1/ Beir harei 5/2, Thủ tướng Nguyễn Tấn Dũng  pang akaok nyaom biai tapak pakat negar tong yaom ka bruk patrun kan kathaot thun 2014 song jalan ngak ka thun 2015. Thủ tướng Nguyễn Tấn Dũng ndom lac, Đảng karja biak sangka tal urang kan kathaot. Dom pakat, dom gah brei jhul pakhang bruk peih ngak dom sarak, dự án patrun kan kathaot tui jalan khang kajap, patagok bruk hu mbaok saong hu mbang tui sarak di urang kan kathaot.

2/ Di ban sit Đà Nẵng, harei kabroi, mintri pato megru hu pambuak bruk saong kapul ilamu sajarah dak rai VM peih bruk jao giải thưởng bruk pakacah “Adei ranam sajarah dak rai Việt Nam” mbang ka sa. Tyapa nan hu 4 giải nhất, 10 giải nhì, 30 giải klau saong 60 giải khuyến khích. 

3/ Di tỉnh Kon Tum, dalam dom harei ni, rilo bruk ngak iek glang Tết ka urang kan kathaot, dok hu karja song kapul nyaom , DN peih ngak, piah ka boh sang halei jeng hu mbang tết. Jeng dalam mbang ni, jiak 280 tấn brah di rajaei hu parabha tal dom puk palei piah ba tal dom boh sang kurang padai brah di tỉnh Kon Tum.

4/ Tết anek sak pabe thun ini, UB bhap bini tỉnh Đồng Nai buh tabiak jaik 150 tỷ đồng daong ka dom urang rasak karja, urang hu buh pren yava ka cách mạng saong urang kan kathaot. Tui nan, dom urang umo 55 thun Đảng, umo 60 thun Đảng, urang jakar hu mbaok tame bruk ngak cách mạng dahlau cách mạng bilan 8 hu daong 1 triệu 100 ribau đồng. Yaom daong 750 ribau đồng hu daong ka dom urang hu buh pren yava ka cách mạng. Daok dom baoh sang kan kathaot, baoh sang jaik si kan kathaot hu daong meng 400 tal 550 ribau đồng. Anek saih, sinh viên  lac urang bangsa takik daok bac di dom sang bac Đại học, cao đẳng trung cấp bruk ngak jeng hu daong 400 ribau đồng sa  adei. 

5/ Melam 5/2 di dom khu chế xuất-khu công nghiệp ban raya Hồ Chí Minh, Liên đoàn Lao động ban raya peih danak dak “harak radeih anit ranam” brei harak radeih song pandap tết ka urang ngak hu rai duik kan kandah. Danak dak hu jao brei labaih 3000 harak radeih song pandap tết ka urang ngak di Khu chế xuất Tân Thuận song dom khu công nghiệp yau : Hiệp Phước, Tân Tạo, Lê Minh Xuân, Bruk siam abih di thun ni nan lac tapen bruk brei harak radeih song pandap tết ka urang ngak palei meng Phú Yên tal gah barak, Liên đoàn Lao động ban raya Hồ Chí Minh dok peih prong bruk brei harak radeih ka urang ngak palei dok di dom tỉnh Tây Nguyên song Tây Nam Bộ.

6. Darak rup cih Tết dương đại akaok meti hu peih tabiak di VN barau peih mbaok di melam karoi di HN. Darak rup cih tết đương đại ngak tui mô hình Art Fair dunya, parang iek saong pablei labaih 350 tác phẩm nghệ thuật di labaih 80 họa sĩ naih gheih daok diuk rai saong ngak bruk di gah brak. Darak rup cih Tết đương đại oh lac sa drak rup cih saoh bo daok lac harei pataom nghệ thuật salam uan Tết anek sak pabe ngan saong ralo bruk ngak nghệ thuật tương tác chreih chrai.

7/ Harei Page  7/2, di muinyim bangsa VN hu rah tabiak danak dak “Uan raok thun anek sak pabe 2015” danak dak hu rah tabiak rilo bruk ngak siam yau padang phun nêu dalam lễ Gầu Tào di urang Hmông di Si Ma Cai; parang iek khèn, sáo, hát ống di urang Hmông di Bắc Hà, Mường Khương, Si Ma Cai song dom bruk main sambai bhap bini meng kan di dom mik va bangsa. Jeng dalam harei rija ni, dom nghệ nhân di tỉnh Bắc Ninh, Hải Dương hu parang iek in tranh Đông Hồ, nặn tò he, vak thư pháp, ngak  pháo haluk…

Patui di ini dom khau tin dunya:

8/ Hiệp hội Bóng bàn Nhật Bản harei kabroi brei thau tabiak truh dom giải pakacah di Côoét saong Cata kayua bruk an ninh hadei di tuk 2 urang NB njauk kol IS pametai. Giải bóng bàn peih praong di Cô-oét saong Ca-ta hu rah tabiak di harei 11 saong 17/2.

9/ Bruk Patagok KT di dom taneh ia pandar jien ơ rô hu siam lagaih jang dut song 3 bilan dahlau kayua yaom menyek trun, jien ơrô beir jang song danak dak pacadu định lượng di gilang pariak TƯ châu Âu. Ni lac panuac khan di UB châu Âu ba tabiak harei 5/2.

10/ Ngoại trưởng Prang Lô-răng Pha-bi-uýt barau hu mbang taom gaok Ngoại trưởng Ấn Độ Sus-ma Soa-rai di Niu Deli piah patagok talei pambuak bruk dua gah saong ginum meyai bruk Thủ tướng Ấn Độ Mô-đi meda nao rivang Prang di puac thun ini. Lac taneh ia hu khí thải nhà kính praong di abih dang ka 3 dunya, Ấn Độ hu iek lac lambaok ka sap ndom di dom taneh ia daok patagok dalam bruk ginum meyai ka biến đổi khí hậu. Kayua yau nan ye, bruk daong di Ấn Độ nan lac biak praong piah mek thỏa thuận toàn cầu di Pari./.