1 #  Harei ini (20/5), Quốc hội mbang 13 negar Cộng hòa xã hội chủ nghĩa Việt Nam peih mbang nyaom ka 9 pak BAN INE Hà Nội. Tukvak tapa, Ủy ban thường vụ Quốc hội, Raja-ei, Hội đồng bangsa, dom Ủy ban di Quốc hội, dom jabat hữu quan, dom kapul urang lambaok Quốc hội saong dom urang Quốc hội hu samar kuhria caga dom asal kadha pok tagok Quốc hội, taom gaok, duah thau hatai caong khin di cử tri piah pathau tagok Quốc hội. Mbang peih mbang nyaom ka 9, Quốc hội mbang 13 hu Rayo papar binguk Viet Nam, Rayo papar sap Việt Nam khan brei thau tapak piah ka cử tri saong bhap bani dalam negar tui mong tui iek.

2/ Kapul Chữ thập đỏ ban sit Đà Nẵng bahrau jak ba dom DN song urang kajar kapul rik jien blei 160 limo pajaih brei ka mik va kan kathaot di dom xã tapen negar huyện Tây Giang, tỉnh Quảng Nam. Yaok drei limo  yaom meng 15 tal 20 triệu đồng. Meng ni tal puac thun, Kapul Chữ thập đỏ ban sit Đà Nẵng daok jak ba dong limo pajaih brei ka urang kan kathaot bhum tapen negar piah tanit tanat song paglaong rai duik.

3 #  Hadei di labaih 10 bilan peih ngak pak Công ty Trách Nhiệm Hữu Hạn Sa thành viên ngak gilai Nha Trang, 2 sruh gilai taong ikan kanduh pasei QNg 94359 saong QNg 95868 hu mai tal xã Tịnh Kỳ, bal sit Quảng Ngãi piah jao ka urang taong ikan. Gilai hu hệ thống định vị vệ tinh gam haong yaok janih thiết bị bahrau, yaok sruh gilai ngak abih 8,7 tỷ đồng. Ong Phùng Đình Toàn – Phaok akaok Kadung jien daong ka urang taong ikan tỉnh Quảng Ngãi brei thau:

Kadung jien daong ka urang taong ikan hu neh tabiak meng phun jien di kapul nyaom saong manuac urang rik pataom daong ka urang taong ikan ngak dua sruh gilai kanduh pasei. Tiêu chí di urang taong ikan nan lac dom urang taong ikan hu ilamu, ngak mbang hu hiệu quả; nao taong mek ikan di bhum tasik atah; kaklau tra nan lac urang taong ikan njauk hu phun jien đối ứng nhất định cambaih laih nan lac ngư lưới cụ piah plaih tình trạng urang taong ikan ỷ lại oh hu trách nhiệm khik ramik drap ar hadei ini.

4/ Dalam dom harei tapa, di labik inum krung sajarah dak rai sang bac Dục Thanh di ban sit Phan Thiết tỉnh Bình Thuận hu taduan labaih 3.500 tuai damuai mai rivang main. Mboh anak meta phun khế Wa pala, bộ trường kỷ labik Wa dok la puac harak tapuk jang yau tal bac di tapen kraong CÀ TY, urang halei jeng mboh drut droi tuk pang dalikan ka Wa. Ong Trần Tịnh sa urang jakar padeih bruk mai meng tỉnh Kiên Giang lac:

          Harei INI hulin hu mai rivang inum krung sang bac Dục Thanh. Hulin mboh lac  sang BAC ni biak hu makna ka anek taco khol drei harei hadei. Ngan song Wa Hồ khol hulin biak iek prong iek glong,  hadar tal WA song ngak tui panuac tacei ba di Wa

   5 # Sở Khoa học saong Công nghệ Long An peih ngak "Harei nyaom ilamu saong công nghệ" piah meyaih khan dom thành tựu khoa học công nghệ saong iek prong dom cá nhân, tập thể điển hình. Bruk ngak khoa học saong công nghệ di tỉnh dalam thun 2015 pataom tame bruk roh duah ba pandar pagam haong hatai caong khin di darak pasar saong baoh jeng siam mekre kinh tế - xã hội. Dalam nan, trọng tâm nan lac pandar công nghệ bahrau tame bruk lai tạo pajaih, paglaong chất lượng saong giá trị kaya nong hadei di tuk thu hoạch..v.v.

  6/ Bahrau ini, di nyaom biai peih ngak danak dak ka bruk pacang caga lao thun 2015 song dom thun patui di nan kayua Pasak pacang caga ruak xã hội tỉnh Bà Rịa-Vũng Tàu peih ngak, bác sĩ Nguyễn Văn Lương, akaok pasak brei thau, bruk njom HIV/AIDS dalam urang ruak lao tagok samar tui thun, ngak patrun bruk iek ruak lao song patagok urang metai kayua ruak lao. Langiu di nan, tỉnh oh ka hu sang iek ruak lao song phổi nan ye tong abih urang ruak lao phổi oh ka hu khik iek di sang iek ruak. 

7  # Tui tin meng Pasak Y tế huyện Tân Phú, tỉnh Đồng Nai, meng akaok thun tal ini, kuhria rah tapa yaok bilan pasak klauk jru caga 160-170 ca pacang cakak ruak gila. Dalam nan binah prong nan lac uranaih ala umo 5 thun saong hu tal 50% uranaih njauk kaik pak mbaok, pak akaok. Tui bác sĩ Huỳnh Thị Phúc, Akaok pasak Y tế huyện, brei thau ka nguyên nhân nan lac kayua pak palei pala, raong athau meyao palao bal glai bal klo, nan ye uranaih mbuan njauk anek athau meyao kaik. Kadha njauk ndom nan lac, Urak ini jeng daok mboh ralo manuac urang daok chủ quan oh nao klauk ngừa tuk njauk athau akaik atau kluak jru pacang caga oh ginup. 

Nhạc cắt

Patui di ni dom khau tin dunya:

8/ Akaok mintri Ngoại giao Malaysia Anifah Aman bahrau ginum biai song akaok mintri ngoại giao Bangladesh Mahmood Ali di palao  Borneo, piah ginum biai ka bruk urang di cư meng Bangladesh, Myanmar tal  Đông Nam Á. Tui kuhria ong Anifah Aman hu var taom gaok song 2 akaok mintri ngoại giao Indonesia song Thái Lan dalam harei 20.5 ginum biai ka bruk nan. Dom mbang ngak bruk ni hu rah tabiak dalam tuk hu labaih 1000 urang nhập cư dok di langiu tasik Malaysia dalam adit tapa

9 # Takik di abih 21 urang jhik khan ao metai, mboh ralo nan lac urang kamei saong 5 urang njauk rambuis trak dalam sa mbang njauk bala angaok jalan mbak nao mai dalam harei 19/5 pak tỉnh Xvây Riêng (Svay Rieng) di Campuchia, jaik tapen negar Việt Nam. Tui raja-ei tỉnh Xvây Riêng, ini lac mbang njauk bala trak abih hu mboh pak tỉnh ini. Manuac urang metai meda daok mboh ralo kayua lac daok hu ralo urang njauk rambuis trak. Urak ini cảnh sát daok cap khik urang peih radaih saong daok peih bruk điều tra nguyên nhân ba tal mbang bala nan.

10/ Labaih 35.000 urang di Japon bahrau ni hu mbaok di thủ phủ Naha di tỉnh Okinawa, gah merong negar Japon, piah pachreih rajaei Japon padeih bruk padang ngak sa căn cứ bahrau ka lin Mỹ di labik Henoko. Dom urang nan dok hu panuac ieu Tokyo kreih pambah mbang căn cứ không quân Futenma di  Mỹ daok di ban Ginowan./.