# Tui Tiểu ban Y tế duh nyaom roya Đảng pakat negar mbang yaka 12, gah y te hu jak ba labaih 300 gru jru di abih gah y tế dự phòng saong hệ thống iek ruak halan hatian duh y tế saong pasang iek pren yava ka dom urang jakar, tuai damuai daa mai pataom mbak nyaom roya Đảng pakat negar mbang yaka 12.  15 tổ y tế hu ngak bruk tapak di labik rah tabiak nyaom roya jeng ye labik daok di urang jakar saong tuai damuai. Taphia ba 30 tổ y tế di dom sang iek ruak saong 300 gru jru, urang jakar y tế di hệ thống iek ruak saong hệ thống y tế dự phòng daok halan hatain duh nyaom roya .

#/ Tui iek mbang nyaom TƯ 14 mbang 11 tapa dom harak mbao, rayo, đảng viên Nguyễn Ngọc Đăng Thư dok di Quận 10ban raya Hồ Chí Minh caik hatai jia tame dom urang dang akaok di  Đảng song Karja:

Bruk hulin  caik hatai di abih nan lac meng mbang nyaom hu caga siam  ka nyom roya 12 di Đảng, abih di nyu nan lac bruk nhân sự hu ba tabiak dom urang piah pilih ruah tabiak pang akaok Đảng song karja. Hulin mboh ni lac sa mbang nyaom hu chất lượng. Dom urang pang akaok tuk vak anak tal hu patui jalan ba taneh ia mbeik drei tame dak harei dak dalam jang di khu vực jang yau di dunya.

# Thun ini, uy mban bhapbini tỉnh Quảng Ngãi barau kham merat kaoh kadung jien sarak tỉnh 10 tỷ đồng daong jien mesraiy ka doanh nghiệp blei pandap pandar caik piah duh bhapbini dalam tỉnh di harei Tết Bính Thân 2016. Tukvak pablei pandap khik kajap yaom dui atah meng harei 9/1tal harei 31/3/2016. Ông Võ Minh Tâm, Phó Chi cục khik ramik darak pasal tỉnh Quảng Ngãi brei thau“Di dom doanh nghiep peih ngak danakdak khik kajap yaom hu tut angan tame lịch di Sở Công thương lac Chi cục tacei pato ka dom doanh nghiệp dalam tỉnh njauk pasang iek dom bruk ngak di doanh nghiep, taphia nan gam saong doanh nghiep dut iek pandap panda ba tabiak pablei di darak pasal. Ka dua, ba jalan ka urang blei thau ginup ka bruk blei pandap panda.”

          # Palei Ninh Ích, xã Ninh An, ban sit  Ninh Hòa, tỉnh Khánh Hòa urak ni hu labaih 600 boh sang song labaih 2.700 urang. Di labik ni rilo thun tapa hu bãi hareik Hòn Rọ bak nerak tachuak di ban sit Ninh Hòa. Tapa pasang iek dom danao bingun kuac, danao khoan di labik ni mboh lac rilo meng mẫu ia njar njom vi sinh biak trak, hàm lượng Clorua di 50% mẫu glaong jang meng 1 tal 7 mbang. Sở Tài nguyên môi trường hu panuac kakei lac urang jhui pandar ia njar piah ngak mbang huak, dom danao njom trak njauk padeih pandar chip.

# Urak ini, di Sóc Trăng mikva urang nong daok padrak pasang iek phun nyam paih duh ka darak pasal tết Bính Thân 2016. Dom alamu ky thuat barau gam saong alamu rilo thun pala tỉa, daok hu mikva pandar ngak habal ka njam patagok siam, ba mai kinh te kein lab glaong ka sang. Yaok thun, Sóc Trăng hu labaih 10 rabau hecta phun njam hu mikva pala piah raok tết. Dom janih phun njam hu mikva pala rilo jang lac phun njam kaut harei ye : rithun hala, sà lách saong dom janih njam cải, langiu nan daok hu amraik, hẹ, phun tamia, lithun tím saong dom janih phun njam mbang .

          #/ Công an ban Cần Thơ bahrau taduan gac  300 radeih juak pabak ka bruk nao pasang di cơ sở kayua Tổng Công ty dầu Việt Nam dong brei. Tui nan, 300 sruh radeih juak  hu brei mbang ni meda pabak ka bruk tui iek duah thau an ninh trật tự ka gah công an tban sit C.Thơ. Bruk cảnh sát khu vực nao pasang iek meng radeih juak piah patrun ô nhiễm môi trường, patak patom chi phí công vụ.  Abi di nyu nan lac patagok pren khang ka urang jakar, bol lin  công an song hatai hu jiak gauk di công an song bhap bini.

           Patui di ni dom khaw tin dunya

          # Meng rilo thun ini, mikva Việt kiều, dom doanh nghiệp Việt Nam saong urang jakar Đại Sứ quán Việt Nam di Campuchia thau tal sang iek ruak Đa khoa Chắc Ăng-rê Pô-li-cli-ních (Chak Angre Polyclinic) di quận Mean Chây, ban  Phnômpônh. Sang iak ruak kayua bác sỹ Việt Nam, saai Lê Bá Hùng daok di ban raya Hồ Chí Minh dak padang saong patagok. Dak padang thun 2008, sang iek ruak oh meda hu labik dang bo daok patagok khang, jeng sa dalam dom doanh nghiep Việt Nam ngak mbang hu kien laba di Campuchia.

#/ Tổng thư kí Liên hợp quốc Ban Ki Mun ndom lac, jit ruak Ebola meda patuh tabiak dalam thun ni yaom lacc Tây Phi hu panuac  lac abih jit. Gah y tế dunya harei kabroi 14/1 hu panuac khan lac Li-bê-ria tapa hu jit ruak Ê-bô- la, gam song Ghi-nê song Xi-ê-ra Lê-ôn (Sierra Leone) 3 negar njauk trak di abih kayua janih virus nguy hiểm ni di Tây Phi.

# Takik abih 10 urang metai saong 7 urang karei bị thương dalam mbang patuh sang mac pháo bingu di Trung Quốc harei kabroi 14/1. Tui báo chí puk palei, mbang patuh di sang mac pháo bingu di ban Khai Phong, tỉnh Hà Nam, Trung Quốc. Hadei mbang patuh, kapul daong padam pakhuah saong daong bhapbini hu ba dom urang bi thuong nao cấp cứu. Dom urang chức trách puak palei jeng hu dak padang kapul dut iek piah duah thau makna mbang patuh nan./.