1 # Biar harei 16/11, pak Jabat Trung ương Đảng, Tổng Bí thư Nguyễn Phú Trọng taduan raok Ong Giôn Ki, Thủ tướng Niu Di-lân, daok  rivang Việt Nam. Pak van taduan raok, Tổng Bí thư Nguyễn Phú Trọng hu panuac lac Việt Nam tuk halei jeng iek prong talei rohim pambuak bruk nao mai haong Niu Di-lân saong caong khin ngak brei prong dalam jang talei rohim pambuak nao mai pamaong tal talei pambuak bruk suai lavik di dua negar. Tổng Bí thư jeng caong dua gah patagok bruk pachreih tui gauk pak dom diễn đàn dunya saong khu vực. 

2/ Harei ni (17/11) QH patui bruk tangi sua song javap calei. Dahlau di nan, harei kabroi 16/11 dom urang QH hu pang song ginum biai ka dom pathau khan peih ngak dom sarak di QH ka bruk pasang iek chuyên đề, bruk tangi sua meng akaok nhiệm kỳ 13 tal thun 2015 song hu tangi sua tapak dom akaok mintri, akaok ngành ka dom bruk dok kandong veik. Tamat harei tangi sua camereip hu 23 urang tangi sua tapak tal dom akaok mintri, 7 akaok mintri, akaok ngành hu javap calei.

3 # Peih taleih kan kandah dalam bruk ngak nong, dalam nan dom kadha yau labik pablei tabiak kaya nong oh tani tanat, yaom kaya nong biak biar saong grap tanat darak pasa hu cử tri tỉnh Sóc Trăng sangka di abih dalam mbang sua tangi dom akaok Mentri saong Raja-ei pak mbang nyaom Quốc hội mbang ini. Cử tri Đoàn Vĩnh Thuận daok di ấp 6 Thử, xã Đại Ân 1, huyện Cù Lao Dung caong khin:

Băng: Caong khin Quốc hội ngak habar peih talaih dalam bruk raong pala kaya ikan dalam aia, kayua lac phun jien urang nong tuh tame biak ralo, yaok danao dua klau rituh triệu,  nan ye jien mek tame jeng dua klau rituh triệu. Caong Quốc hội ngak habar grap tanat hu darak pasa, abih di nyu nan lac yaom kaom hadang sú di drei.

4/ “Harei ini oh ngak, harei page oh hu jru pasiam” nan lac khẩu hiệu bo gah y tế dunya ieu dom negar ba gauk pacang caga kháng jru, dalam nan hu VN. Tui nan meng harei 16/11 tal harei 22/11/2015,Adit pacang caga kháng jru hu rah tabiak grauk labik dalam negar. Ni lac mbang camereip hu peih ngak di VN kayua mintri y tế song Gah y tế dunya di VN pambuak bruk peih ngak.

5 # Ủy ban Bhap bani tỉnh Đồng Nai bahrau brei buh tabiak labaih 5,2 tỷ đồng piah bayar pabak 30% yaom jien blei bảo hiểm y tế meng bilan 12.2015 tal abih thun 2016 ka 34.000 urang dalam baoh sang kathaot di tỉnh. Taphia di nan, jabat bảo hiểm y tế meda salih jalan ngak harak ba-ar hành chính; peih ralo jang dom labik tut angan blei bảo hiểm y tế; thu bảo hiểm y tế jeng ralo mbang dalam thun piah ba mbuan lagaih jang ka bhap bani tuk tut angan tame bảo hiểm y tế.

 6/ Tui kuhria mboh dahlau di Đài khí tượng thủy văn Nam Bộ,   pandiak bhang, njom mbak rah tabiak khang dalam bilan thu thun ni. Anak bruk ni gah ngak nong tỉnh Trà Vinh hu palih ruah song pachreih ba urang nong dok dalam tỉnh pandar 05 pajaih padai pacang hu pandiak song mbak ka bilan đông xuân anak tal. Dom  pajaih padai hu pachreih pandar yau OM 5451, OM 4900 song pajaih pabak OM 6162, Ma Lâm 202. Langiu dom tanut ka chất lượng pablei tabiak negar langiu, kein liba glong, dom pajaih padai ni dok pacang hu likun song pandiak, mbak biak siam.

7# Patui veik dom bruk ngak dalam adit “Gul pataom dom bangsa – inem mek ilamo Việt Nam”, harei kabroi (16/11), rija likau hajan di bangsa Khơ Mú, huyện Mường Ảng, tỉnh Điện Biên hu padang ngak veik biak siam, ndung bak ilamo palei bangsa Khơ Mú – Khu dom palei bangsa I, Palei Ilamo – Rivang ma-in di bangsa Việt Nam (Đồng Mô, Sơn Tây, Hà Nội). Rija likau hajan nan lac adat ngak nong dalam ilamo meng kan di bangsa Khơ Mú.  Rija hu peih ngak dalam harei 15/4 yaok thun (nan lac harei 16 bilan 3 saka aia bilan).

Patui di ni dom khau tin dunya

8/ Harei kabroi, dom urang ngak bruk XH di Hiệp hội Lữ đoàn đom đóm di Philippin peih mbang pakacah radeih juak yaok thun hu angan “Hành trình đom đóm” di ban ine Manila, piah pachreih ba menuac urang pandar radeih juak piah khik caga môi trường. Dom urang hu mbaok di mbang pakacah thun ni dok brei mboh bruk pachreih tui nyaom biai pakat glong Liên hiệp quốc ka bruk biến đổi khí hậu mbang 21 hu rah tabiak di Pari, negar Prang di puac bilan ni, yaom lac hu bruk khủng bố bahrau rah tabiak di ban ine Pari ni.  

9# Nyaom biai pakat glaong APEC tui kuhria meda peih tabiak pak bal ine Manila di Philipin dalam harei 18 saong 19 bilan 11 tal. Nyaom biai  ini piah jhul pakhang bruk pablei salih saong patagok taong abih labik 3 tỉ menuac. Yau nan min, meng dom bruk tấn công khủng bố rah tabiak pak Paris, Raja-ei Philipin patagok bruk an ninh piah khik siam mekre ka yaok ribau urang lambaok, jaik 30 ribau cảnh sát saong urang lin meda hu mbaok piah khik caga Nyaom biai ini.

10/ Urang metai dalam mbang glut jaleih di puac adit tapa di gah pai tỉnh Chiết Giang  (Trung Quốc) tagok tal 25 urang song 16 lihik, jaleih tayah yaok pluh boh sang. Rilo jalan mbak oh nao mai  hu kayua glut jaleih. Karja hu ieu pataom 2.300 urang cứu hộ, labaih 60 jamriak kuac taneh piah duah urang dok gar song peih prong jalan mbak. Tal beir harei 16/11 rilo puk palei, ban sit dok duak dalam ia ndik, ngak kan kandah bruk dong duah./.