1/ Thun 2015, dalam negar kham merat patrun 5% boh sang kan kathaot, dom huyện kan kathaot trun dok 30%. Mintri LĐTB song XH daok pataom pren yava tame jhul pasamar dom danak dak patrun kan kathaot tuk vak  2011 - 2015, abih di nyu nan lac di bhum bangsa takik bhum ceik car. Mintri LĐTB song XH daok pasang iek dom sarak patrun kan kathaot tui jalan lagaih song bhum urang bangsa takik bhum ceik car, dalalm nan hu dom sarak ka boh sang kan kathaot, boh sang bahrau patruh kan kathaot.

2/ Tui kuhria bruk caong pandar thực phẩm dalam tết nguyên đán thun ini tagok jaik 30%. Yaom lac gaok ralo kan kandah ka darak pasar saong jit ruak ngak suai bruk tái đàn dalam dom bilan akaok thun, min urak ini raong glang daok hu pasiam veik saong patagok samar. Raong menuk ada daok hu jalan patagok siam kayua jit cúm menuk ada hu khống chế, yaom pablei dom pandap menuk ada hu patagok ngak ka ralo baoh sang raong glang pataom tame peih praong, tái đàn veik. Tal urak ini, tapon menuk ada di taneh ia hu labaih 328 triệu drei. Ini lac nguồn thực phẩm đa dạng phục vụ ka bruk blei pandar di bhap bini dalam tuk tết thun ini.

3/ Di huyện Tu Mơ Rông, tỉnh Kon Tum, kadung jien bac Vừ A Dính pambuak bruk song Sở pato megru Kon Tum; Tỉnh đoàn Kon Tum bahrau peih bruk jao pok jien bac ka anek saih bangsa takik kan kathaot kham merat bac da-a song dong jien padang “boh sang anit ranam” ka 4 urang kamei kan kathaot dok di huyện Tu mơ Rông, tỉnh Kon Tum. Kadung jien bac Vừ A Dính hu jao 45 pok jien bac yaok pok yaom 1 triệu đồng ka anek saih bangsa takik, kan kathaot, daong jien padang 4 boh sang anit ranam yaom 50 triệu đồng ka urang kamei kan kathaot di huyện Tu Mơ Rông.

4/ Tui pasak xúc tiến đầu tư pablei salih du lịch ban sit Cần Thơ, tuk padeih tết saka ia harei dui atah tal 4 harei, kayua yau nan ye tuai damuai mai maong iek dalam dom harei padeih tết saka ia harei tagok khang. Yaok harei hu yaok pluh ribau mbang urang mai maong iek dom danh lam thắng cảnh saong ilamu tâm linh dalam ban sit.

5/ Di huyện Cù Lao Dung, tỉnh Sóc Trăng, rilo boh sang urang nong pala tabau dok gaok kan kandah kayua yaom tabau laik biar. Di bhum taneh pala tabau prong di abih di tỉnh Sóc Trăng ni, urang nong dok yam tame dom harei kaok mek min yaom tabau lap,  meng l400-550 đồng/1 kg.

6/ Hadei di tuk ba chôm chôm pablei tapa Nhật, Mỹ, kapul pambuak bruk pablei baoh kayau tabiak negar langiu xã Tiên Long, huyện Châu Thành, tỉnh Bến Tre barau ba 10 tấn baoh panat pablei tabiak darak HQ ngan saong yaom glaong jang darak nội địa 20%. Panat hu HQ blei nan lac pajaih panat siêu sớm, hu sơ chế caik dalam paok, tapa hợp đồng saong cty TNHH kaya nông ViệtS, daok di palei Tân Thành, xã Tân Quy Tây, ban sit Sa Đéc, tỉnh Đồng Tháp. Tanut chuẩn di baoh panat pablei tabiak negar langiu nan lac mek hu tanut an toàn vệ sinh thực phẩm ngak tabiak tui quy trình VietGap, oh pandar jru khik caga phun pala.

7/ Dalam 4 harei padeih Tết dương lịch 2015, sang iek ruak Chợ Rẫy ban raya HCM hu taduan 300 urang njauk bala, dalam nan hu 13 urang metai. Bác sĩ Phạm Văn Khiêm, Phó khoa Cấp cứu, sang iek ruak Chợ Rẫy brei thau

Băng:  “Thun ni urang njauik bala tame sang iek ruak mboh rilo jang, song urang metai jeng hu rilo jang. Rilo meng  kayua radeih phaoh gauk di angaok jalan. Tuk tame sang iek ruak cấp cứu nan lac njauk chấn thương sọ não song  đa chấn thương”

Patui di ini dom khau tin dunya:

8/ Bruk duah sruh kapal haok QZ8501 gaok bala saong dom urang njauk bala hu parilo tuk rajaei NB barau brei dua kapal khu vực, 3 sruh kapal haok trực thăng saong sa kapul lực lượng tự vệ piah hu mbaok tame ruah duah angaok tasik Gia-va di In-đô-nê-xia. Gah urang ngak praong In-đô-nê-xia brei thau, hadei di sa adit rah tabiak bala, hu 34 meyit hu duah mboh saong ba mai sang iek ruak cảnh sát daok di ban Su-ra-bay-ra piah duah thau danh tính.

9/ Dom urang ilamu di sang bac Đại học Phlin-đơ di Ôx-trây-li-a bahrau duah tabiak sa thiết bị bahrau hu angan lac Ri-Tham-mơ. Thiết bị ni meda salih ka đồng hồ sinh học di rup menuac urang, meng nan dong ka urang pandar nyu hu ndih bingi jang. Urang roh duah Lê-ôn Lách, di sang bac Đại học Phlin-đơ brei thau. Ni lac thiết bị bán dẫn sit chreih yau gom LED, biak kein lagaih dalam bruk pasalih tapak điện năng jeng ánh sáng. Tuk hu pagam tame meta, nyu hu pabak ginup ánh sq1ng ka meta song pabak ka bruk iek ruak meng ánh sáng./.