1/ Harei ni, njauk di harei pahadar 69 thun harei Tổng tuyển cử mbang camereip di negar Việt Nam Dân chủ Cộng hòa, rayo sap ndom VN pambuak bruk song Văn phòng Quốc hội peih Kênh Truyền hình Quốc hội Việt Nam. Piah caga ka Kênh truyền hình Quốc hội papar sap, labaih 1 thun tapa rayo sap ndom VN hu peih rilo bruk ngak, gam sami samar, gam iek prong iek glong. Gam song bruk kuhria caga  labik ngak, menuac ngak jeng hu kuhria caga tui.  Urak ni Kênh truyền hình Quốc hội hu sa kapul ngak bruk khang, labaih 220 urang, halan hatain hu mbaok di grauk labik piah ba mai ka urang dom khau tin thời sự pandiak di abih ka bruk di QH, jang yau brei mboh hatai cong khin di menuac urang dalam negar.

2/ Thun 2014, mban jak ba “harei ka urang kan kathaot” tỉnh Quảng Nam jak ba hu labaih 70 tỷ đồng ka kadung jien “ka urang kan kathaot” patagok yaom jien jak ba hu labaih 700 tỷ đồng dalam 14 thun tapa. Meng kadung jien ini, tỉnh Quảng Nam padang ngak hu 14.000 baoh sang ka dom urang kan kathaot, peih ralo danak dak an sinh xã hội di dom puk palei kan kathaot, bhum biak kan kandah.

3/ Dự án dong brei oh bayar veik “sang iek ruak bay Orbis di Huế" thun 2015, peih tabiak dalam bilan 5/2015 di ban sit Huế song ban sit Hương Thủy ngan song yaom jien labaih 4 tỷ 800 triệu đồng, dalam nan kapul Orbis dong brei oh bayar veik labaih 4 tỷ 400 triệu đồng, dok veik nan lac phun jien di puk palei. Jalan ngak di dự án nan lac pato pakai paglong ilamu chuyên môn ka labaih 230 bác sỹ song điều dưỡng, pato megru ka 15 kỹ sư song kỹ thuật viên piah khik caga song vận hành trang thiết bị nhãn khoa. Langiu di nan, dự án peih ngak khám sàng lọc chẩn đoán, tacei ba phác đồ iek ruak ka 140 urang.

4/ Đảng ủy saong bộ tư lệnh bhum 4 hải quân barau peih bruk palao urang jakar, urang lin nao salih gauk saong ba pandap tết thun anek sak pabe 2015. Tui kuhria, 4 kapal nan lac: HQ-996, HQ-571 saong HQ-561 tabiak meng quân cảng Cam Ranh, tỉnh Khánh hòa ba urang jakar, urang lin gam saong yaok rituh tấn pandap tabiak dom pulao dalam quần đảo Trường Sa, brei ka urang lin saong bhap bini angaok pulao mbang tết. Dalam mbang ini, pandap ba tabiak pulao nan lac menuk, brah duik, har kẹo, baoh kayau, njam patam, hala dong, ratak naih.

5/ Cục Thú y (mintri ngak nong song patagok palei pala) hu peih bruk dut iek ruak ka tapon limo tui danak dak patruh eik patrun kathaot ka dom boh sang kan kathaot. Urak ni tapon limo dự án tui danak dak patruh eik patrun kathaot hu pambak jit ruak laka cambuai tapok kakau ka 7 tỉnh dalam nan tapon limo dong brei di kapul Viettel ngak pambak jit di 5 tỉnh yau Thanh Hóa, Lào Cai, Yên Bái, Sơn La song Lạng Sơn. Dự án brei limo di kapul Đắc Nông song Lâm Đồng.

6/ UB bhap bini tỉnh Trà Vinh barau tabiak sarak ưu đãi, daong ba piah pachreih dom doanh nghiệp buh jien tame ngak mbang pablei salih dalam tỉnh thun 2015. Tui nan, dom doanh nghiệp tuk buh jien tame ngak mbang pablei salih dalam tỉnh hu mbang tui dom sarak ưu đãi yau: daong 10% jien bồi thường, giải phóng mặt bằng, jien padang kết cấu hạ tầng dom labik chức năng di khu kinh tế, KCN; daong 20% jien bayar giải phóng mặt bằng, jien padang kết cấu hạ tầng kỹ thuật di cụm công nghiệp.

7/ Harei kabroi, Kapul Đại biểu Quốc hội ban raya Hồ Chí Minh hu var ngak bruk song jabat thú y bhum 6 ka bruk pacang caga jit ruak di menuk ada, athur rong song kaya ikan. Hu trự sở di ban raya HCM, tui kuhria yaok thun, jabat thú y bhum 6 hu dut iek ruak ka labaih 66 ribau menu kada, athur rong song kaya ikan. Ngan song bruk khik ramik karja, dut iek ruak di athur rong song dut iek athur blei meng negar langiu, jabat thú y bhum 6 hu peih ngak siam bruk tui iek ruak di menuk ada, athur rong song kaya ikan di 10 tỉnh di gah merong song ban raya HCM.

Patui di ini dom khau tin dunya:

8/ Rija băng đăng Cáp Nhĩ Tân mbang ka 31 barau peih tabiak di ban sit Cáp Nhĩ Tân, pasak tỉnh Hắc Long Giang, gah ia-san Trung Quốc. Ngan saong kadha “bui sambai gam saong băng tuyết, ban sit chreih chrai”, rija thun ini hu ba mai ka tuai damuai dom chreih chrai pambuak tal băng tuyết saong dom kadha karei gah du lịch, ilamu, thời trang, kinh tế pablei salih saong thể thao. Ini jeng lac tuk piah dom chuyên gia điêu khắc băng,, dom nghệ sỹ di TQ hu mbaok tame pakacah, bac megru ilamu.  

9/ Labaih di sa adit, hadei di tuk boh kapan haoh hu angan QZ8501 di hãng kapan haoh E Ây-di-ờ (AirAsia) njauk bala di tasik Gia-va, bruk dong duah paok jhuk di boh kapan haoh ni dok hu peih ngak chip, dalam tuk bruk kham merat patom tame ka bruk dong duah jhung likuh di boh kapan, 3 urang hu duah mboh dalam tuk dok gar di gaghe dok. Mbiah tal urak ni bahrau srong hu 37 urang. Hu 13 urang hu nhận dạng.

10/ Gah y tế dunya brei thau, hu takik di abih 8 ribau 153 urang metai kayua virus Ebola di Tây Phi, dalam abih tih 20 ribau 656 urang njom ruak. Tui nan, hu 2 ribau 915 urang metai kayua Ebola tại Xi-ê-ra Lê-ôn, 3 ribau 471 urang di Li-bê-ria saong 1 ribau 767 urang di Ghi-nê. Jit ruak tamuh tabiak meng sa thun dahlau jeng ngak labaih 10 urang metai di dom taneh ia karei dalam dunya./.