# Melam 13/12 di jabat rajaei, Thủ tướng Nguyễn Tấn Dũng hu var taom gaok dom DN hu mbaok di diễn đàn DNVN pamong tal Cộngđồng  KT ASEAN. Brei panuac di mbang taom gaok dahlau di tuk hu jeng Cộngđồng ASEAN di harei 31/12 anak tal. Thủ tướng Nguyễn Tấn Dũng ndom lac Đảng karja song rajaei tuk halei jeng ba mbuan lagaih piah ka urang pablei salih ngak mbang, jang yau dong ka DNVN ba drei tame.

# Pagaiy harei 13/12, di Hà Hội, nyaom roya Tài năng trẻ Việt Nam mbang yaka 2 hu peih pakak, hu mbaok di 364 urang dalam taneh ia saong taneh ia langiu, lambaok ka trí tuệ saong tài năng di urang ranaih umo ( thun) VN. Di nyaom biai,  urang taong yaom bruk ngak di urang ranaih umo saong bruk tài năng trẻ Việt Nam tukvak 2010-2015, ba tabiak jalan ngak tài năng trẻ tukvak 2015-2020, taphia nan, pok meyaom, dui pataom dom urang bac daa ranaih umo thun Việt Nam hu dom rik daong ka bruk patagok di taneh ia .

# Pahadar 55 thun harei padang talei pambuak bruk negar CHXCNVN song Cộng hòa Cuba (2/12/1960-2/12/2015) song pahadar 57 thun harei CM Cuba jak jeng (1/1/1959-1/1/2016), harei kabroi 13/12, Liên hiệp dom kapul Hữu nghị, Hội Hữu nghị Việt Nam – Cuba ban raya Hồ Chí Minh pambuak bruk song song Thành đoàn ban raya pieh harei pataom ilamu Việt Nam – Cuba. Harei pataom ilamu VN – Cuba lac bruk puac abih  di dom bruk ngak di 2 taneh ia di ban raya HCM dalam thun 2015.

# Urak ini, tỉnh Ninh Thuận hu 24/24 sang bac pakat sa di bhum bhapbini bangsa Cam pato saong bac khar Cam saong abih tih anek saih bangsa Cam di dom sang bac pakat sa jeng hu bac akhar Cam. Mintri pato megru jeng hu patabiak 5 bộ tapuk giáo khoa meng tan bac 1 tal tan bac 5. Langiu bộ tapuk giáo khoa ka dom tan bac daok hu tapuk bài tập, katap pasram vak di tan bac sa saong tan bac dua, piah ba mbuan lagaih ka anek saih pasram, ngak. Dalam thun bac 2014-2015, di dom huyen, ban dalam tinh hu 7.364 anek saih (sumu 316 tan) hu bac akhar Cam; 62 gru pato hu pato akhar Cam tỉnh Ninh Thuận sangka pasram, ba dom kadha barau ka gru pato akhar Cam; abih di nyu nan lac di 2 thun bac 2013-2014 saong 2014-2015, Sở pato megru tỉnh hu peih dua tan pasram bruk pato saong bac akhar Cam ka 36 gru pato akhar Cam di Ninh Thuận saong 24 gru pato akhar Cam di Bình Thuận.

# Tapa bruk jak ba dak padang XH song bruk pachreih bac pachreih megru di ban sit Cần Thơ hu dak harei dak tagok, kham merat tal thun 2020 yaom lac hu rilo panuac ndom lac biak glong. Pagap yau thun 2006 padang hu 7 talei but pajaih kham bac, tal thun 2010 hu 42 talei but pajaih song thun ni padang hu 96 talei but pajaih pachreih bac. Tui sarak 45 di mintri chính trị, Cần Thơ jeng sa ban bhum taneran pakat negar (dunya) văn minh, hiện đại. Bruk ni  brei hu menuac  urang chất lượng glaong, paglong ilamu ka bhap bini dalam 5 thun tal brei nao dahlau patagok pren khang piah patagok

# Dalam 3 thun (2012 - 2015), Kapul Liên hiệp dam dara huyện Bắc Bình, tỉnh Bình Thuận hu brei 5 baok sang nhân ái ka 5 dam dara kathaot di dom xa Bình An, Hải Ninh, Hòa Thắng, Phan Thanh  saong Bình Tân, yaom labaih 100 triệu đồng.

# Yaom lac dom gah, kapul nyaom dom puk palei di tỉnh Tiền Giang hu patagok bruk pathau khan, jak ba, ngak dom jalan pacang caga ruak pandiak tabiak darah, min ruak ni dok tagok khang. Tal kreik bilan 12 ni, di tỉnh Tiền Giang hu jiak 2000 mbang urang ruak pandiak tabiak darak, tagok 130% dut song tuk vak ni thun dahlau. Bruk njauk caik hatai lac hu 128 urang ruak trak song 2 urang ruak trak ba tagok angaok song metai.

Khaw tin dunya

# Harei (13/12), Viện patagok hành chính negar Thái Lan brei thau bruk duah thau hatai sahneng di bhapbini ka tukvak pakauk tame ngak bruk chinh tri di dom ứng cử viên ngak suan. Tapa nan mboh lac, rilo urang Thái Lan pachreih tui bruk pakauk vĩnh viễn dom chính trị gia tame tranh cử meyah mboh bleik saleih dalam pilih ruah .

# Harei kabroi 13/12, ribuk nhiệt đới Mê-lơ (Melor) tuh tame Philippin ngak kan kandah bhum tasik gah pai di negar ni. Pren hangin 140 km/ sa tuk, ba tui hajan prong hangin khang, tal beir harei nan ribuk Mê-lơ dok di Thái Bình Dương tui gah tây-tây bắc song pamong tal Philippin. Tui kuhria, ribuk Mê-lơ tuh tame palao Xa-ma (Samar) gah kreik negar Philippin dalam beir harei ni  (14/12).

# Hadei 3 harei peih ngak, melam harei 13/12,  Festival tasik Campuchia mbang yaka 4 di ban tasik Cam-pốt (Kampot) hu salah blaoh. Klau tỉnh, ban di Vn lac Kiên Giang, Long An saong Cần Thơ ba kapul pataom tame parang eik yaih khan ka du lịch saong pataom gaok mbang menyum pakat dunya di Festival.  Dom tua (tour) du lịch pambuak pagam dom mblang tasik pulao di Việt Nam, Campuchia saong Thái-lan mek hu bruk sangka di rilo tuai du lich. Việt Nam saong Campuchia ba tabiak bruk di tuai du lich dua gah patagok labaih 30%/sa thun hu 1 triệu 600 rabau mbang di thun 2015 saong 2 triệu 500 rabau mbang di thun 2020