1./# Tập đoàn Xăng menyek Việt Nam (Petrolimex) brei thau, brei peih pablei xăng E5 RON 92 meng harei 01/12  di 7 tỉnh, ban piah peih tabiak bruk pablei salih xăng sinh học tui jalan tacei di Thủ tướng Rajaei. Tui nan, xăng E5 hu ba tabiak pablei meng harei 1/12  di 7 labik nan lac Hà Nội, ban raya Hồ Chí Minh, Đà Nẵng, Hải Phòng, Cần Thơ, Quảng Ngãi, Bà Rịa - Vũng Tàu saong peih pablei dalam taneh ia meng harei 1/12.

2/ Mintri y tế barau hu harak pandar dom puk palei pataom klauk ka nyu ginup abih vacxin sởi ka uranaih umo meng 9 tal 12 bilan, piah pacang cakak hu jit ruak ini bhian tamuh tabiak di bilan đông – xuân. Cục y tế dự phòng (mintri y tế) pandar giám đốc sở y tế dom tỉnh, ban tacei pato saong pasang iek veik bruk klauk vacxin sởi hu peih ngak dalam dom mbang klauk định kỳ, klah bỏ sót, abih di nyu nan lac di dom xã bhum atah bayah, bhum urang bangsa takik, bhum hu menuac sia panduan nao mai rilo.

3./ “Meda iek thit ruak ung thư di uraniah”. Ini lac panuac khan dalam mbang ginum biai ka Ung thư uraniah pakat negar mbang ka 7 kayua sang iek ruak uraniah Trung ương pambuak bruk haong Dự án Ung thư nhi Việt Nam-Lund di Thụy Điển peih tabiak di Hà Nội. Khoa Ung bướu sang iek ruak uraniah  Trung ương daok peih ngak danak dak tut angan saong tui iek labaih 1.300 uraniah ruak ung thư hu chẩn đoán di sang iek ruak.

4/ Tui pasak y tế dự phòng tỉnh Đồng Nai, meyah dom thun dahlau urang umo labaih 15 thun njauk ruak pandiak tabiak drah di puk palei tok hu meng 15 tal 20% dalam abih tih urang ruak ye tapa labaih 10 bilan di thun 2014, bruk ini nyu tagok tal labaih 50%. Dom urang umo praong thun bhian hu hatai sahneng oh njauk, lac ruak pandiak tabiak drah tok ngak kan kandah pren yava uranaih, urang praong pren pacang caga ruak khang nan ye oh kan kandah hagait.

5./ Tập đoàn Điện lực Việt Nam brei thau, dalam bilan ini, tui kuhria, phụ tải di hệ thống điện meda tagok tal 413 triệu ki-lô-oát giờ yaok harei, công suất praong abih labaih 22 ribau 430 mê ga oát, rilo jang jaik 1000 mê-ga-oát dut saong bilan dahlau. Piah khik kajap bruk pabak điện, Tập đoàn Điện lực Việt Nam brei khai thác mbuah, lagaih dom sang mac thủy điện gah barak, gah meraong saong Tây Nguyên iek tui ia mai piah khik ka bruk padang ia hu siam mekre di tuk jhung thun.

6/ Meng akaok thun 2014 tal ini, dom pakat ủy đảng, MT negar, dom kapul nyaom chính trị - xã hội dalam tỉnh Lâm Đồng hu peih bruk pataom iek veik 3 thun peih ngak chỉ thị 03 di mintri chính trị ka bruk patui jalan jhul pakhang bruk bac megru saong ngak tui jalan hadah krah siam mekre di HCM, pambuak saong bruk pok meyaom dom kreh camin dalam bruk bac megru saong ngak tui wa. Tapa nyaom meyai pataom iek veik hu taong yaom bruk ngak, mboh lac dalam tuk peih ngak, hu ralo bruk ngak gheih, hadah krah, lagaih saong yaok puk palei, njauk pambak praong bruk ngak saong kreh camin ini tal bhap bini.

7./  kapul dam dara cộng sản Hồ Chí Minh pakat negar hu Quyết định pok brei angan “Tuổi trẻ dũng cảm” ka adei Nguyễn Nhật Trường, anek saih tal 10 sang bac Trung học phổ thông Huỳnh Tấn Phát, huyện Bình Đại metai kayua daong ka ayut mblung ia. Kapul dam dara tỉnh Bến Tre jeng hu quyết định pok harak meyaom ka Nhật Trường gam 1 triệu đồng, saong pok meyaom brei dam dara dalam tỉnh thau.

Patui di ini dom khau tin dunya:

8/ Jabat khí tượng Mỹ brei thau, mbang Mi-chi-gân saong dom mbang jaik taphia di taneh ia Mỹ dalam dom harei tal meda hu sa mbang ribuk tuyết praong. Tui nan, nhiệt độ dalam taneh Mỹ meda patrun khang tal tanut kỷ lục. Rayo papar binguk NBC brei thau, di ralo labik gah brak mbang Mi-chi-gân hu rah tabiak bruk tuyết laik kapal yaok pluh cm me-om patih grap labik.

9./gah Y tế Thế giới WHO hu panuac lac, yaok thun hu yaok triệu menuac, rilo meng lac di dom taneh ia daok patagok metai kayua  ô nhiễm không khí dalam sang, kayua pandar dom nhiên liệu nguy hiểm yau dhang, menyek, njuh, rác thải  nông nghiệp. Anak bruk yau nan, WHO hu panuac ieu bhap bini pandar nhiên liệu hacih saong padang labik tahanek huak siam mekre, hacih sa-at.

10/ Liên đoàn dit blaong dunya FIFA ndom lac Ma Rốc oh taduan dang tabiak peih cúp dom taneh ia châu Phi - African Nations Cup di bilan 1/2015, jeng hu dang tabiak peih giải vô địch dunya dom klup kapul - Club World Cup yau bruk ba tabiak. Dahlau di nan, Liên đoàn dit blaong châu Phi khan brei thau bruk Ma rốc oh dang tabiak peih cúp dom taneh ia châu phi 2015, saong oh brei đội tuyển taneh ia ini tame giải pakacah kayua huac jit virus Ebola./.