# Dalam mbang nao ngak bruk di dom tỉnh gah Barak, harei 14/4, Tổng Bí thư Nguyễn Phú Trọng hu nao rivang saong ngak bruk pak tỉnh Quảng Ninh ka bruk patagok kinh tế- xã hội, an ninh, quốc phòng, đối ngoại, bruk dak padang đảng; bruk peih ngak sarak Nyaom roya Đảng bộ tỉnh saong  sarak nyaom roya mbangi xii di Đảng. Tapa van ngak bruk haong dom urang dang akaok tỉnh, Tổng Bí thư Nguyễn Phú Trọng  hu ndom tal bruk pasiam saong peih ngak catang bruk kiểm soát quyền lực, pacang caga bruk lạm quyền, ngak suan adat hukum dalam tuk salih bahrau, pasiam veik tổ chức bộ máy.

#/ Kapul urang kamei tỉnh Bắc Cạn bahrau peih bruk ginum biai peih ngak dự án pasiam jalan ngak mbang song khik ramik drap ar tmeng lingik tasik ka bhap bini dom bangsa takik. Dự án hu Kapul Bánh mì dunya dong, tui jalan ngak piah daong patagok rai duik di mik va bangsa takik kan kathaot. Abih tih phun jien dự án lac 99 ribau ơ-rô. Dự án hu peih ngak meng harei 1/11/2015 tal harei 31/10/2017. Dự án dong padang kapul nyaom pala drak, rong glang, dong pabak vật tư song peih ngak mô hình.

# Dalam tuk daok ngak bruk di canah 4 Loong Tòng, bal Hạ Long, Đội kiểm soát hải quân ka 2 hu pasang iek pajeng radaih tuai nhãn hiệu Ford Transit, nduac JALAN Móng Cái-Hà Nội saong duah mboh ma túy hu padauk dalam hành lý di urang nao angaok radaih angan Đỗ Văn Đoan (SN1985,daok pak xã Hiệp Sơn, Kinh Môn, Hải Dương). Tapa nan cap hu 6 kadung nilon sambo mbong (praong 15x20cm); dalam nan 5 kadung hu asar praong sambo màu mbong, trak 848 g; 1 kadung hu asar sit sambo màu mbong , trak 349 g. Taong abih 5 kadung nan trak 1.197,46 gam ma túy

#/ 5 thun tapa, tong abih phun jien peih ngak danak dak palei pala bahrau di tỉnh Đắc Lắc lac labaih  36 ribau 500 tỷ đồng, dalam nan, bhap bini saong doanh nghiệp rik tame labaih 500 ribau mét vuông tane, yaok rituh ribau harei ngak bruk. Tỉnh hu 7 xã mek tanut chuẩn palei pala bahrau, 4 xã dok ngak salah hồ sơ thẩm định hu pok brei tanut chuấn. Jak jeng prong abih dalam danak dak padang ngak palei pala bahrau di  Đắc Lắc lac pachreih hu tong abih bhap bini hu mbaok.

# Hadei di 1 bilan pakacah, Nyaom pakacah “Hadah mbaok sajarah Việt Nam” mbang ka 3 thun 2016 ngan haong kadha “Hadah mbaok urang đoàn dam dara cộng sản Hồ Chí Minh” kayua Thành Đoàn Bal raya Hồ Chí Minh pambuak haong báo Tuổi Trẻ peih ngak hu padeih di biar harei kabroi (14/4). Ban tổ chức hu pok jao 1 giải nhất; 2 giải nhì; 3 giải ba saong 5 giải khuyến khích ka dom tác giả mek hu giải. Abih di nyu nan lac, dom thí sinh mek hu giải thun ini hu alin brei 1 mbang nao rivang Labik inem mek dakrai sajarah Tân Trào, tỉnh Tuyên Quang. Sa-ai Lê Thị Vân Diệp, urang jaka Ban Tuyên giáo Huyện ủy Lộc Ninh, tỉnh Bình Phước, mek hu giải nhì chung kết khan lac: 

 “Bruk pakacah ini biak siam ka dam dara khaol dahlak, thau cambaih jang ralo ilamu dakrai sajarah ka drei saong tapa nan daong ka khaol dahlak hu thau jang ka ilamu dakrai sajarah di taneh aia. Hadah mbaok hatah meta ka ilamu ini.

#/ Mesup 14/4 Sở Y tế Tây Ninh peih bruk pacang caga jit ruak kayua vi rút Zika song pandiak tabiak dok dalam tỉnh. Gah y tế tỉnh Tây Ninh hu padang dom jalan ngak halan hatain pacang cakak jit ruak pagam tui dom bruk yau: oh ka hu urang halei ruak, hu urang ruak dok di labik song jit ruak pambak dalam bhap bini. Di Tây Ninh, oh ka hu urang halei njom vi rút Zika, min kurhia meng akaok thun tal ni, dalam tỉnh hu 297 urang ruak pandiak tabiak darak, tagok 155 urang dut song tuk vak ni thun dahlau.

# Bhum taneran kraong Cửu Long hu jaik 280.000 ha phun mbang baoh dom janih. Dalam nan, rilo meng lac phun hu pasiu oh siam tuk gaok ia mbak. Tuk aia mbak tagok tal labaih 2 phần ngàn, phun pala njauk trun năng suất, gaok mai nyu metai. Piah pacang khik mblang taneh bein phun mbang baoh dalam bilan tua riya pandiak bhang, TS Võ Hữu Thoại, Phaok akaok Viện phun mbang baoh gah Meraong ndom lac:

Jalan  pacang caga mbak ka phun pala ye ka sa lac khaol drei njauk pakhang pakajap DOM ar pacang ka yaok bein. Khaol drei njauk cakak dhar, cakak meneng bingu, baoh.

Patui di ni dom khau tin dunya:

#/ Jabat lambaok gah pablei salih Mỹ (USTR) harei kabroi 14/4 brei thau, TQ njauk hatai tah klak dom jalan dong yaom xuất khẩu ngak meraik gauk ngan song dom janih pandap xuất khẩu di negar ni, meng ống thép, nhôm, kaya nong tal dom janih pandap jik.  Jabat lambaok gah pablei salih Mỹ brei thau, tui thỏa thuận di Mỹ song TQ di Oa-sinh-tơn (Washington), TQ njauk hatai padeih danak dak dong yaom xuất khẩu ka dom công ty di TQ dalam 7 bruk sản xuất.

# Urang vak di rayo sap ndom Việt Nam daok di Nhật Bản brei thau: tukvak 21 tuk 26 minit melam 14/4 (tui tukvak Nhật Bản), sa mbang megei baoh taneh khang  6.4 độ richter  rah tabiak pak labik Kiu-siu (Kyushu) – gah Tây Nam Nhật Bản, ngak ka ralo baoh sang pak ini glut jaleih abih.

#/ Harei kabroi 14/4 gah khik caga tasik Italia hu panuac lac meda dong hu 371 urang di cư di 3 kapan cao su dok seik di angaok tasik Địa Trung Hải. Đoạn video hu gah khik caga tasik Italia pabak brei mboh dom urang di cư, dalam nan hu rilo uranaih, hu salih tapa dom kapan hải quân song hu ba tame boh taneh./.