1/ Tui danak dak harei ni 12/11, QH  ginum biai di Hội trường pang harak pathau khan, pasang iek ka dự án hukum an toàn vệ sinh lao động; ginum biai ka dự án hukum MT negar VN (pasiam veik). Beir harei, dom urang QH ginum biai di tổ ka dự án hukum nghĩa vụ quân sự (pasiam veik) song Dự án hukum an toàn vệ sinh lao động.

2/ Dalam dom harei tapa, báo chí TQ khan brei thau biak rilo ka bruk ngak di akaok negar ong Trương Tấn Sang dalam tukvak hu mbaok dalam nyaom meyai pakat glaong APEC 2014. Dahlau di nan, blah thời báo Hoàn Cầu hu kadha vak ndom lac, akaok negar ong Trương Tấn Sang dalam tukvak daok di Bắc Kinh hu taom gaok urang dang akaok pakat glaong TQ, bruk ini hu ba mai bui sambai ka bhap bini dua taneh ia meng hadei di tuk talei rohim catang tagok di bilan 5 meng bloh, talei pambuak bruk dua taneh ia VN – TQ daok hu salih barau saong patagok.

3/ Harei kabroi 11/11, Thủ tướng Nguyễn Tấn Dũng song kapul pakat glong VN hu mai tal ban ine Nay Pyi Taw, Myanmar hu mbaok dalam nyaom biai pakat glong ASEAN mbang ka 25 song nyaom biai pakat glnog pagam tal, tui panuac daa di tổng thống Thein Sein. Tui danak dak, mesup harei ni 12/11, Thủ tướng Nguyễn Tấn Dũng song dom urang pan akaok ASEAN hu mbaok di nyaom biai pakat glong ASEAN mbang ka 25 di pasak nyom biai pakat dunya Myanmar. Hadei di tuk khai mạc, Thủ tướng hu mbaok dalam dom mbang ginum biai song dom bruk ngak prong dalam nyaom biai.

4/ Akaok UB bhap bini tỉnh Quảng Ngãi Lê Viết Chữ hu mbaok di tuk mbaoh tangin sanya oh dak pandap panda rilo jang pren pajeng di dom radaih, kapal di dom labik đầu mối xế pajeng pandap praong, mblang gaiy gilai nội địa, dom mỏ khai thác vật liệu, mỏ quặng, kho pandap dalam tỉnh Quảng Ngãi. Tuk vak tapa, bruk radaih pajeng rilo jang tải trọng daok rah tabiak ralo.

5/ Công ty Trách Nhiệm Hữu Hạn Du lịch Sao Việt, tỉnh Phú Yên dok pambuak bruk song sa Tập đoàn kinh tế negar langiu daok pataom tame padang ngak labik du lịch phức hợp 6 patuk di Bãi Xép, xã An Chấn, huyện Tuy An, tỉnh Phú Yên. Dụ án hu yaom jien abih tih labaih 1700 tỷ đồng,, tui kuhria hu ba tame pandar dalam thun 2017.

6/ Bruk pandiak bhang daok rah tabiak di huyện Tuy Phong, tỉnh Bình Thuận, mboh cambaih di abih di dua xã Vĩnh Hảo saong Vĩnh T6an. Sa nghịch lý nan lac dalam tuk dua xã daok kurang ia ye yaok rituh m³ ia meng danao, kraong njauk tathuak tabiak tasik. Kayua ia jan di labik ini biak takik nan ye ia di danao Đá Bạc urak ini bahrau hu jaik 1,2 triệu m3, dalam tuk ia pruh caong hu ka 300 ha taneh pala drak di dua xã Vĩnh Hảo saong Vĩnh Tân nan lac labaih 3 triệu m3.

7/ Meng akaok thun tal ni, di tỉnh BRVT hu jiak 3.900 urang ruak tangin takai cambuai, dalam nan hu sa urang metai. Gah y tế tỉnh hu tui iek song langyah 178 sruh jit. Anak bruk nan, Sở y tế tỉnh hu panuac ieu dom đơn vị y tế di dom phường, xã, ban sit pambuak bruk song gah pato megru song karja puk palei jhul pakhang bruk pasang iek jit ruak di dom sang bac, abih di nyu nan lac sang bac mầm non.  

Patui di ini dom khau tin dunya:

8/ Dalam dua harei 24 saong 25/11, di ban ine Viêng-chăn Lào hu rah tabiak nyaom meyai pakat glaong bhum tam giác patagok Campuchia - Lào- Việt Nam mbang ka 8. Nyaom meyai mbang ini piah taong yaom dom bruk ngak hu dalam tukvak tapa saong ba tabiak jalan ngak dalam tukvak anak tal, dalam nan hu bruk jak ba ieu pachreih phun jien meng dom taneh ia pambuak bruk piah pabak ka dom dự án saong kế hoạch patagok kinh tế xã hội bhum tam giác patagok tukvak 2010 – 2020. 

9/ Rajaei Mỹ bahrau ramik veik quy định ka bruk pablei salih vũ khí dunya dalam nan hu điều khoản pagam tal brukk pablei tabiak negar langiu vũ khí ka VN. Ni lac sa jalan nao piah hiện thực hoá quyết định tah klak sa binah hukum cấm vận vũ khí di Mỹ ka Việt Nam. Tui dom asal hu ramik veik dalam mục 1261, Mỹ meda pasang iek bruk pablei tabiak negar langiu dom trang thiết bị song dịch vụ quốc phòng ka Việt Nam, iek tui yaok bruk cambaih laih./.

10/ Ấn Độ barau padang sa mintri iek bruk pachreih bhap bini pasram Yoga saong patagok jalan ngak y học cổ truyền Ay-ơ-vê-đa dalam bruk iek glang pren yava, iek ruak kik. Dalam harak ndom puac anak nyaom meyai hội đồng LHQ di bilan 9 meng bloh, thủ tướng Ấn Độ Na-ren-đra Mô-đi jeng hu panuac pachreih ralo urang pasram yoga saong hu panuac ieu padang harei dunya yoga./.