mentri Noi vu; Mentri Tu phap; Mentri Jien padai; Mentri Kong thuong; Mentri Ngak nong saong Alam moi truong; Mentri Padang ngak; Mentri Ilamo saong Yulit; Mentri Khoa hoc saong kong nghe; Mentri Pato megru; Mentri Y te; Mentri Bangsa saong Agama; Gilang pariak Karja Viet Nam; Thanh tra Rajaei; Jabat Rajaei.

UB bhap bini tinh Lam Dong birau mbaoh harak angan 15 drap ar ilamo phi vat the dalam nan hu 9 drap ar di bhum tathik di tinh Binh Thuan klak saong 6 drap ar di bhum ceik tinh Lam Dong klak. Tapa nan Sarak yaok kuhria drap ar ilamo, Lam Dong mboh lac, bruk brei thau hu hadom, labik halei, yaom kaom, bruk rah tabiak di drap ar piah padang ngak du lieu duh ka bruk  khik ramik, dak padang, gam ba tame pandar ngak  lagaih hoang bruk rivang ma-in sirah yulit.

Lien Hop Quoc khan brei thau, bruk kurang xang menyek dui atah di Cuba daok ngak sraw kadau bruk ngak pahala biak trak, ngak klaik klaoh rilo gah yau y te, ia hacih, kaya mbang sang bruk pato megru. Lien Hop Quoc daok ginum biai haong dom taneh ia dalam kapol piah khik brei ginup xang menyek ka bruk ngak pahala, khik  dom jitvu pandar yaok harei. Tui nan pambuak haong dom gah urang langiu di Cuba piah peih praong bruk pandar nang luong ngak tabiak eng pandar ka sang iek ruak saong sang bac.

Piah patak pataom nang luong, Rajaei Pakistan brei kareik pabah mbang dom darak saong pasak pablei salih meng 20 mon melam ini (7/4). Dahlau di nan, rajaei Pakistan ba tabiak adit ngak bruk 4 harei, pachreih urang ngak bruk saong bac da-a online. Bruk nan hu ba tabiak dalam tuk Pakistan gaok kan kandah kayua yaom xang menyek saong nang luong dunya, bruk rah tabiak mesruh metak di Trung Dong oh ka ladam trun. 

Yaok pluh anek saih di Dong Jakarta - Indonesia brei tame sang iek ruak hadei dom var  mbang huak dalam danak oh mek jien di rajaei. Danak dak var mbang huak oh mek jien pakat negar  hu rilo panuac ndem puac kayua kaya mbang mek ruak rah tabak di rilo bhum palei. Dom urang ilamo ndem lac bruk jru mek kayua ngak oh hacih, khik piah kaya mbang oh siam./.