1/ Harei kabroi, akaok negar Trương Tấn Sang hu nao rivang song ngak bruk hong kapul urang dahlau ngak Thanh niên xung phong Việt Nam. Di var ngak bruk, akaok negar pok meyaom kapul urang dahlau ngak Thanh niên xung phong hu rilo hatai sahneng hadah krah, rilo danak dak pambuak pagam yaok ribau urang jakar hội viên, patagok KT, an sinh XH, ngak kreih camin ka dam dara harei ini bac megru ngak tui.

2/ Mintri pato megru hu harak payua dom giám đốc dom sở pato megru ka bruk tổng hợp taong yaom saong pok meyaom anek saih tiểu học tui thông tư 30.. dahlau di nan, mintri pato megru hu công văn 6169, harei 29/10/2014 ka bruk taong yaom anek saih tiểu học saong công văn 7475, harei 25/12/2014 ka bruk tacei pato taong yaom định kì tui thông tư 30 thun 2015. Piah peih ngak siam sarak di drei, mintri pato megru pandar dom sở pato megru patui tacei pato dom jabat pato megru tacei dom sang tiểu học peih ngak siam bruk tổng hợp taong yaom puac học kì I saong puac thun bac.

3/ Yaom xăng menyek dalam negar hu patrun 310 đồng, dok 17.570 đồng sa lít. Ni lac mbang trun camereip di yaom xăng menyek dalam thun 2015. Tui mintri Công thương, yaom xăng menyek di dunya dalam tuk vak kuhria yaom 15 harei ka xăng RON 92 lac labaih 64,3 USD/thùng, menyek diezen lac labaih 72 USD / thùng, menyek gaih jiak 72,5 USD/thùng. Anak bruk trun yaom xăng menyek di dunya, Mintri công thương pandar dom DN xăng menyek brei patrun yaom pablei xăng menyek dalam taneh ia.

4/ Dom harei tapa , dom janih baoh kayau yau: cam sành, kruoc kanduh hijao, pa-aok… yaom tagok yaok harei, min dom urang pala bein di Trà Vinh jeng oh ginup baoh kayau piah pablei. Urak ini kruoc saradang, cam sành, pa-aok Đài Loan janih I pak bein di Trà Vinh yaom meng 38.000 tal 40.000 đồng sa kg, tagok jaik 15.000 đồng sa kg duk saong adit dahlau. Makna ba tal yaom baoh kayau tagok glaong nan kayua sung bilan, langik tasik thun ini oh lagaih nan ye năng suất oh glaong, taphia di nan lac thun nhuận nan ye taong abih dom janih baoh kayau kan ndam baoh mbiah tal harei jaik tết.

5/ Dom harei jiak di ni, rilo mbang hajan khang dui atah ngak khat lihik gah kinh tế biak rilo di tỉnh Bến Tre. Bruk njauk nyai nan lac 600 ha sara jaik pablei di huyện Bình Đại, Ba Tri ralai jeng ia khat lihik yaok pluh tỷ đồng, yaok rituh ha padai tasak jaoh jaleih. Di huyện Chợ Lách, yaok ribau urang nong pala bingu, phun cảnh pablei tết jeng gaok kan kandah kayua hajan jhung bilan. Trak di abih nan lac phun mai vàng song cúc mâm xôi tabiak bingu avar, sang bein khat lihik.

6/ Tỉnh Bình Phước barau peih bruk pahadar 40 thun peih paha Phước Long (6/1/1975– 6/1/2015) saong taduan Huân chương Độc lập Hạng 3. Ong Nguyễn Minh Triết dahlau daih ngak akaok negar mai hu mbaok saong klah rabha bui sambai saong Đảng bộ, karja, saong bhap bini ban sit Phước Long.

7/ Bảo hiểm xã hội ban raya Hồ Chí Minh bahrau hu harak công văn payua Bảo hiểm xã hội dom quận, huyện ka bruk dui atah tukvak salih labik iek ruak tuk cemereip. Tui nan, dalam quý 1/2015, tuk vak salih labik iek ruak di tong abih urang blei bảo hiểm y tế di ban raya Hồ Chí Minh hu kuhria meng harei 30/1/2015. Bruk dui atah tukvak ni piah khik quyền iek ruak ka urang hu bảo hiểm y tế lagaih song adat hukum pasiam, pabak dom paka di hukum Bảo hiểm y tế hu ba tabiak pandar meng harei 1/1/2015.

Patui di ini dom khau tin dunya:

8/ Urang vak di rayo sap ndom VN daok di Lào brei thau: mintri QP taneh ia ini barau brei thau baoh tapuk “sajarah dak rai meng kan di bộ tổng tham mưu tukvak1945- 2010”. Baoh tapuk nan lac tài liệu sajarah dak rai praong, pataom iek veik tukvak dak padang saong praong tagok gah bruk tham mưu di bol bala bhap bini Lào, piah pato pakai jeng yau paglaong bruk ruah duah ka nghệ thuật quân sự di bol bala bhap bini Lào.

9/ yau jeng bhian randap, ttuk tapa thun bahrau, rilo urang di tỉnh Ô-đét-xa, Ucraina hu taduan thun bahrau tui adat cambat karei di drei. Rio urang di Ô-đét-xa patom gauk di labik rong ikan heo di ban ni piah mong iek dom urang thợ lặn chuyên nghiệp taduan thun bahrau. Yaok rituh thợ lặn song muah di ong taha noen, tangin pan phun thông noen jak gauk chat trun danao rong ikan heo njuk dalam ia liar taom dar phun no en. Urang halei caluai haong ikan heo lavik jang nan lac urang jayah.

10/ Hadei di tuk peih praong jang 260km labik duah sruh kapal haok QZ8501, dom kapul daong duah hu duah mboh gac 2 mayit saong duah mboh hu dua pandap kim loại praong ala mbat tasik Gia-va. Yau nan, hadei di labaih 10 harei duah, hu 39 mayit dalam 162 urang angaok kapal haok gaok bala hu duah mboh saong hu thau cambaih angan je./.