#/ Dalam thun 2016, Công an tỉnh, Sở Giao thông pajeng ba tỉnh Sơn La tacei jalan gah cảnh sát giao thông, cảnh sát trật tự, thanh tra giao thông tagok bruk tui iek, duah thau, langyah dom bruk suan hukun ka trật tự an toàn giao thông. Gah chức năng tỉnh hu langyah labaih 28.000 urang vi phạm trật tự an toàn giao thông, tong abih tih phun jien xử phạt labaih 26 tỷ đồng.

#/ Urang dang akaok ban Đà Nẵng barau peih bruk taom mbaok dom urang pan bruk agama tuk tết anek sak Menuk. Di var taom mbaok, lambaok dom urang pan bruk agama dalam ban ĐN tadhau yuh dom bruk ban ĐN mek hu dalam tukvak tapa, caik veik dom siam mekre dalam hatai tuai damuai saong ayut sahabat. Dom urang pan bruk agama brei thau hatai dhar phon tal urang dang akaok hu daong palagaih ka bruk ngak agama; taphia nan sanya pambuak bruk padang ngak ĐN jeng sa “ban siam mekre, njauk daok”      

#/ Dom harei jiak tết anek sak menuk, Điện lực Lý Sơn, tỉnh Quảng Ngãi samar ngak salah bloh 2 jamriak phát điện piah ba tame pandar pabak ka labaih 100 boh sang dok di palao Bé xã An Bình, huyện Lý Sơn. Tết ni, urang di palao Bé hu pandar điện 12 tuk yaok harei, tagok jang 3 tuk dut song dahlau di nan.

#/ Di xã Cam Hải Đông, huyện Cam Lâm, tỉnh Khánh Hòa, Tổng Liên đoàn Lao động Việt Nam hu peih “Nghiệm thu rup patau saong pasang iek tukvak peih ngak labik hadar urang lin Gạc Ma”. Jien padang ngak hu kaoh tabiak meng kadung jien rik daong di dom tổ chức công đoàn, urang lao động dalam taneh ia dalam danak dak “Nghĩa TÌNH hoàng sa – trường sa”, kayua Tổng Liên đoàn Lao động Việt Nam, peih tabiak di bilan 3/2014. Tui kuhria, công trình hu ngak salah bloh mbang sa di bilan 3/2017.

#/ Piah khik caga siam bruk pajeng ba dalam tuk tết anek sak menuk, Sở pajeng ba tỉnh Đồng Nai hu panuac ieu dom đơn vị peih ngak, po đầu tư dom dự án, danak dak giao thông samar peih prong jalan mbak, dom danka dak dok peih ngak, khik ka jalan dhaul lanieng lanoi dalhau tết. Sở pajeng ba tỉnh hu panuac ieu po ngak rami ramik jalan dhual, patom mek dom thiết bị vật tư di công trường, peih prong jalan mbak ka radeih peih nduac siam mekre dalam tuk tết.

#/ Di mblang xử lý nerak xã Tân Hưng, huyện Tân Châu (Tây Ninh), Hội đồng palahik pakao nhập lậu, pakao ja di mban tacei pato 389 tỉnh Tây Ninh hu ba nao am cuh klak 381.089 bao pakao dom janih, kayua dom gah chức năng cap mek dalam thun 2016. Dom pakao nan kayua dom urang Biên phòng, Công an, Hải quan, khik iek darak pasar saong mban tacei pato 389 dom huyện, ban di tỉnh Tây Ninh cap hu, pataom mek meng kreih thun 2016 tal urak ini.

#/ Ngan song kadha “ Ban raya angan Wa – hatai khin hadah tanyak” Hội hoa xuân anek sak menuk di ban raya HCM hu rah tabiak di mblang bein Tao Đàn hu parang labaih 4000 pandap siam gheih. Dalam nan hu rilo pandap siam mbang camereip hu tabiak mbaok. Hội Hoa Xuân thun ni rah tabiak dalam 12 harei, peih pakak dalam beir harei 25 bingun ( saka ia bilan song harei 6 bingun tết)

Patui di ini dom khau tin dunya:

#/ Dua kapul dang akaok di Palestine lac Hamas saong Fatah hu njauk gauk padang sa rajaei jum pataom barau hadei dom mbang ginum meyai praong dalam di ban ine Moskva, Nga. Dom thỏa thuận hu brei thau 3 harei hadei di tuk dom bruk ginum meyai ala bruk bảo trợ di Nga hong lambaok di phong trào Fatah jabat ngak bruk di Bờ Tây jeng yau Hamas saong Jihad hu jabat ngak bruk di Dải Gaza saong dom kapul nyaom karei.

#/ Rajaei Nhật Bản bahrau brei thau dom jalan ngak piah pacang cakak bruk urang ngak bruk quá sức, ngak brei stress dui atah, ba tal metai di negar ni. Thủ tướng Nhật Bản Sin-dô A-bê duah bruk patrun tuk vak ngak bruk di urang ngak. Nhật bản dok taduan hu harak đơn ndaoh bayar jien glong di abih pagam tal dom mbang metai kayua ngak bruk quá sức atau dok ieu lac Ka-rô-si, gam oh siam tal urang ranaih umo.

#/ Cuba daok pamaong tal bruk ngak tabiak ralo vaccine pacang ruak tả pabui châu Phi dalam thun ini hadei di tuk ngak hu siam dom thử nghiệm lâm sàng dahlau nan. Ong Zamora, Giám đốc pasak ruah duah Gen saong Công nghệ sinh học di tỉnh Camagüey, tui kuhria akaok camereip cơ sở ini hu ngak vaccine ginup piah klauk ka jaik 2 triệu drei pabui menek tabiak yaok thun, dahlau tuk peih praong bruk ngak saong ba  tabiak darak pasar./.