# Beir harei 14/12 di HN, Viện ilamu Lao động song Xã hội, mintri Lao động Thương binh song Xã hội  pambuak bruk song Jabat negar ka bruk patrun kathaot peih nyaom biai klah rabha bruk peih ngak danak dak pakat negar patrun kan kathaot tuk vak 2016-2020. Brei panuac di nyaom biai, ong Nguyễn Trọng Đàm, Thứ trưởng mintri Lao động Thương binh song Xã hội brei thau:

Kol drei brei thau urang kan kathaot rilo gah piah ba sarak ka njauk menuac njauk urang piah patrun kathaot khang kajap. Ka 2 nan lac dom urang kan kathao oh lac rilo gah bo  kurang dom gah  ye kol drei tui nan khan brei  rajaei song dom mintri karei thau piah pasang iek, duah thau lac daok kurang di labik halei.

          #  Harei kabroi (14/12), Phòng Cảnh sát alam Môi trường- Công an ban sit Đà Nẵng saong dom gah chức năng hu mboh cơ sở ngak “limek nerak” kayua amuk Mai Thị Kim Anh daok di tổ 4, phường Hòa Minh, quận Liên Chiểu ngak po. Langiu 170kg limek hu ngak blaoh, dom kapul daok duah mboh 170kg limek oh ka ngakcaik ala haluk, anek rui ndam, oh hacih saat; 60 kadung limek hu ngak jeng limek ia, yaok kadung 40 kg, abih tih trak jaik 2,4 tấn. Tukvak pasang iek, labik ngak nan oh hu harak adat pablei salih ngak limek athur raong, oh hu harak lac ginup dieu kien ka an toan pamdap mbang menyum; oh hu harak brei thau ginup dieu kien hacih saat thú y

#  Meng akaok bilan 12 mbiah tal ni, tỉnh Khánh Hòa hu labaih 1000 urang ruak bahrau, patagok urang ruak pandiak tabiak darah dalam tỉnh labaih 7.700 urang, hu 2 urang metai kayua ruak pandiak tabiak darah. Bác sỹ Bùi Xuân Minh, Giám đốc Sở Y tế tỉnh Khánh Hòa brei thau

Labik iek ruak di sang iek ruak  Nhiệt đới hu ginup. Min di sang iek ruak Ninh Hòa hu sa khoa truyền nhiễm labaih 70 papan, 150 urang ruak njauk quá tải. Sang iek ruak njauk peih bruk iek ruak di hành lang song hu dom láng trại tạm piah iek ruak ka urang ruak, jit nyu tagok glong nan ye ni lac jalan ngak di anak meta.

# Thun ini, Đồng Nai hu 186  dự án jien FDI brei barau saong pasiam patagok jien. Dalam nan hu 100 dự án brei barau saong abih tih jien tut angan labaih 1 tỷ 750 triệu đôla Mỹ  saong 86 dự án pasiam patagok jien labaih 600 triệu đôla Mỹ.  Thun 2016, tỉnh ini kham merat pachreih jien FDI 1 tỷ đô la Mỹ. Ông Mai Văn  Nhơn, Phó akaok mban khik ramik dom labik công nghiệp tỉnh Đồng Nai ndom lac : ramik pasiam hành chính lac thủ tục hành chính, lac bruk biak praong piah doanh nghiệp quyết định đầu tư saong peih praong sản xuất hei oh. Kol dahlak tuk halei jeng caik angan lac salih barau, sang tao, duh siam ka doanh nghiep. Dom hagait meda trun takik hu ka doanh nghiep hei oh lac kol dahlak meda pasang iek brei tagok TW trun. Tukvak langyah thủ tục hành chính kol dahlak tuk halei jeng bain jeng duk saong tukvak di Trung ương 20-40%.

# Bilan padai Thu đông thun ni, urang nong huyện palao Tân Phú Đông, tỉnh Tiền Giang pala drak hu labaih 1.300 ha padai, min hu jiak 700 ha padai metai abih kayua kurang ia. Yaok ribau boh sang ni, hu rai duik biak kan kandah kayua yaok thun  tok ngak hu 2 vụ padai Hè thu song Thu đông.Urak ni karaj palei dok pok panuac likau tỉnh dong ka dom boh sang hu taneh khat lihik abih, jak ba urang nong salih tapa dom jalan ngak karei siam lagaih jang.

# Tui pasak roh duah – raong pala saong che bien dược liệu yaom lac trại ula Đồng Tâm, Cục Hậu Cần, Quân Khu 9, thun ini, labik taduan raok cấp cứu, iek ruak ka labaih 1.600 ca gaok ula kaik, tagok jaik 200 ca duk saong thun dahlau. Bruk njauk pok meyaom lac 100% urang gaok ula kaik mai di ini iek ruak hu hu daong iek abih ruak meng jru kháng huyết thanh. Dalam dom pandap ini hu 60% urang ruak gaok ula lục akaok dồ iku bhong kaik, mai rilo meng dom tỉnh Tiền Giang, Bến Tre, Vĩnh Long… 

# Ngan song kadha “ Đà Lạt – bak bingu hadah mekre” Festival bingu Đà Lạt mbang ka 6 hu rah tabiak meng harei 29/12/2015 tal harei 2/1/2016. Festival hu 6 danak dak prong song 19 danak dak pachreih tui,  hu mbaok rilo DN song urang dok di ban sit Đà Lạt song dom palei pala dok jiak tapen. Ni lac mbang camereip UB bhap bini tỉnh Lâm Đồng jao bruk ngak ilamu ni ka ban sit Đà Lạt song jeng lac thun camereip ban sit Đà Lạt peih ngak khang bruk XH hóa dom danak dak bruk ngak

Khaw tin dunya

            # Harei kabroi (14/12), labaih 700 rabau urang di gah kreh negar Philippin hu ba plaih tuk ribuk praong Mê-lơ (Melor) daok tuh mai jaik taneh ia ini. Tui Cục dự báo khí tượng Philippin, harei kabroi, ribuk Mê-lơ hu mai tame bhum cực bắc di pulao Xa-ma (Samar), labik diuk rai di 1 triệu meteh urang saong angin khang 185 ki-lô-mét yaok tuk. Urak ini oh ka brei thau khat lihik ka menuac urang saong drap ar. Urak ini kraja puk palei jeng kuhria caga padai brah saong dom pandap piah daong bhapbini pacang caga ribuk.

# Jeng dalam harei 14/12 takik di abih 4 urang metai song 10 karei lihik hadei di tuk sa kapan cao tốc kram di sa baoh kraong daok di palao Bóc-neo (Borneo) của In-đô-nê-xi-a. Dom urang ngak praong gah dong duah  urang njauk bala di In-đô-nê-xi-a brei thau, kapan pajeng 53 urang kram di angaok krong Ca-pu-át (Kapuas) kayua phaoh tame kayau song takhuak. Dalam nan hu 3 urang kamei song sa uranaih. Gah dong duah hu duah di angaok krong min oh ka duah mboh. Hu 3 uranaih dok dalam dom urang lihik

 # Ủy ban pilih ruah A-rập Xê-út brei thau, sa urang kumei hu trúng cử tame hội đồng ban Méc-ca di mbang pilih ruah puk palei barau rah tabiak. Ini lac mbang pilih ruah akaok meti hu bruk pataom mbaok di cu tri saong ung cu vien lac urang kumei./.