Quoc hoi harei ini yer tangin brei tapa dom Sarak pok ngak Pho Thu tuong Rajaei, Akaok Mentri saong dom urang jakar karei di Rajaei. Tui nan, 6 Pho Thu tuong Rajaei vaktu meng thun 2026-2031 nan lac dom ong, muk: Đại tướng Phan Văn Giang; Phạm Gia Túc; Phạm Thị Thanh Trà; Hồ Quốc Dũng; Nguyễn Văn Thắng saong Lê Tiến Châu.

UBND tinh Gia Lai birau mbaoh tangin danak dak buh jien tame labaih 14.300 ti dong meng ini tal thun 2030 piah paglong kaya kan, mac jamraih pato bac, brei ramik pasiam dom khut khat kurang  di bhum palei, bhum atah bayah saong bhum urang bangsa takik. Bruk pamong tal di danak dak  lac tal thun 2030, hu takik di nyu lac 80,5% sang bac pakat dunya; yaok anek saih hu labik bac da-a dreih sumu yau gauk.  

Dong Nai njauk hatai pasiam jalan pambuak tatua Mã Đà  tagok 6 jalan radaih, jeng jalan praong pambuak Tay Nguyen haong mblang kapal ahaok Long Thanh saong jaik padang ngak di bilan 6 anak tal. Tui Mban Khik iek danak dak padang ngak tinh Dong Nai, anak tal Dong Nai brei patagok kong nghiep di gah Barak di tinh. Dalam tuk nan, jalan tatua Mã Đà  meda lac jalan praong pambuak tal bhum Tay Nguyen saong gah Barak Dong Nai  haong jalan Vanh dai 4, meng nan pambuak haong mblang kapal ahaok Long Thanh, pabah tathik Cái Mép - Thị Vải. Yau nan ye bruk ramik pasiam tatua saong jalan mbak lac bruk njauk ngak.

Di dom xã gah Timur tinh Dong Thap, yaom manuk a-da ngak rilo trun ba tal urang raong glang khat lahik, rilo baoh sang huac oh khin pablei manuk yaom lac tal harei ba tabiak pablei. Dut saong tuk Tet Nguyen dan, yaom manuk trun labaih 40%. Urak ini, manuk gà tre yaom meng 45.000 dong sa kilo (manuk tano), 50.000 dong sa kilo (manuk binai); manuk Bình Định yaom meng 32.000 - 42.000 dong sa kilo. Anak bruk rah tabiak nan, rilo baoh sang urang raong brei padeih atau oh raong ralo piah caga bruk khat lahik, cang yaom iek darak pasar tani tanat.

Pasak Kuhria iek langik – taneh riya pakat negar mboh lac, harei ini saong harei paguh 9/4, langik pandiak di ralo labik. Rilo labik hu pandiak catang,  meng 37-39 do C, gaok labik labaih 40 do C. Di gah Meraong negar langik pandiak catang, di dom phuong yau Bình Phước, Phước Long, Biên Hòa, Tân Ninh, Thủ Dầu Một, Châu Đốc pandiak glong meng 37-38 độ C. Bhum gah Pei negar meng Cà Mau tal An Giang pandiak, takik hangin tathik oh hu riyak.

Page ini 8/4 tui mon pak nan, Triều Tiên cuh ten lua đạn đạo pakat biar, meng  bhum gah Timur kaoh pulao Trieu Tien. Dom ten lua ini par labaih 240 km. Bộ Tổng tham mưu gah bol lin  Hàn Quốc brei ginum biai samar drah. Seoul khan lac dom mbang cuh ten lua di Bình Nhưỡng lac dom brei pachut mebai, ngak suan hukum di Hoi dong Bao an LHQ saong  iew Trieu Tien padeih dom bruk yau nan.  

Trung Quoc saong Nga buh phieu cagar veik bruk di ba tabiak Sarak ka eo tathik Hormuz di Hoi doi Bao an LHQ. Langyah ka bruk nan, ong Phó Thông, Lambaok  ka Trung Quốc di Lien Hop Quoc mboh lac, dom bruk nan di Hoi dong Bao an oh brei pambak tame pandar phao mesruh metak. Bruk khan tapa sarak nan suan saong gam ngak jhak.

Ba tagok mang xa hoi Truth Social Tổng thống Mỹ Donald Trump khan lac brei padeih dom mbang taong tame Iran dalam dua adit, hadei Pakistan iew brei kadun tukvak piah pambuak ba siam haong gauk veik. Ong Trump khan lac My labaih dom bruk gah bol lin saong daok ngak jiak jang sa bruk ginum biai ka sron mbon suai lavik haong Iran jeng yau salamat di Trung Dong./.