1/ Harei kabroi (5/10) di jabat Trung ương Đảng, mbang nyaom ka 12, Ban Chấp hành Trung ương Đảng mbang 11 hu peih tabiak dalam prong prang. Tổng Bí thư Nguyễn Phú Trọng hu panuac peih mbang nyaom. Bruk caga menuac ka Ban Chấp hành Trung ương Đảng mbang 12 hu ginum biai dalam nyaom biai ni, Tổng Bí thư Nguyễn Phú Trọng brei thau, mintri chính trị iek tui bruk di mbang nyaom TƯ 12 piah patui bruk kuhria caga, ngak pasiam dom hồ sơ, pasang iek ka nyu cambaih laih, pasiam dom jalan ka bruk menuac urang piah TƯ pasang iek, brei panuac dalam dom mbang nyaom anak tal

2/ Ong Huỳnh Minh Huệ, phaok akaok hiệp hội lương thực VN brei thau, dalam 6 bilan tal, bruk blei brah di dom darak pasar meng kan daok hu pasiam veik, cambaih laih nan lac VN hu njauk thầu pabak 450.000 tấn brah tapa Philippines saong jaik 1 triệu tấn brah ka Indonesia tukvak jaik di ini. Bruk ini hu daong ka bruk pablei brah tabiak negar langiu di VN dalam dom bilan tal hu siam jang, patagok tani tanat jang meng quý 4 thun 2015 saong dui atah tal quý 1/2016.

3/ Harei 5/10, mintri thông tin song truyền thông pambuak bruk song UB bhap bini tỉnh Hòa Binh peih bruk parang iek bản đồ song parang iek harak tư liệu “Hoàng Sa, Trường Sa di Việt Nam – dom bằng chúng sajarah dak rai song hukum” di Cung Văn hóa tỉnh. Parang iek bản đồ song parang tabiak harak tư liệu “Hoàng Sa, Trường Sa di Việt Nam piah paglong akaok sahaneng, talei jum pataom di bhap bini dalam negar, urang VN daok di negar langiu, abih di nyu nan lac rai rah dam dara dalam bruk khik caga saong brei mboh chủ quyền  di VN.

4/ Dom harei tapa, kapal taong ikan di urang taong cap ikan dom tỉnh Nam trung bộ njauk ikan cừ đại dương. Meyah dahlau daih, yaok mbang nao tasik, sa kapal tok di taong cap hu meng 10 tal jaik 20 drei ikan ngừ đại dương, sản lượng biar, ralo kapal khat lahik, hu kapal njauk daok veik di binek. Mbang nao tasik ini, dom kapal jeng vah hu meng 30 tal 40 drei ikan, sản lượng labaih2 tấn. Dalam tuk nan, yaom menyek trun, ikan pablei pak di mblang ngan saong 110 ribau đồng sa kg, tagok 15 ribau đồng sa kg nan ye dom po kapal jeng hu laba. Sản lượng glaong, yaom tani tanat nan ye urang taong cap ikan chreih chrai, sanang hatai nao tasik.

5/ Tỉnh Bình Định dok pataom tame dong duah kapan tong ikan song 12 urang di huyện Hoài Nhơn, tỉnh Bình Định kayua khut jamriak, daok theik di angaok tasik. Labik kapan njauk bala atah di ban sit Nha Trang, tỉnh Khánh Hòa labaih 100 km. Ong Phan Xuân Hải, Chánh Văn phòng mban tacei jalan pacang caga balal dong duah urang njauk bala tỉnh Bình Định brei thau: tỉnh hu panuac khan ka UB dong duah urang njauk bala pakat negar song hu panuac ka dom baoh kapan dok tong chap jiak di nan mai dong.

Mban tacei jalan pacang caga bala dong duah urang njauk bala tỉnh thau cambaih bruk nan, pambuak pagam song dom kapan dalam bhum tasik duah jalan mai dong. Hu 5 kapan di Bình định di labik nan, Khol hulin hu panuac brei dom baoh  kapan nan dong duah kapan gaok bala

6/ Di dom tỉnh Tây Nguyên, ralo janih ruak palai kaik phun ameraih kalu daok patagok samar saong kan pasang iek. Pataom tame ralo di dua tỉnh Gia Lai saong Đắc lắc, dom janih ruak ralo di phun ameraih kalu daok tagok samar, kan pasang iek nan lac: ruak metai samar; metai suai; tuyến trùng kaik gha; ruak thán thư; palai kaik dhar saong ruak đốm juk. Tui ong Hoàng Trung, phaok akaok cục khik caga phun pala, mak na ngak ka taneh ameraih kalu njauk njom ruak saong daok patagok nan lac kayua dom thun jaik di ini yaom ameraih glaong, tani tanat urang nông peih praong taneh oh tui quy hoạch, lạm dụng khak drak jru khik caga phun pala. Ong brei thau:

“Gah cục khik caga phun pala jeng hu ba tabiak jalan pacang cakak dom janih ruak ini angaok phun ameraih kalu. Bruk kham merat di mintri, ndom ka quy trình kỹ thuật ginup abih ye. Tacei pato biak cambaih laih yau ngan saong urang nông pala ameraih kalu meng bruk pataom mek vệ sinh mblang hamu, bloh palahik njauk jalan dom phun njauk ruak”.

7/ Bình Thuận lac sa dalam dom labik hu rilo urang Chăm daok. Piah khik ramik song patagok sap ndom, akhar haroh dom bangsa takik, abih di nyu nan lac  sap Cham, dom thun tapa bruk pato sap Cham ka anek bhik urang Cham di dom sang bac tiểu học di Bình Thuận biak hu sangka. Yaok thun hu meng 3000 tal 4000 anek saih bac sap Cham, samu labaih 90% anek saih dalam tỉnh. Thun bac học 2015 - 2016, Bình Thuận hu 12 sang bac tiểu học di dom huyện Bắc Bình, Tuy Phong, Hàm Thuận Bắc song Hàm Tân pato sap Cham. Urak ni, dalam tỉnh hu 47 urang gru pato sap Cham hu megru pasram, dalam nan hu 24 urang gru pato sap Cham song 23 urang gru pato kiêm nhiệm

Patui di ini dom khau tin dunya:

8/ Harei kabroi 5/10, di ban ine Viêng Chăn, rah tabiak mbang ginum meyai di kapul UBTUMT lào dak padang taneh ia saong kapul pakat glaong UBTU7MT negar VN, dalam mbang nao rivang saong ngak bruk di lào di kapul meng harei 5 tal harei 8 bilan 10. Dua gah hu ginum meyai, klah rabha ilamu dalam bruk ngak di UBTUMT negar di yaok taneh ia saong dom bruk sangka piah paglaong kein laba bruk ngak di dua UBTUMT negar.

 9/ Nobel Hòa bình lac giải thưởng hu rilo panuac kamlah gauk di abih tuk tame bilan Nobel. Thun ni, dom urang hu angan je yau Đức Giáo hoàng Francis, Tổng thư ký Liên Hợp Quốc (LHQ) Ban Ki-moon,, dom urang ginum biai ka bruk hạt nhân Iran, Thủ tướng Đức Angela Merkel...dok ngak ka menuac sia caik hatai sangka anak harei brei thau dom giải thưởng Nobel yaok thun hu rah tabiak dalam harei 9/10 anak tal.

10/ Ralo labik di Xinh-ga-po njauk sauk kapal meng dom mbang khuah glai di Inđônêsia. Tui jabat môi trường pakat negar Xinh-ga-po,  chỉ số ô nhiễm môi trường kuhria dalam 3 mong di gah meraong Xinh-ga-po hu tagok tal 118, tanut hu iek lac oh siam ka pren yava. Di dom labik karei, chỉ số ini trun tagok meng 99 tal 118, dalam tuk bruk an toàn brei ala 100. Ô nhiễm sauk thur mur hu ngak kan kandah tal dom mbang par, pacap ralo sang bac kreih pabah mbang di Xinh-ga-po saong Malaisia. Yaok ribau urang di Inđônêsia gaok kan kandah ka jalan suak yava./.