1/ Harei ni 14/11, mbang nyaom 8, QH mbang 13 hu ginum biai dom asar kadha prong, QH ngak bruk di hội trường, pang Ủy viên Ủy ban thường vụ Quốc hội, Chủ nhiệm Ủy ban tài chính, kadung jien di quốc phòng Phùng Quốc Hiển patahu khan, langyah, taduan mek panuac di dom urang QH ka dự thảo sarak parabha kudung jien TƯ thun 2015, pang Ủy viên Đoàn thư ký mbang nyaom, Phó Chủ nhiệm Ủy ban kadung jien di QH Đinh Văn Nhã pathau khan dự thảo sarak ka bruk parabha kadung jien TƯ thun 2015 song biểu quyết brei tapa sarak.

2/ Tuk hu mbaok di nyaom meyai pakat glaong ASEAN mbang ka 25, nyaom meyai pakat glaong Đông Á mbang ka 9 saong dom nyaom meyai pakat glaong pambuak bruk di Nay Pyi Taw, Myanmar, harei kabroi, Thủ tướng Nguyễn Tấn Dũng hu taom gaok Tổng thống Hoa Kỳ Barak Obama. Di mbang taom gaok, Thủ tướng Nguyễn Tấn Dũng saong Tổng thống Obama brei mboh hatai bui sambai anak dom siam mekre dalam talei pambuak bruk di dua taneh ia angaok dom gah, abih di nyu nan lac meng tuk VN saong Hoa Kỳ padang talei pambuak taong abih bruk thun 2013. Pambuak bruk di dua taneh ia angaok dom gah kinh tế, pablei salih, đầu tư, pato megru, y tế, ngak pahala, năng lượng hacih oh padeih patagok.

3/ Di HN, harei kabroi 13/11, mintri pato megru hu peih tabiak dalam prong prang bruk pahadar harei gru pato VN song pok brei angan gru pato bhap bini, gru pato ưu tú thun 2014. Lambaok urang pang akaok Đảng karja, brei panuac di tuk pahadar, akaok negar ong Trương Tấn Sang hu payua panuac tadhau ayuh siam mekre di abih tal dom cei gru, anai gru, dom urang khik iek gah pato megru dalam taneh ia saong tadhau ayuh 39 urang gru hu pok brei angan gru pato bhap bini song 680 urang gru hu pok brei angan gru pato ưu tú thun ni. 

4/ Pahadar 84 thun harei padang MT bangsa yasa VN, harei ini, di khu dân cư palei Sung 3, xã Địch Giáo, huyện Tân Lạc, tỉnh Hòa Bình hu peih harei roya jum pataom taong abih bangsa. Palei Sung 3 urak ini hu 60 baoh sang, 256 menuac ngan saong 4 bangsa. Dalam nan, bangsa Mường hu jaik 90%. Dalam dom thun tapa, bhap bini dom bangsa palei Sung 3 kham merat salih janih phun pala saong athur raong. Tal urak ini, jien mek tame kuhria tui yaok akaok menuac nan lac 18 triệu đồng sa thun. 

5/ Harei kabroi 13/11 di ban sit Phan Rang – Tháp Chàm, 250 urang lambaok ka 15 ribau urang bangsa takik tỉnh NT mai hu mbaok di nyaom roya dom bangsa takik tỉnh NT mbang ka 2, tukvak 2014-2019. Dalam 5 thun tapa, rai duik mbang ngui daok dang saong ilamu di dom banga tỉnh NT hu sangka. Tal urak ni tong abih xã hu bilac y tế, sang bac, 90% sang bhap bini hu điện pandar.

6/ Meng akaok bilan 10 tal ini, gah y tế huyện Hướng Hóa, tỉnh Quảng Trị hu pambuak bruk saong dom puk palei peih bruk klauk vacxin sởi- rubella ka uranaih umo meng 1 tal 14 thun. Tal tukvak ini, huyện Hướng Hóa hu peih bruk klauk jru pacang caga ka labaih 11.000 uranaih dalam abih tih jaik 27.500 uranaih umo meng 1 tal 14 thun daok di 13 xã.

7/ Di ban sit Cần Thơ Bộ Tư lệnh Quân khu 9 bahrau peih tabiak dalam praong prang nyom roya pakacah quyết thắng tapon nyom bol pan phao kraong Quân khu tuk vak 2009 – 2014. Nyaom roya hu makna biak prong, lac tuk piah pataom iek veik, tong yaom bruk ngak hu, klak rabha ilamu dalam bruk pakacah Quyết thắng meng thun 2009 mbiah tal harei ni.

Patui di ini dom khau tin dunya:

8/ Tui danak dak, thun ini rajaei Lào ba tabiak bruk klauk vacxin ruak sởi saong Rubela pakat negar ka labaih 1,6 triệu uranaih, taphia di nan ieu dom baoh sang hu uranaih brei ba uranaih nao klauk vacxin pakat negar thun ini (meng harei 17 tal harei 30/11). Tui giáo sư, tiến sĩ Vông-vi-chít, akaok mintri Y tế Lào, bruk klauk vacxin hu yaom biak glaong, kayua pacang cakak sởi saong Rubela hu ba mai pren yava siam ka uranaih.

9/  Tổng thống Mỹ Ba-rắc Ô-ba-ma (Barack Obama) biak bui hatai ka bruk salih bahrau jalan chính trị di Mi-an-ma song hu panuac lac Mi-an-ma brei kham merat jang piah salih bahrau taneh ia. Dahlau nan di bilan 10 meng lboh dalam mbang ginum biai song Tổng thống Mi-an-ma Thên Xên (Thein Sein), ong Ô-ba-ma hu pok meyaom panuac sinya di rajaei Mi-an-ma ka bruk tiến trình hòa bình, jang yau hu panuac ieu rajaei Mi-an-ma kham merat piah samar mek hu bruk padeih mesruh gauk dalam negar song rilo nyaom phiến quân.

10/ Kapul gru jru oh hu biên giới, sa kapul ngak pahala dunya brei thau, daok peih bruk pandar iek jru iek ruak Ebola angaok rup pabhap urang ruak di Tây Phi. Bruk pandar iek hu peih ngak di Ghi-nê dalam tuk dom urang metai kayua Ebola tal urak ini nyu ngak ka labaih 5 ribau urang metai. Tui kuhria mboh barau abih di gah y tế dunya, kuhria tal harei 9/11, dunya hu labaih 14 ribau urang njauk ruak kayua virut Ebola, dalam nan hu tal 5 ribau 160 urang metai./.