1/ Rajaei bahrau patabiak sarak tacei tabiak cambaih laih dom paka di hukum lao động gah sarak brei ka urang ngak lac urang kumei. Sarak tacei tabiak yau ni: lambaok di urang ngak lac urang kamei, quyền ngak bruk bình đẳng di urang kamei, pasiam labik ngak, iek glang pren yava ka urang kamei ngak, quyền eng drei padeih hợp đồng lao động di urang kamei metain, bruk dong di gah pandar urang ngak dalam bruk padang nhà trẻ, tal bac mẫu giáo atau sa binah jien padai payua uranaih, mẫu giáo, peih ngak nhà trẻ, mẫu giáo di labik hu rilo urang ngak lac urang kamei song sarak dong menuac pandar urang ngak. 

2/ Liên đoàn lao động tỉnh Quảng Bình barau pambuak bruk saong công đoàn pato megru dom puk palei alin hadiah 900 ao me-ar, yaom jaik 200 triệu đồng alin ka anek saih gaok kan kandah, anek saih bangsa gam bac gam daok di dom huyện Minh Hóa, Bố Trạch saong lệ Thủy, tỉnh Quảng Bình. Ong Nguyễn  Xuân Toàn, Phaok akaok Liên  Đoàn lao động tỉnh Quảng Bình brei thau: tal urak ini, liên đoàn lao động tỉnh Quảng Bình hu daong yaok ribau gu phao, jien bac, pandap bac megru ka dom adei, abih tih yaom jien yaok tỷ đồng:

“Anek kamuan daok di bhum ini tukvak meng bloh dom adei padeih bac kayua kinh tế gaok kan kandah. Dom pakat dom ngành puk palei hu pachreih piah anek kamuan gilac veik sang bac. Abih di nyu nan lac kuhria tame bilan li-ar jaik tal bruk daong di dom pakat dom ngành hu alin hadaih ao li-ar ka anek saih kan kathaot. Yaom drap ar oh praong min tapa nan brei mboh hatai anit ranam di kapul công đoàn ngan saong anek kamuan bhum atah bayah”     

          3/ Pamong tal nyaom roya Đảng pakat negar mbang 12 song nyaom roya Đảng bộ tỉnh Gia Lai mbang ka 15, Ban Tuyên giáo Tỉnh ủy Gia Lai peih bruk duah thau “ 70 thun harei Wa Hồ payua harak ka Nyaom roya dom bangsa takik gah merong di Pleiku”. Ong Hồ Trung Hưng, Phó trưởng ban Tuyên giáo Tỉnh ủy, Trưởng ban peih bruk duah thau “ 70 thun harei Wa Hồ payua harak ka Nyaom roya dom bangsa takik gah merong di Pleiku”.lac

          Bruk pakacah ni piah pato pakai hatai anit ranam taneh ia, ilamu jum pataom dom bangsa ka urang ranaih, jang yau dong ka urang jakar, urang đảng song dom pakat bhap bini dalam song langiu tỉnh thau jang ka makna prong glong dalam harak Wa payua ka Nyaom roya dom bangsa takik gah merong. Bruk pakacah ni oh lac di tỉnh Gia Lai, khol hulin hu peih prong piah ka dom urang jakar, urang đảng dom pakat, bhap bini, bol lin gah tapon nyaom bol pang phao krong dalam negar hu mbaok. 

4/ meng akaok thun tal ini, dalam taneh ia hu 40.000 urang ruak pandiak tabiak drah, dalam nan takik di abih 25 urang metai. Ralo di abih nan lac ban raya HCM hu urang ruak labaih 9.000 saong hu 3 urang metai, Đồng Nai jaik 5.500 urang, 3 urang metai; Bình Dương labaih 3000 urang, 6 urang metai. Anak bruk ini, mintri y tế kakei bhap bini, oh iek ruak di sang, brei nao tal chip labik y tế tuk hu mboh  medil lac ruak pandiak tabiak drah yau pandiak glaong gam gam meng 2 tal 7 harei, kan patrun pandiak; pandik talang; taluak ta-aok, pandik tian, pandik akaok; phát mban, xuất huyết ala klik.

           5/ Dom đơn vị pablei salih gas di ban raya HCM song dom tỉnh ban gah merong bahrau hu panuac khan yaom gas bilan 10 meda tagok 833 đồng/kg, samu 10.000 đồng/bình 12kg dut song bilan dahlau. Yaom tagok ni meda ba tabiak meng 7 tuk meteh harei 1/10, ngan song yaom pablei rai tal urang pandar di gah merong meng 275.000 đồng tal 280.000 đồng sa bình 12kg.

6/ Tỉnh Tiền Giang urak ini hu labaih 141.000 urang hội urang umo taha meblah labaih 87% urang umo taha di tỉnh. Urak ini, tỉnh hu labaih 35.000 urang umo meng 80 thun tagok hu mbang tui jien daong xã hội; 46.000 urang taha hu brei harak bảo hiểm y tế; hu jaik 200 urang taha kan kathaot hu kapul pachreih daong ngak sang anit ranam 

          7/ Kênh papar sap Anh 24/7 di hệ Hệ VOV5 di rayo sap ndom VN hu papar sap meng harei kabroi 1/10 brei ka urang pang di langiu negar di dom châu lụ, urang VN di negar langiu, urang VN thau sap Anh song urang negar langiu dok duik rai ngak bruk song du lịch di VN, Kênh sap Anh 24/7 hu pabak dom khau tin ka rai duik, chính trị, KT, VH, XH song dom khau tin giải trí kein lagaih ka urang pang. Dalam tuk camereip, Kênh sap Anh 24/7 papar sap meng 6 tuk tal 24 tuk, dalam nan papar tapak 4 tuk/ sa harei di dom tuk 8 -  10tuk, 16h – 18h

          Patui di ini dom khau tin dunya:

8/ harei 1/10/2015, calei panuac sua di urang vak caong khin brei thau phản ứng di VN anak bruk urang cố vấn tapak di thủ tướng CPC Hun Xen hu kadha vak angaok harak báo Tia Sáng di CPC hu  panuac ndom oh njauk ka sajarah dak rai, kích động bruk taphia taneh riya, phaok urang brei panuac mintri ngoại giao Phạm Thu Hằng ndom lac: “VN phê phán khang dom panuac ndom oh njauk di dom urang cơ hội, daok caong ngak suan sajarah dak rai, pacuh pajarak, neh rabha talei pambuak bruk  jum pataom di dua bangsa VN saong CPC.

          9/ Cao ủy Liên hợp quốc ka urang tị nạn tui kuhria hu labaih 700 ribau urang nhập cư duah jalan tame châu âu dalam thun ni tapa Địa Trung Hải song bruk ni oh patrun dalam thun hadei. Cao ủy Liên hợp quốc ka urang tị nạn ndom lac yoak rituh ribau urang duah jalan tal Châu Âu dalam thun ni piah duah bruk siam mekre song hu dunya khik caga./.