#/ Beir harei 12/1, di sang QH, Phó akaok Quốc hội Huỳnh Ngọc Sơn taduan raok kapul Ủy ban Văn hóa song  Xã hội di Quốc hội negar Cộng hòa Dân chủ bhap bini Lào kayua ong Phôn- thếp Phôn- xể- na, Ủy viên Ủy ban Thường vụ Quốc hội, Chủ nhiệm Ủy ban pang akaok, dok mai rivang song ngak bruk di VN. Phó akaok Quốc hội Huỳnh Ngọc Sơn ndom lac QHVN tuk halei jeng pachreih tui  song patagok talei pambuak bruk haong QH negar Cộng hòa Dân chủ bhap bini Lào, abih di nyu nan lac dalam bruk padang ngak adat hukum song pambuak gauk pasang iek, daong ba  mbuan lagaih ka dom dự án đầu tư patagok KTXH di 2 negar.

# Dalam sa bilan ini mai, bruk lahik bóng menyek compact di dom bein thanh long daok rah tabiak khang, gam harei gam melam di xã Hàm Mỹ, huyện Hàm Thuận Nam, tỉnh Bình Thuận, ngak ka urang nong pak ini duh hatai. Bein sang saai Nguyễn Cao Nguyên daok di palei Phú Hưng, xã Hàm Mỹ, huyện Hàm Thuận Nam hu jaik 400 geng thanh long daok truic menyek piah tabiak bingu karei bilan ngan saong 720 bóng compact. Harei 6/1 barau blaoh, di tuk saai Nguyên oh hu mbaok di bein, kol klaik mbang nyu tame mek 220 bóng compact gam saong đuôi menyek, ngak khat lahik ka sang jaik 10 triệu đồng. Saai Nguyễn Cao Nguyên ndom lac :

Kol nyu klaik lac biak chuyên nghiệp. klaik di gah dalam, piah tuk kol dahlak truic menyek tagok atau kol dahlak maong di gah lingiu lac baok menyeki daok , min di gah dalam  lahik abih paje.

#/ Harei kabroi 12/1 gah khik ramik darak pasa tỉnh Đắc Nông duah mboh song chap mek labaih 1 ribau pok bột ngọt  ja, abih tih jiak 300 kg hu pablei di dom darak pasa dok di dom huyện Đắc R’Lấp song Tuy Đức. Bot ngot ja ni hu angan Aji No Moto, hu trọng lượng 200g, 300g, 400g, hu tem nhãn song logo oh cambaih, oh yau  pandap biak. Hadei di tuk duah hu song chap mek, Chi cục khik ramik darak pasa tỉnh Đắc Nông hu ngak dom thủ tục piah ba nao am klak tui quy định.

# Chi cục Thú ý tỉnh Đắk Lắk harei kabroi (12/1) brei thau, hadei tuk duah mboh dom sruh jit ruak saloah cambuai papaok kakau di tapol kubao, lamo labaih 800 drei di dua huyen Krông Bông saong Lắk, Chi cục Thú y tỉnh hu tabiak bruk klauk caga vắc xin saong peih ngak dom bruk caga oh blei ka jit ruak pambak praong. Piah daong cakak drak samal jit ruak pambak praong, Cục Thú y (mintri ngak nong hu brei ka tỉnh Đắk Lắk 20.000 liều vắcxin type A saong 7 tấn hóa chất piah samal padam jit di dom bhum daok patuh …

#/ Tapa bruk urang nong pakacah gauk ngak mbang pablei salih joi song dong ba gauk patruh kan kathaot, dom pakat urang nong ban Cần Thơ dong hu labaih 3 ribau boh sang hội viên song tacei pato ngak kaya nong hacih saat pablei tết Bính Thân. Dom pakat urang nong ban Cần Thơ hu ngak salah bruk pasiam 25 boh sang taik tahah, dong ka urang hội kan kathaot. Ong Lê Bá Phước – Akaok kapul urang nong ban Cần Thơ cho biết:

Dom pakat Hội dok tacei ba song iek glang bruk sx, phun mbang boh, mblang bein, abih di nyu nan lac bilan padai đông – xuân, piah nyaik halak halin. Dok  kaya nong pabak tết brei pachreih ba mik va urang nong khik hacih saat pandap. Mik va urang nong oh pandar chất cấm dalam bruk ngak nong.  

# Ruak pandiak tabiak darah di tỉnh Tiền Giang daok patagok drak samal di dom harei akaok thun barau. Tok di adit akaok di bilan ni, dalam tỉnh mboh hu 33 ca pandiak tabiak darah, tagok labaih 153% duk saong dom bilan ini thun dahlau. Di dom huyen, ban sit jeng hu dom ca ruak pandiak tabiak darah. Gah y tế tinh Tien Giang kakei urang bhapbini puk palei njauk ta eng doang cakak ruak pandiak tabiak darah, patagok bruk ramik hacih alam moi truong, pametai jamaok, lăng quăng.

#/ Dalam thun bloh, kapul dong  urang ruak kan kathaot tỉnh Kiên Giang hu jak ba dom kapul nyaom, urang dok dalam song langiu negar dong jien song pandap panda yaom labaih 62 tỷ đồng. Meng pok jien jak ba ni, Kapul hu blac draih brei ka labaih 1 ribau 500 urang kan kathaot blac meta, boh hatai, phẫu thuật phụ khoa; dong  yaok rituh radeih lăn, radeih lắc ka urang jaoh jo song urang ruak kan kathaot.

          Patui di ni dom khau tin dunya:

# Melam 12/1, Đại sứ quán Việt Nam di hu peih bruk chiêu đãi pahadar 66 thun dak padang talei pambuak bruk ngoại giao Việt Nam - Trung Quốc.  Brei panuac di var lễ, Đại sứ Đặc mệnh toàn quyền taneh ia Cộng hòa Xã hội Chủ nghĩa Việt Nam di Trung Quốc Đặng Minh Khôi ndom khang, di 66 thun tapa, bhapbini dua taneh ia Việt Nam - Trung Quốc tuk halei jeng daong gauk di bruk mesruh metak cách mạng, peih paha bangsa, yasa taneh ia, dahlau thiah jeng ye dalam bruk dak padang, tapagok taneh ia harei ini.

#/ Harei 12/1 Thủ tướng Ba Lan, amuk  Bea-ta Sít-đ-lô (Beata Szydlo), ndom lac muk meda ngak abih drei piah khik caga quyền lợi di Ba Lan dalam sa mbang ginum biai di Nghị viện Châu Âu tui kuhria hu rah tabiak dalam adit tal. Mbang ginum biai hu rah tabiak dalam tuk dom salih bahrau gah tư pháp song truyền thông  karja jiak di ni kayua Đảng Pháp luật song Công lý pang akaok di thủ tướng Sít-đ-lô dok gaok chi trich khang di gah đối lập di Ba Lan, saong dom urang ngak prong di Liên minh châu Âu.

          # Iran meda pablei meneing kho ia nặng di taneh ia ini ka Mỹ,  tui thỏa thuận hạt nhân hu mbnaoh tangin di dom taneh ia di dunya meng thun dahlau. Ini lac khan brei thau di ông A-xơ-gha Za-giê-an (Ali Asghar Zarean), Phó akaok jabat năng lượng nguyên tử Iran anak báo giới harei kabroi (12/1).Tui nan, Iran meda pablei  40 tấn ia nặng ka Mỹ tapa sa taneh ia ka 3, dalam nan 6 tấn meda hu pandar di dom cơ sở hạt nhân di Mỹ, daok veik hu ba nao ka dom pasak thí nghiệm./.