1/ Patui mbang nyaom ka 8, QH mbang 13, harei ni, QH yam tapa adit ngak bruk ka 4 meng var nyaom di Hội trường. QH brei tapa sarak ka bruk patagok KTXH thun 2015, pang pathau khan, langyah, pabak, pasiam dự thảo hukum đầu tư pasiam veik song ginum biai ka dom kadha dok hu panuac karei di gauk di  dự thảo hukum đầu tư (pasiam veik).Beir harei, QH brei tapa sarak ka bruk kadung jien karja thun 2015, pang pathau khan, langyah, taduan mek panuac, ramik veik dự thảo hukum DN (pasiam veik) song ginum biai ka dom kadha daok hu panuac karei di gauk di dự thảo hukum DN (pasiam veik).

2/ Harei kabroi 9/11, tuk hu mbaok tame nyaom meyai pakat glaong APEC 22 di Bắc Kinh, Trung Quốc, akaok negar ong Trương Tấn Sang hu taom gaok Tổng thống Phi-líp-pin Ben-níc-nô S.A-ki-nô III saong hu mbaok ginum meyai saong urang dang akaok dom tập đoàn Hoa Kỳ daok hu mbaok di Bắc Kinh piah tame nyaom meyai pakat glaong di abih doanh nghiệp APEC. Akaok negar jeng hu nao rivang, ndom meyai saong urang jakar đại sứ quán Việt Nam di Trung Quốc.

3/ Sang bac Trung học Phổ thông Chuyên Hùng Vương, ban sit Pleiku, tỉnh Gia Lai bahrau peih tabiak dalam praong prang bruk taduan mek angan Anh hùng Lao Động. Di tuk jao brei angan Anh hùng Lao động, Phó akaok negar Nguyễn Thị Doan hu pok meyaom dom jak jeng di sang bac trumg phổ trung học Chuyên Hùng Vương;  tong yaom sang bac padang hu angan je di drei, sa sang bac di bruk kham merat yam tapa tapa kan kandah, , sami samar, hadah krah, naih gheih.

4/ Yau rayo sap ndom VN hu khan bloh, bruk paoh gauk di kapal Phúc Xuân 68 saong kapal Nam Vỹ 69 angaok bhum tasik atah di ban sit Nha Trang 15 hải lý ngak ka kapal Phúc Xuân 68 kram di labik. Tuk paoh gauk angaok kapal hu 11 thủy thủ, hadei di nan, daong hu 3 thủy thủ. Dalam mbang nyaom di melam kabroi 9/11, di pabah lam nge Nha Trang, cục hàng hải VN hu tacei pato dom đơn vị hu pambuak tal brei rilo phương tiện nao duah saong peih praong labik duah tame tal dom tỉnh yau Bình Thuận, Bà Rịa- Vũng Tàu.

 5/ Harei ni 10/11 dom labik dalam negar hu peih ngak bilan pakat negar pacang caga HIV/AIDS thun 2014 (meng harei 10/11 tal 10/12). Bilan ngak kayua Ủy ban pakat negar pacang caga AIDS song pacang caga jru pheil, kumei me-in peih ngak ngan song angan “oh mbaih mbaok saong neh rabha urang njom HIV/AIDS”. Bilan ngak dok lac tuk piah daong paglong hatai sahaneng di bhap bini, abih di nyu nan lac dom urang mbuan tổn thương, urang mbuan si njom ruak, urang dok di bhum atah bayah, mik va urang bangsa takik ka bruk pacang caga HIV/AIDS. 

6/ Peih ngak dự án pasiam veik sang glaong meng kan di urang Bru - Vân Kiều, Sở ilamu - Thể thao saong Du lịch Quảng Trị hu buh jien tame ngak pasiam veik 16 baoh sang glaong meng kan di palei Kalu xã Đakrông, huyện Đakrông. Hadei di jaik 2 thun peih ngak, tal urak ini dự án hu ngak salah bloh saong ba tame pandar. Dự án jeng piah khik ramik suai lavik dom yaom glaong ilamu meng kan di urang Bru – Vân Kiều, rik daong dak padang palei Kalu jeng sa palei ilamu du lịch sinh thái hadah krah di Quảng Trị. 

7/ Harei ni 10/11 di 22 sang bac trung học phổ thông di ban raya Hồ Chí Minh hu rah tabiak lễ chào cờ đặc biệt pahadar dom urang njak bala metai kayua phaok radeih di angaok jalan mbak. Hu mbaok di mbang chào cờ đặc biệt langiu dom anek saih, gru pato, dok hu mbaok dom urang ngak praong pan akaok puk palei, cảnh sát giao thông. Njauk di tuk 6tuk 45 minite, bruk chào cờ hu rah tabiak. Ngan song kadha “Hadar urang palang lihik – Kayua urang dok haduik”, tong abih hu caik tabiak 1 minite hadar tal dom urang palang lihik kayua radeih phaoh gauk. Di VN yaok harei tapa nao, radeih phaoh gauk ngak ka labaih 20 urang palang lihik, jiak 70 urang jaoh jo tal metai.  

Patui di ini dom khau tin dunya:

8/ Mintri Công nghệ Thông tin saong Truyền Thông Thái Lan daok padang đạo luật kinh tế số gam saong 13 đạo luật karei hu mbiah piah ba TL tame dalam di kỷ nguy6n số dalam taoang abih gah. Ong Phon-chay, akaok mintri công nghệ thông tin saong truyền thông TL brei thau, mintri ini daok pasang iek saong brei pok tagok hội đồng lập pháp pakat negar (nan lac Qh lâm thời) dự thảo đạo luật kinh tế số, yaom lac urak ini TL hu dom đạo luật yau đạo luật pablei salih điện tử, đạo luật khik iek dữ liệu menuac urang.

9/ Nyaom biai pakat glong dom DN APEC hu peih tabiak di Bắc Kinh, Trung Quốc. Ni lac sa dalam dom bruk prong di abih dalam adit pakat glong APEC dok rah tabiak di Bắc Kinh, song jeng lac sa bruk prong di dom DN song dom urang pan akaok KT bhum châu Á – Thái Bình Dương dalam thun. Brei panuac peih nyom biai, Chủ tịch Trung Quốc Tập Cận Bình tong yaom, bhum châu Á – Thái Bình Dương nan lac labik hu KT sami samar, KT tagok samar, hu pren pambuak bruk praong abih di dunya, lac baoh pakan ba kaok dalam bruk pasiam veik KT dunya./.

10/ Tổng thư kí Liên hợp quốc Ban Ki Mun karei kabroi pok meyaom bruk Cộng hòa dân chủ bhap bini Triều Tiên peih lui dua urang Mỹ, Dua urang ini lac Ke-nét Ba-ê saong Mát-thiu Mi-lơ njauk guc ngak bruk khổ sai di TT hu mai veik Mỹ. Tui ong Ban Ki Mun, ini lac sa jalan ngak siam piah pasiam talei pambuak bruk di dom gah, jhul patagok bruk sron mbon saong an ninh angaok bán đảo TT. Mỹ dahlau di nan jeng brei thau saong pik meyaom bruk TT peih lui dua urang Mỹ./.