Mentri Ilamo, Pahat padhih saong Jirah rivang brei thau, Harei Ilamo bangsa Cam mbang ka VI hu rah tabiak meng harei 26 tal harei 28/6 anak tal, di tinh Khanh Hoa, ngan haong bruk hu mbaok di 7 tinh, ban hu rilo urang bangsa Cam diuk rai dalam nan hu: Khanh Hoa, Lam Dong, Gia Lai, Tay Ninh, An Giang, Dak Lak saong Ban raya Ho Chi Minh. Ngan haong kadha “Khik ramik, patagok ilamo siam gheih di bangsa Cam dalam jaman bahrau”, Harei raya ilamo bangsa Cam mbang ka VI hu peih ngak praong prang, tani tanat ngan haong rilo danak dak ilamo, seni nghe thuat, pahat padhih, jirah rivang siam gheih yau ye: Parang iek raya adat, tanarakun ilamo bhap bini bangsa Cam; parang iek saong yaih khan ilamo Cam; yaih khan bruk ngak meng tangin bhap bini; pambuak adaoh tamia bhap bini; parang iek khan ao bangsa Cam; danak dak pahat padhih saong dom kadha me-in bhap bini bangsa Cam…

Tui ong Hà Vũ Sơn, Yam doc Sở Kong thuong Ban Can Thơ, padeih raya harei 30 bilan 4 saong harei 1 bilan 5 tuk halei jeng iek yau sa dalam dom “tukvak urang blei cai pandar” ralo dalam thun, bruk nao mai, rivang ma-in, yulit sambai saong blei kaya di bhap bini ralo. Meng harei 29/4 tal harei 03/5/2026 anak tal di labik padeih padei Mường Thanh Luxury Cần Thơ rah peih ngak “Can Tho Mega Sale 2026”. Ini lac tha dalam dom bruk  ngak mbang pablei salih  praong, ba mai labik blei pandar siam gheih, mbuan lagaih ka bhap bini.

Malam kabroi 23/4, di Bein bangu Lê Văn Tám, phuong Tân Định, Ban raya Ho Chi Minh, Raya Ahar mi Viet Nam mbang ka 4 hu peih pakak. Raya pataom 150 tadai kuan mai meng rilo angan je dalam saong langiu negar, ngak jeng labik hu rilo kaya mbang pahe bangi, chreih chrai. Dalam 4 harei rah tabiak raya, rilo danak dak dui pachreih hu peih ngak, naih gheih lac danak dak parang iek 50 kaya mbang taba pagam haong ahaar mi. Dom labik ba drei tame hadah krah yau ye labik pambuak kaya mbang Viet - Prang, thaik thaot sit “ahaok par ahar bánh mi”, mblang hamu padai meng ahar bánh mi…dui pachreih rilo tuai damuai.

Meng akaok thun mbiah tal ini, langik pandiak dui atah ngak labaih 1.300 hecta pala kaya dalam ia di tinh Ca Mau  njauk khut tayak. Dom janih jit ruak ralo lac ruak gan tụy cap, hadang ruak patih bimao…Sở Ngak nong - Alam moi truong Cà Mau brei ika urang jakar mai tal labik daong ka mikva mek mau dut iek saong tacei pato pruh jru pametai anek ruak, rao hacih danao raong. Tỉnh Cà Mau caong khin Karja negar  daong  samar chip jru Chlorine meng kadung khik piah pakat negar piah brei parabha tal dom bhum raong gaok khat lahik.

Dom thun dahlau urang ngak nong di Bhum taneran kraong Cuu Long biak chreih chrai tuk hu jien mek tame glaong meng bruk raong lanung. Min, meng hadei tet Nguyen dan thun 2026 tal ini, yaom lanung mek ralaow patrun khang di Bhum taneran kraong Cuu Long ngak ka urang raong gaok rilo kan kandah. Urak ini lanung janih 1 (4-5 drei/kg) tok hu yaom labaih 40.000 dong sa kilo, patrun 30-50% dut saong dom thun dahlau, ngak ka rilo langung oh hu pablei hu, laik tame bruk “tapa rai lanung”, yaom kaom dak harei dak trun. Rilo baoh sang ciuk lahik jien pablei lanung blaoh “ klak danao saoh” oh raong veik tra.

Tong thong Nga Vlidimir Putin harei ini khan brei thau Nga brei thau bruk khik dom kein laba ka taneh ia di Bac Cuc, dalam tuk labik ini dak harei dak ngak hu bruk praong  gah kinh te, nang luong saong bruk chinh tri. Urang ngak po negar Nga biak iek praong bruk jalan kapal ahaok tapa Bac Cuc, ini lac jalan pajeng ba biak siam salamat, njauk brei caik hatai saong kein lagaih dalam tuk bruk pabak di dunya daok klaik klaoh, dalam nan hu sraw kadau di Trung Dong.

Gah ngak pin radaih praong abih dalam dunya CATL di Trung Quoc bahrau ba tabiak ilamo kong nghe sac samar rai bahrau, brei sac pin meng 10% tagok 98% tok dalam 6 minit, brei mboh bruk cakrok njauk caik hatai dalam mbang pakacah ilamo kong nghe pin ka radaih ndien. Meyah hu pablei salih jak jeng, ilamo kong nghe ini hu caong takre daong patakik bruk duh hatai ka luac jalan ba tame ngak, sa dalam dom kan kandah praong ngan haong luac jalan pandar radaih ndien urak ini.

Labaih 50 kaya kan pambuak haong bruk ngak di urang daoh Michael Jackson pablei to yaom  di Prang  di harei 3 bilan 6 anak tal. Ini lac sa dalam dom mbang to yaom praong abih ka “Patao ragu ragam Pop” bhian rah tabiak di chau Au. Oh lac dom kaya piah alin, meyam kaya pataom piah mbang ini dom urang takre  gilac veik tabung glong di alat ragam, gam haong dom kaya karei yau: meng hrum tangin mblat tanyiak dalam Bad Tour, tamo fedora saong ao ngui cuk hu pagam kim sa dalam Victory Tour…brei mboh raidiuk yaok harei di urang danei angan./.