1/ Di Jabat Quốc hội, Phó Chủ tịch Quốc hội Tòng Thị Phóng hu taduan raok Tổng Thư ký Liên minh nghị viện dunya (IPU) Martin Chungong song Kapul tư vấn Liên minh nghị viện dunya ka bruk pacang caga HIV/AIDS dok mai rivang song ngak bruk di negar drei. Di tuk taduan raok, Phó Chủ tịch Quốc hội Tòng Thị Phóng brei panuac dar phol Tổng Thư ký hu taduan panuac daa tapa VN dong ka Ban Tổ chức Đại hội đồng Liên minh nghị viện dunya 132 pasang iek, tacei ba ka bruk kuhria caga ka Đại hội đồng Liên minh nghị viện dunya  132 song pambuak bruk dalam nyaom biai pacang caga HIV/AIDS kayua Liên minh nghị viện dunya, Quốc hội Việt Nam song Cơ quan Liên hợp quốc ka bruk pacang caga HIV/AIDS (UNAIDS) pambuak bruk peih ngak.

2/ Tui pasak khí tượng Khí tượng Thủy văn pakat negar, kayua hajan, meng harei ini 1/12 ia dalam dom kraong meng Hà Tĩnh tal Bình Định meda tagok. Dalam mbang ia sua ini, ia dalam dom kraong meng Hà tĩnh tal Quảng Trị tagok tal tanut báo động 1; saong angaok báo động 1; dom kraong meng Thừa Thiên Huế tal Bình Định tagok tanut báo động 1 tal tanut báo động 2, hu kraong tagok angaok tanut báo động 2. Dom puk palei brei kuhria caga bruk mbuan rah tabiak ia sua glaong dalam dom kraong craoh sit, dauk labik taneh biar saong bhum taneran tapen tasik, glut jaleih taneh di bhum ceik dom labik angaok nan.

3/ Kapul Liên hiệp urang kamei ban sit Đà Nẵng pambuak bruk song Cơ quan Liên Hợp Quốc ka bruk likei kamei samu gauk song jao quyền ka urang kamei di VN (Un Women) bahrau peih mit tinh, tabiak panuac ieu “Njauk ngak piah palahik bruk taong paoh urang kumei saong uraniah kumei". Di var mit tinh, Kapul Liên hiệp urang kamei ban sit Đà Nẵng hu panuac ieu menuac sia jhul pakhang bruk peih ngak tui Hukum likei kamei samu gauk, hukum pacang tong phaok dalam sang dong paglong akaok sahaneng ka hukum, ilamu diukrai, eng drei thau khik caga ka urang kamei song uranaih kumei. Amuk Lê Thị Mỹ Hạnh, Phó Chủ tịch kapul urang kamei ban sit Đà Nẵng brei thau:

Bruk ngak di dunya meng harei 25/11 tal harei 10/12. Makna di bruk ni piah ka bhap bini urang likei song kamei jak ba gauk peih ngak piah tah klak bruk tong phaok urang kamei song uranaih. Khol hulin peih dom bruk pathua khan di cơ sở piah ka dom kalup kapul klah rabha ilamu ka bruk tong phaok dalam sang song urang kamei, di ban sit ĐN hu patrun patakik.

4/ Tui kuhria, vụ đông xuân thun ini, tỉnh Bình Định drak labaih 47.000 ha padai, tui nan caong jaik 5.500 tấn padai pajaiah. Piah pabak ginup padai pajaih ini, sở ngak nông saong patagok palei pala hu tacei pato pasak pajaih phun pala kuhria caga hu 470 tấn padai pajaih pabak ka mikva, daok veik dom puk palei eng drei duah. Ong Phan Trọng Hổ, giám đốc sở ngak nông saong patagok palei pala tỉnh Bình Định brei thau:

“Kol dahlak jeng thống nhất dom puk palei tui iek bruk langik tasik. Meyah hu hajan saong ia sua ye nyu meda dauk saong lahik pajaih nan ye kol dahlak hu mepiah padai pajaih 1000 tấn piah daong ka mikva urang nông tuk ia sua atau lahik pajaih”

5/ Di ban sit Dương Đông, huyện Phú Quốc, kapul khik caga anek athur glai WAR pambuak bruk song Khu khik ramik tasik Phú Quốc song Jabat pato pmegru huyện Phú Quốc, tỉnh Kiên Giang bahrau peih “Harei pataom khik caga Dugong 2014”. Bruk ngak ni piah  ieu dom urang jakar pan akaok, anek saih, tuai damuai du lịch song bhap bini hu mbaok tame khik caga Dugong, dok hu ieu lac limo tasik, sa janih athur tasik quý hiếm dok mbuan si lihik abih di VN.

6/ Tui harak pathau khan di ban tacei jalan Tây nam bộ, bruk patrun kathaot urak ini di ralo tỉnh dalam bhum taneran kraong Cửu Long daok kurang khang kajap. Baoh sang ka kathaot saong jaik si kan kathaot di ralo tỉnh daok di tanut glaong labaih 25%. Makna nan lac kayua sarak patrun kathaot daok phân tán, chồng chéo, nguồn lực rabha oh samu, bruk pato bruk ngak oh ka pambuak saong ba bruk ngak ka bhap bini.

7/ Labaih 1 tỷ 500 triệu đồng nan lac pok jien mek hu di Nyaom darak pasa pahla pakat dunya mbang ka 21 rah tabiak harei kabroi di kalup kapul Phu nhân Lãnh sự ban raya Hồ Chí Minh. Nyom darak pasa thun ni hu yaok ribau urang mai mong iek blei dom janih pandap mbang menyum di rilo negar karei karei di angaok dunya song yaom pablei beir jang yaom darak pasa. Langiu di nan tuai damuai dok rút thăm trúng thưởng hu yaom meng 100 USD tagok , yau harak kapan haoh nao mai di  Vietnam Airlines, Cathay Pacific Airlines song  Singapore Airlines, phiếu padeih padei di dom khách sạn,  phiếu mbang cala pandiak di  dom khách sạn, resort 5 patuk .

Patui di ini dom khau tin dunya:

8/ Harei kabroi, nyaom meyai pakat glaong dom taneh ia hu pandar sap Prang mbang ka 15 hu tamat bloh di ban sit Đa-ca, ban ine Xê-nê-gan. Tamat nyaom meyai, dom urang dang akaok karja saong rajaei dom taneh ia thành viên hu brei tapa ralo harak quan trọng hu tacei jalan ka dom bruk ngak di bhap bini pandar sap Prang dalam tukvak anak tal, meng dom gah sron mbon, an ninh, đa dạng ngôn ngữ saong ilamu, patao megru tal pambuak bruk kinh tế, patagok khang

9/ Tổng thư ký Tổ chức Hiệp ước Bắc Đại Tây Dương (NATO) Gien Stôn-ten-bơc bahrau hu panuac khan lac taduan panuac caong di urang Ucraina ka bruk hu mbaok tame NATO. Ni hu mong lac sa bruk  peih jalan ka Ucraina dalam tuk Tổng thống Ucraina Pô-rô-sen-cô hu panuac ieu brei peih trưng cầu ý dân ka bruk hu mbaok tame NATO piah ba drei tame Tây Âu. Min bruk Ucraina hu jeng sa thành viên NATO dok lac “tuh menyek tame apui” ka bruksrau kadau di Ucraina,  ngak catang jang bruk meriak gauk di  Nga-Ucraina jang yau  Nga- phương Tây.

10/ harei kabroi, ralo bruk ngak pahadar harei dunya pacang caga ruak AIDS hu peih tabiak di ấn Độ. Dom băng rôn hu thông điệp ka AIDS ngan saong biểu tượng dải ruy-băng meriah hu dom adei anek saih tuan angaok daning di sang ga ban sit. Taphia di nan, dom adei anek saih jeng hu xếp hàng tah di ralo jalan ngan saong dom áp phích saong rup cih cổ động ka chiến dịch dalam tangin piah dui bhap bini tame caik hatai sangka. Tui dom urang tổ chức, tapa chiến dịch mbang ini, dom urang tổ chức caong khin palahik virut HIV truh xã hội Ấn Độ./.