1/ Ngan song kadha “Salih bahrau jalan ngak kinh tế, patagok bruk tự chủ song pren meriak gauk di KTVN” , Nyaom biai pambuak bruk patagok Việt Nam thun 2014 hu rah tabiak di HN. Nyaom biai nan, lac labik ndom biai nao mai sarak pakat glong di rajaei VN song dom gah pambuak bruk patagok ka dom sarak prong bo  dom gah dok caik hatai piah jhul pakhang bruk tagok KTXH song paglong chất lượng rai duik ka bhap bini VN.

2/ Thủ tướng rajaei barau pabak labaih 25 tỷ đồng ka mintri tư pháp piah peih ngak sarak daong pháp lý ka urang kan kathaot, bhap bini bangsa takik di dom xã kan kathaot tukvak 2013 – 2020. Thủ tướng rajaei tacei lac, bruk khik iek saong pandar yaom jien pabak nan peih ngak tui quy định urak ini. Tui nan urang kan kathaot, bhap bini bangsa takik saong urang hu daong pháp lý karei tui quy định di hukum hu miễn phí tư vấn hukum, hu mbaok tame bruk tố tụng, lambaok langiu tố tụng, dom jalan ngak karei tui quy định di hukum ka bruk daong pháp lý.

3/ Jabat rajaei bahrua hu harak khan brei thau panuac di Phó Thủ tướng Hoàng Trung Hải tacei pato ka yaom xăng E5. Tui nan, Phó thủ tướng jao ka mintri công thương dang tabiak song mintri jien padai samar kuhri khuria yaom xăng E5, pathau khan tagok thủ tướng rajaei suai di abih dalam harei 6/12/14.

4/ Hajan  ribuk ngak dauk dalam 2 harei tapa di huyện Quảng Điền, tỉnh Thừa Thiên-Huế ngak ka ralo sang danaok, dom ar pacang glut jaleih ngak kan kandah biak ralo tal rai diuk di bhap bini. Anak bruk hajan ribuk daok rah tabiak yau nan, piah khik siam mekre salamat ka menuac sia saong drap ar di bhap bini, huyện Quảng Điền hu patagok bruk tacei pato dom puk palei brei menuac mai khik iek di labik dauk dalam piah kakei bhap bini takik nao mai klah njauk bala.

5/ Patui mbang nao ngak bruk di dom tỉnh gah kreih negar, Ủy viên mintri chính trị akaok Uỷ ban Trung ương Mặt Trận negar Việt Nam Nguyễn Thiện Nhân song kapul ngak bruk hu nao rivang dom boh sang sarak karja, boh sang urang tong ikan tỉnh Khánh Hòa. Rivang song duah thau tukvak ngak kapan tabiak tasik Trường Sa di boh sang 2 urang tong ikan nan lac Mai Thành Phúc song Lê Tuấn Hiệp, dok di thôn Thành Đạt, xã Phước Đồng, ban sit  Nha Trang, tỉnh Khánh Hòa, ni lac 2 boh sang urang tong ikan naih gheih. Di labik ni, ong Nguyễn Thiện Nhân hu pachreih ba song caik hatai tui pang dom cong khin di dom urang tong ikan tuk tut angan tame harak mesraiy phun jien piah ngak bahrau kapan ikan kanduh composite công suất prong.

6/  Di xã Vĩnh Hòa, huyện Ba Tri, tỉnh Bến Tre, amuk Nguyễn Thị Kim Ngân, Ủy viên mintri Chính trị, Phó akaok Quốc Hội gam saong kapul urang QH tỉnh Bến tre hu var taom gaok labaih 200 cử ti dom xã Vĩnh An, Vĩnh Hòa saong AN Hòa Tây huyện Ba Tri. Ong Nguyễn Văn Lon, cử tri xã Vĩnh Hòa, huyện Ba Tri, tỉnh Bế Tre lac:

“sarak an sinh xã hội ye anak tal, QH saong đảng karja meng TƯ tal puk palei brei sangka jhul pakhang piah daong ka mikva kan kathaot”

7/ Di mblang bein 23/9 ban raya HCM bahrau peih harei patom ilamu mbang huak “Pandap mbang bingi di dom negar mbang ka 9/2014. Ni lac sa dalam dom bruk di bilan lễ hội puac thun kayua sở Du lịch ban raya Hồ Chí Minh peih ngak.

Patui di ini dom khau tin dunya:

8/ Taduan panuac di phó thủ tướng, akaok mintri Ngoại giao Lào Thoong-lun Xi-xu-lít, Phó Thủ tướng, akaok mintri Ngoại giao Phạm Bình Minh hu nao rivang Lào meng harei 4 tal harei5/12. Di labik ini, Phó Thủ tướng, akaok mintri Ngoại giao Phạm Bình Minh hu var ginum meyai saong phó thủ tướng, akaok mintri ngoại giao Thoong-lun Xi-xu-lít, ginum meyai dom jaln jhul pakhang talei pambuak bruk dua gah saong klah rabha hatai sahneng ka dom bruk khu vực song dunya bo dua gah daok caik hatai sangka.

9/ Harei kabroi, dalam nyaom biai di Hội đồng lập pháp Thái Lan, Akaok mintri Giao thông Thái Lan Prạ-chin hu langyah dự thảo Bản ghi nhớ ka bruk pambuak gauk di rajaei TL song rajaei TQ dalam bruk patagok jalan pasei di TL. Ni lac sa binah dalam bruk patagok jalan mbak nao mai di TL tuk vak 2015 - 2022.Tui kuhria Biên bản ghi nhớ ka bruk padang jalan pasei nan hu rajaei TL song rajaei TQ mbaoh tangin tame di akaok thun 2015.

 10/ Rajaei Philippin daok caga langyah dom bruk jhak di abih meda rah tabiak meng ribuk khang Hagupit. Tui nan, dom sang bac, labik ngak bruk di bhum kreih negar Philippin njauk kreik pabah mbang. Yaok triệu urang njauk panduan nao. Tổng thống Philippin A-ki-nô hu peih sa mbang họp chip saong dom jabat pacang cakak bala, pasang iek veik bruk kuhria caga, pandar dom urang ngak praong peih ngak dom jalan ngak pacang cakak bruk bhap bini tuh nao blei pandap khik mepiah./.