#/ Di HN, lambaok rayo sap ndom VN hu jao 105 triệu đồng dong ka bhap bini njauk ia sua bhum kreik negar tapa UBTUMT negar VN. Langiu di bruk jak ba, rik pataom, Raya sap ndom VN dok kham merat khan brei thau ka dom kan kandah, khat lihik di bhap bini bhum kreik negar saong Tây nguyên, hu panuac ieu angaok dom riyak lingik di rayo piah ka dom kapul nyaom, menuac urang kham merat dong brei.

#/ UBMT negar VN tỉnh Đak Lak hu peih bruk taom mbaok kiều bào tuk tết anek sak menuk 2017. Hu mbaok var patom mbaok hu urang dang akaok tỉnh saong labaih 70 kiều bào daok di negar langiu mai palei rok tết. Đắc Lắc urak ini hu jaik 5.000 kiều bào daok ngak mbang, diuk rai, bac daa di dom taneh ia, bhum lãnh thổ dalam dunya. Ong Nguyễn Thanh Hoàng, Việt kiều Mỹ mai hu mbaok brei thau: “Dahlau di abih mboh lac hu bruk sangka di đảng, karja. Abih di nyu nan lac dom pakat karja meng tỉnh tal puk palei yaok thun jeng hu peih ngak min thun ini mboh bruk kinh tế XH di tỉnh jeng patagok. Nao tal halei jeng mboh mikva chreih chrai caga rok tết”.

#/ Dalam dom bruk di Dự án “ Pasiam dua gah takai jalan nao mai dalam ban Đà Nẵng” UB bhap bini ban ĐN song Công ty ô tô Toyota Việt Nam mbaoh tangin sanya dong 2 sruh radeih buýt Toyota Coaster janih 29 labik dok . 2 radeih buýt ni hu jao ka quận Hải Châu piah peih jalan radeih buýt công cộng, jalan katut, piah patrun bruk gar radeih.

#/ Anak bruk mehit lac hu sruh jit ruak bạch hầu disang bac THPT Tây Giang (huyện Tây Giang, tỉnh Quảng Nam), barau ini, Cục Y tế dự phòng (mintri Y tế) kakei: bhap bini daok di labik hu jit ruak brei ngak tui catang bruk menyum jru pacang cakak saong klauk vacxin pacang cakak ruak tui tacei pato di jabat y tế. Urak ini ruak bạch hầu oh ka hu palahik di taneh ia drei, kayua yau nan ye bhap bini meda njauk ruak meyah oh ka jlauk vacxin pacang cakak ruak saong taom gaok mầm bệnh. 

#/ Dom harei jiak tết ni, yến sào di tỉnh Tiền Giang tagok glong. Urak ni, yaom tổ yến labaih 30 triệu đồng sa kg,  tagok  meng 2- 4 triệu đồng sa kg dut song bilan dahlau. Dom boh sang rong oh hu ginup pandap piah pabak ka darak pasa. Kayua kein laba kinh tế glong, tal urak ni, urang nong tỉnh Tiền Giang patagok labaih 800 sang rong cim yến piah pablei, rilo meng dok di ban sit  Gò Công, huyện Gò Công Đông, Gò Công Tây, Tân Phú Đông.

#/ Lễ hội jalan tapuk tết anek sak menuk 2017 di ban raya HCM hu angan “Ban raya hu angan Wa – hatai caong pahadah tagok” hu peih tabiak meng harei 25/1 (lac harei 28 bilan mat) tal harei 31/1 (lac 4 bingun tết anek sak menuk) di jalan Mạc Thị Bưởi - Nguyễn Huệ - Ngô Đức Kế, quận 1, ban raya Hồ Chí Minh. Lễ hội Jalan tapuk Tết lac sa dalam dom bruk ngak yaok thun di ban raya HCM, piah rik daong paglaong ilamu saong hu mblang me-in ka bhap bini ban raya tuk tết tal mai.

#/ Dom harei tapa, Công đoàn Khu công nghiệp Biên Hòa hu peih bruk alin 1.295 harak radeih song 800 pok pandap ( yaom 500 ribau đồng sa pok) ka đoàn viên, urang ngak hu rai duik kan kandah dok ngak bruk di dom khu công nghiệp ban sit Biên Hòa , piah dong ka urang ngak dok atah hu nao palei mbang tết. Langiu di nan, di labik ngak bruk di công đoàn Khu công nghiệp Biên Hòa hu rah tabiak danak dak pakacah pok pei nung, daoh tamia,, taom mbaok boh sang urang ngak.

Patui di ini dom khau tin dunya:

#/ Gam saong không khí di taneh ia saong kiều bào drei di grap labik angaok dunya, harei 19/1, Đại sứ quán Việt Nam di Campuchia hu peih tết cộng đồng uan rok thun anek sak menuk. Hu mbaok di var peih bruk nan lac lambaok dom tỉnh jaik taphia negar saong CPC, ralo mikva Kiệt kiều, dom jabat lambaok saong doanh nghiệp VN di CPC

#/ Kadung jien Uranaih LHQ (UNICEF) harei kabroi brei thau, 400 ribau uranaih tị nạn Xyri di Thổ  Nhĩ Kỳ oh hu nao bac, saong hu panuac ieu dunya ba tangin tame daong langyah  bruk ni. Brei panuac hadei di mbang nao pasang iek  khu trại tị nạn di urang Xyri dok di gak merong negar Thổ Nhĩ Kỳ, Phó giám đốc điều hành UNICEF Giắt-xin Pho-sit (Justin Forsyth) dut hatai lac, sa rai uranaih di Xyri daok lihik nao quyền hu bac da-a saong bac ilamu diukrai.

#/ Kapul cứu hộ Italia hu ngak bruk kham merat ngan saong bruk caong duah mboh urang daok diuk dalam mbang lở tuyết khang melam harei 18/1, lum jaik 30 urang. Hadei jaik 24 tuk duah gam gam, kapul cứu hộ daong hu dua urang likei. Tuk lở tuyết rah tabiak, dua urang ini daok gah langiu khách sạn. Dua urang metai jeng hu duah mboh ala tal tuyết kapal yaok mét./.