1/ Harei kabroi 4/2 Kapul ngak bruk kayua ong Cao Đức Phát akaok mintri ngak nong song patagok palei pala gam song urang pan akaok Công ty Thành An 96 mintri Quốc phòng hu tabiak rivang song brei pandap tết ka urang jakar, urang lin song bhap bini dok ngak bruk duik rai di dom xã dalam huyện palao Trường Sa, tỉnh Khánh Hòa. Kapul hu alin brei rilo pok pandap tết  yaom 100 triệu đồng, tadhau yhut urang jakar, urang lin song bhap bini di palao  Trường Sa Lớn song palao Đá Tây mbang tết biak bui sambai siam mekre, tong chap hu rilo kaya ikan pabak ka bruk patagok KT song khik kajap chủ quyền palao tasik ginreih di taneh ia.

2/ Harei 4/2, salam uan thun barau anek sak pabe, ong Pich Cheavon, phaok Tổng cục Cảnh sát negar Campuchia, ong Chieng Om, Tỉnh trưởng tỉnh Svây Riêng saong ong Long That, Phó Tỉnh trưởng tỉnh Prây Veng (negar Campuchia) hu mai rivang saong tadhau yuh Tết tỉnh Long An. Ong Chieng Om, Tỉnh trưởng tỉnh Svây Riêng saong ong Long That, Phó Tỉnh trưởng Prây Veng hu panuac dhar phon tỉnh Long An hu daong ka tỉnh Svây Riêng saong tỉnh Prây Veng.  

3/ Tỉnh Bình Định bahrau ba 7 drei ikan ngừ đại dương hu tong chap tui công nghệ Nhật Bản tapa pablei đấu giá di darak pasa Nhật bản. Mbang ni chất lượng ikan ngừ siam jang min yaom pablei oh glong yau hatai khin. Amuk Cao Thị Kim Lan, Giám đốc Công ty Cổ phần kaya ikan Bình Định brei thau, mbang tabiak tasik ni, urang nong bhian randap tong chap tui công nghệ Nhật Bản. Daok yaom pablei 7 drei ikan ngừ đại dương di darak pasa Nhật Bản oh glong yau hatai khin.

4/ Daok sa adit tra tal bilan tabung glaong vụ bingu Tết anek sak pabe 2015, dom urang ngak bein pala bingu di ban sit Đà Lạt (Lâm Đồng) daok jar var kuhria caga ka bruk paik bingu piah pajeng nao dom labik dalam taneh ia. Thun ini Đà Lạt hu jaik 916 ha bingu dom janih pabak ka darak pasar. Dalam nan, ralo di abih lac bingu cúc ngan saong 470 ha bingu cakak dhar.

5/ Harei 4/2 Mban tacei jalan Tây Nam bộ hu nao rivang song brei pandap tết ka boh sang kan kathaot dok di tỉnh Bến Tre. Lambaok vakil Mban tacei jalan Tây Nam bộ, ong Võ Trọng Hữu, Vụ trưởng Vụ Văn hóa xã hội hu alin hadiah 100 pok pandap ka dom boh sang kan kathaot dok di huyện Ba Tri song huyện Thạnh Phú, tỉnh Bến Tre, yaok pok pandap yaom 1 triệu đồng.

6/  Công ty Cổ phần tabau saradang Cần Thơ (CASUCO) barau ngak lễ xuất quân peih ngak danak dak “CASUCO sambai Tết saong urang kan kathaot”. Tui nan, dalam tuk Tết anek sak pabe ini, CASUCO hu alin hadiah 2.000 pandap ka dom baoh sang kan kathaot, gaok kan kandah, dalam nan brei dahlau ka dom baoh sang pala tabau dalam bhum nguyên liệu di CASUCO. Bih tih yaom jien di danak dak nan lac 600 triệu đồng.

7/ Dalam thun 2014 ban raya HCM lac sa dalam labik hu urang ruak Xoắn khuẩn katam klik rilo di abih dalam khu vực ngan song 5 urang njauk ruak. Urang ruak rilo meng lac urang nong, urang pablei salih hu taom gaok anek athur atau khak di athur. Tiến sĩ Trương Đình Bắc, Phó akaok Cục Y tế dự phòng brei thau:

Băng: Sa dalam dom panuac kakei nan lac breiramik veik sang danaok, dok habar ka nyu glaong. Ka dua nan lac tuk mboh takuh metai oh thau kayua halei, brei khan ka Y tế atau Thú y thau.

Patui di ini dom khau tin dunya:

8/ Rajaei NB harei 4/2 brei thau taneh ia ini saong Mỹ gam saong dom urang daong karei hu njauk gauk saong 5 taneh ia Đông Nam Á tapen kraong Mê Công, nan lac Campuchia, Lào, Myanmar, Thái Lan saong Việt Nam, jhul patagok khang kajap khu vực ini. Ini lac sa kadha dalam dom kham merat piah padang sa Cộng đồng kinh tế ASEAN mbeik drei tame dalam jang dalam thun 2015.

9/ Sa urang nong Australia bahrau khan lac drei ngak hu sa janih robot meda buac hareik hu, tapa nan nyu mrda ba mai sa bruk salih bharau khang ka gah ngak nong di dunya. Urang nong angan Andrew Bate (An-đriu Ba-tê), urang ngak tabiak janih robot buac hareik ni brei thau, robot di ong biak mbuan pandar song biak sit, oh yau dom jamriak prong abih tal yaok rituh ribau đola mỹ. Tui kuhrai, janih robot ni hu ngak tabiak rilo piah ba tabiak darak pasa dalam puac thun ni.

10/ Ban Lu-lê-a, daok di gah brak Thụy Điển hu dom mbang tuyết laik kapal di abih kuhria dalam jaik 50 thun tapa di ban ini. Mesup harei 3/2, tuyết gum sre di mblang kapal haok ban Lu-lê-a duk hu 113 cm kapal jang 2cm duk saong thun 1966. Tui jabat khí tượng Thụy Điển, tuyết laik kapal rah tabiak dalam tukvak takik. Tal urak ini, Thụy Điển hu mbang tuyết laik kapal di abih di thun 1926. Dalam harei 28/2/1926, labik Kop-pa-ra-sen di Thụy Điển hu tuyết laik kapal tal 327cm./.