1/ Di HN, Kapul Văn học Nghệ thuật dom bangsa takik bahrua peih nyaom roya mbang ka 5 (2014-2019). Brei panuac di nyaom biai, Phó Thủ tướng Vũ Đức Đam ndom lac, văn học nghệ thuật dom bangsa takik lac sa binah oh pa-atah hu dalam nền văn học di negar, bruk patagok di  văn học nghệ thuật dom bangsa takik brei mboh pren khang, tính thống nhất dalam rilo janih di ilamu Việt Nam.

2/ Pahadar 39 thun harei negar taneh ia cộng hòa dân chủ bhap bini Lào, kapul hữu nghị VN – Lào tỉnh Đắc Lắc barau peih nyaom meyai pataom iek veik bruk ngak thun 2014. Dom thun tapa, kapul hữu nghị VN – Lào tỉnh Đắc Lắc hu peih ralo bruk ngak rik daong pabak talei jum pataom hữu nghị Việt – Lào. Dalam nan, njauk ndom tal bruk kuhria tết cổ truyền Bun-pi-may ka bhap bini urang Việt asal Lào daok di xã Krông Na, huyện Buôn Đôn.

          3/ Cục khik ramik darak pasa, mintri công thương brei thau, bruk ngak tabiak, pablei salih muat bảo hiểm oh siam jeng dok rah tabiak. Piah patrun bruk ni, anak tal, gah khik ramik darak pasa brei tui iek catang bruk ngak tabiak, pablei salih, langyah tal labik tal dhua dom labik ngak tbaiak song pablei salih muat bảo hiểm  oh siam,  oh hu chất lượng.

4/ Hadei di jaik dua thun peih bruk raong limo tui kapul, baoh sang di kapul kinh tế - Quốc phòng 207 Quân khu 5 ngak iek di 3 huyện huyện Nam Giang, Tây Giang, Phước Sơn, tỉnh Quảng Nam, dom tapon limo pajaih daok ba mai kein laba tuk camereip, rik daong patruh eik patrun kathaot.

          5/ Di huyện Bình Sơn , tỉnh Quảng Ngãi, ong Vũ Trọng Kim, Ủy viên Trung ương Đảng, Phó Chủ tịch gam lac Tổng thư ký Ủy ban Trung ương Mặt trận negar Việt Nam hu jao pok jien 1 tỷ 200 triệu đồng meng jien rik dong di dom kapul nyom, menuac urang dalam taneh ia piah dong ka 4 urang tong chap ikan huyện Bình Sơn, tỉnh Quảng Ngãi. Yaok urang hu dong 300 triệu đồng. Ni lac dom urang tong ikan hu tut angan tame padang ngak kapan kanduh pasei hu akaok UB  bhap bini tỉnh Quảng Ngãi mbaoh tangin tame harak dong ngak kapan công suất praong tui nghị định 67 di rajaei.

6/ Pasak dịch vụ bruk ngak di sở lao động thương binh saong xã hội ban sit Cần Thơ barau peih phiên giao dịch bruk ngak brei ka urang joh jo ban sit Cần thơ. Di phiên giao dịch, pasak hu ba bruk ngak ka 11 urang, yaom jien bilan meng 2 tal 4 triệu đồng sa bilan, taduan tut angan pato bruk ngak ka 20 urang bac dom tal pato ka urang joh jo. Ralo meng lac dom bruk ngak lagaih saong urang joh jo yau: pak, sraih dom pandap thủ công, pagam baoh nyuk, jhik.

          7/ Dalam nyaom biai “Patagok bruk pandar tài nguyên học liệu song thiết bị thí nghiệm số tame bruk pato pakai ” kayua sở pato megru ban raya HCM peih tabiak harei kabroi, rilo gru pato song urang pan akaok jabat pato pakai ndom lac, salih bahrau bruk pato dom janih môn khoa học tui jalan bahrau nan lac bruk njauk ngak min brei sahneng kuhria tantu dalam bruk buh jien tabiak ngak.

Patui di ini dom khau tin dunya:

8/ Di Phnôm Pênh barau peih bruk pahadar 36 thun padang Mặt trận jum pataom daong ka taneh ia Campuchia. Mbang pahadar brei mboh bruk tabiak rai di sa kapul ieu pataom pren khang di taong abih bhap bini Campuchia, ngan saong bruk daong ba biak praong di bộ đội halan hatian VN, pajaleih kol diệt chủng Pôn Pốt harei 7/1/1979. 

9/ 13 negar bahrau hu kapul padai brah LHQ (FAO) pok brei angan kayua patagok khang dalam bruk mesruh pacang eik lipa kan kathaot. Dom negar hu dom salih bahrau praong dalam bruk mesruh pacang lavang lavah nan lac Braxin, Ca-mơ-run, Ê-ti-ô-pi-a, Ga-bông, Găm-bi-a, Iran, Ki-ri-ba-ti, Ma-lai-xi-a, Mô-ri-ta-ni, Mô-ri-xơ, Mê-hi-cô, Phi-líp-pin song  U-ru-goay.

10/ Tổng thống Mỹ Ba-rắc Ô-ba-ma patui ieu quốc hội brei tapa pok jien daong chip pacang cakak Ebola yaom 6 tỉ đô la Mỹ. panuac ieu hu ba tabiak tuk ong nao rivang Viện pren yava negar Mỹ, taong yaom glaong dom kham merat di dom urang ilamu daok ruah duah vacxin pacang cakak Ebola. Tổng thống Ô-ba-ma ndom lac, hu dom kadha brei mboh bruk kham merat dalam mesruh pacang cakak Ebola. Menuac njom barau di Li-bê-ri-a daok patrun saong bhap bini dunya hu sanya daong 2 tỉ đô la Mỹ piah pacang cakak Ebola./.