Harei kabroi 22/4, Thu tuong Lê Minh Hưng ngak bruk haong Mentri Ilamo saong Kong nghe ka dom bruk  ngak ilamo, kong nghe, salih birau hadah krah saong salih tui Sarak 57 di Metri Chinh tri, Tamat ka 18 di Trung uong saong dom panuac tamat  di Mban Tacei ba di Trung uong, Mban Tacei ba di Rajaei. Di var ngak bruk, Thu tuong caong khin brei kuhria caga dahlau jien padai manuac ngak bruk, jien buh tame ngak brei patagok kong nghe  suai lavik, kong nghe glong, kong nghe got…

Di Kalan kakuh Patao Lạc Long Quân ( di Labik sirah rivang Mũi Cà Mau, xã Đất Mũi), harei kabroi,  tinh Ca Mau  peih bruk Pahadar  dhar phol Patao Lạc Long Quân. Ini  lac bruk ngak ilamo yang mebang adat cambat, ndung bak  ilamo di bhum taneh  gah Meraong negar, pachreih hu mbaok ralo bhap bini. Brei panuac di var ini, ong  Lữ Quang Ngời, Akok UBND tỉnh Cà Mau khan lac, makna dom roya  dalam bruk pato anit ranam saong  jalan tacei pato “menyum ia hadar tal hlau ia” di bangsa…

Pahadar 51 thun Harei peih paha Gah meraong negar, yasa taneh ia (30/4/1975 – 30/4/2026) Balai Biên phòng Vĩnh Hải, TP. Cần Thơ gam haong dom urang ngak pahala alin brei  kaya pandap ka urang mesup bang meta, urang jaoh jo saong dom baoh sang dalam sarak karja di xã Vĩnh Hải. Mban peih bruk alin brei 200 paok kaya, yaok paok yaom 700 ribau dong, dalam nan hu kaya saong jien mbaok, tal tangin urang kan, piah daong, klak rabha ngan haong urang mbuan gaok kan kandah.

UBND tinh Dong Nai khan lac brei peih ngak di 12 labik cuh phao bingu di melam 30/4 duh ka bhap bini. Ini lac sa dalam dom bruk pahadar 51 thun Harei yasa taneh ia saong 136 thun harei menek di Chu tich Ho Chi Minh. Tui nan, tinh Dong Nai brei cuh phao bingu di phuong  Trấn Biên saong phường Bình Phước, tukvak 15 minit. Tinh jeng hu peih bruk cuh phao bingu  pakat biar di 10 xã hu angan phuong birau, salam uan raok bruk padang ban Dong Nai di Trung uong.

Gah y te tinh Dak Lak birau hu mbang nao duah thau bruk parilo urang ngak bruk ka gah y te pakat xã. Tui nan, dalam tinh hu 102 balai y te pakat xã, ralo labik kurang bca si naih joi. Rilo balai y te oh ka hu harak har ngak bruk  hadei jao brei; jien padai, dau thau, BHYT daok karung karang. Jien bilan, jien daong  ka urang ngak  bruk y te, njauk ndem tal  labik y te caga dahlau daok biar, oh ka sumu haong bruk ngak, ngak kan knadah ka bruk pachreih saong khik takai urang ngak…

Rajaei Indonesia kuhria caga ba tabiak dom sarak ka pakao hala  dien tu, dalam nan pasang iek bruk yaih khan kaya, jeng yau bruk kuhria tui umo  thun btrei pandar. Sarak pakauk bhap bini rahra umo alan 21 thun njuk pakao dien tu, takik yaih khan pakao dien tu, angaok mang xa hoi. Dom kaya brei kakei dahlau ka prein yawa meng thaik binguk saong  kadha pakauk  pandar pakao dien tu di  dom labik  bhap bini.

Nepal birau peih bruk pasang iek biak praong “ oh ka bhian mboh” kaya drap ar di rilo urang ngak praong, dalam nan hu urang dahau diah ngak po negar, 7 urang dahlau di ngak Thủ tướng, Tổng thống saong yaok rituh urang jakar daok ngak bruk saong padeih huu. Ini lac bruk pasang pambak praong abih di dom urang naih joi bruk chinh tri hadei padeih beuk di taneh ia Nam Á ini. Bruk nan rah tabiak dalam tuk bhap bini Nepal, njauk ndem tal urang umo ranaih, iew da-a rajaei birau jhul pakhang bruk pacan caga tham nhung.

Sa kapol dom urang roh duah negar Trung Quoc ngak salah hu jak jeng dalam bruk ngak tabiak hala ban biak lapih – tok 10 micromet, min biak kajap, ba ndien siam tani tanat, ciew di pandiak glong, peih jaan ka bruk ngak tabiak pin saong mach birau. Kaya ini caong khin hu daong pasiam tagk hadei kaya dalam samart phone, chip tri tue nhan tao AI jeng yau radaih ndien./.