# Page ini, meng hu jaik abih urang hu mbaok buh phiếu njauk hatai, Quốc hội hu pok ong Nguyễn Xuân Phúc ngak Thủ tướng Raja-ei vaktu 2011-2016. Tui nan, ngan haong 446 dalam 490 urang Quốc hội hu mbaok (meblah 90,28% taong abih urang Quốc hội) njauk hatai, Quốc hội hu pok ong Nguyễn Xuân Phúc ngak Thủ tướng Raja-ei. Hadei di tuk brei thau kết quả buh phiếu, meng ralo phiếu njauk hatai, Quốc hội hu brei tapa Sarak ka bruk pok ong Nguyễn Xuân Phúc ngak Thủ tướng raja-ei. Hadei di tuk hu Quốc hội palih ruah, ong Nguyễn Xuân Phúc hu ngak adat tuyên thệ anak Quốc hội. Pok panuac anak Quốc hội, Thủ tướng Nguyễn Xuân Phúc ndom lac: Ini lac vinh dự biak prong saong trách nhiệm biak trak bo  Đảng, Karja saong bhap bani jao brei. Thủ tướng Nguyễn Xuân Phúc sanya kham merat abih drei piah ngak bruk ka taneh aia palei negar, duh ka bhap bani, taong abih bruk piah dak padang negar Việt Nam Xã hội Chủ nghĩa bhap bani kaya meda, taneh aia khang kajap, công bằng, văn minh.

#/ Caik abih hatai sangka tal bruk pacang caga tham nhũng di rajaei, di thủ tướng rajaei dalam tukvak  anak tal, đại biểu Bùi Đức Thụ, kapul Lai Châu cong khin: “Dalam dom thun tapa Đảng karja, QH rajaei iek bruk pacang tham nhũng lac bruk prong dang akaok, min oh hu siam mekre yau hatai khin di bhap bini. Hulin khin sa rajaei bahrau, dang akoak lac sa thủ tướng bahrau, meda  hu dom jalan ngak cambaih laih piah pacang cakak tham nhũng, mek veik hatai jia di bhap bini, ngak brei hacih saat bruk KTXH, bruk khik ramik karja.

# Hadei di klau thun peih ngak, danak dak “Học kỳ dalam Quân đội” taduan hu bruk sangka, pachreih tui di dom kapul nyaom chính trị, mặt trận, kapul nyaom puk palei, dom jabat, đơn vị Quân đội saong dom jabat dalam Trung ương Đoàn. Tapa nan, daong pabak hatai caong khin dalam bruk pato tacei ilamu quốc phòng - an ninh, daong ka dom học viên hu bruk salih bahrau akaok saneng; tah klaak dom bruk bhian randap oh siam, thau anit ranam, iek prong ong amuk, amaik ame, anai gru cei gru, ayut sahabat; hu hatai sahneng tự lập, klah rabha haong dom rai diuk kan kandah...

#/ Urak ni Sở Y tế Phú Thọ dok tui iek catang jit ruak kayua vi rút Zika song ngak khang tui dom văn bản tacei pato di pakat angaok piah pathau khan tal bhap bini thau cambaih ka jit ruak, nyaih bruk huac kanda atau chủ quang ka jit ruak. Lingiu di nan, Sở Y tế dok duah thau labik daok di jamuk Aedes aegypty ( dok ieu lac jamuk vằn, lac jalan ba tal ruak Zika song pandiak tabiak darah) piah samar pacang, cakak.

# Ruak pandiak tabiak darah daok tamuh khang saong pambak prong di tỉnh Sóc Trăng. Meng akaok thun tal ini, Sóc Trăng hu mboh 392 urang njauk ruak pandiak tabiak darah, tagok 83% urang dut haong tukvak ini thun dahlau. Tui kuhria dahlau, ruak pandiak tabiak darah daok tagok glaong pak Sóc Trăng dalam tukvak anek tal kayua lac urak ini bhap bani pataom khik aia pandar dalam vaktu pandiak bhang saong njaom mbaak mbak, palaghaih ka jamaok caih menek. Anak bruk yau nan, gah y tế puk palei daok pataom tame pathau khan, xử lý dom sruh jit; dalam nan, njauk caik hatai tal bruk pruh jru hóa chất, puh ramik sang danaok; pandar bhap bani pametai jamaok, ndih dalam mùng, juai brei ka jamaok kaik piah plaih pambak prong jit ruak. 

#/ UB bhap bini ban Nha Trang, tỉnh Khánh Hòa bahrau brei thau đề án “ Oh hu urang ban glai ban glo likau mbang di angaok jalan dalam ban Nha Trang tuk vak 2015-2020” song tabiak mbaok sa kapul iek gahh patom mek urang ban glai ban klo likau mbang di ba. Meng yaom jien buh tabiak ngak 7 tỷ 700 triệu đồng, bruk ngak di đề án lac tal thun 2020 ban Nha Trang oh dok urang ban glai ban klo  likau mbang, dong ngak ka mbaok meta saong bruk du lịch di ban Nha Trang hu siam mekre jang.

# Kuhria tal akaok bilan 4/2016, ia dalam dom baoh binek kavei dalam tỉnh Bình Thuận daok labaih 30% dung tích thiết kế. Ralo sang mac ba aia pandar pak huyện Hàm Tân padeih nduac kayua kurang aia. Dalam  tỉnh urak ini hu jaik 96.000 baoh sang daok kurang aia pandar. Kayua kurang aia nan ye mblang taneh phun pala njuak khat lahik trak tagok labaih 1.400 ha. Langiu di nan, pandiak bhang daok ngak kan kandah tal bruk raong glang, hu jaik 90.000 drei limo saong 18.000 drei pabe oh hu hareik piah mbang saong aia piah menyum.

Patui di ni dom khau tin dunya:

#/ Kapul urang kamei châu Á-Thái Bình Dương (ALFS) bahrau peih nyaom darak pasa pahla mbang 40 di ban ine Tô-ki-ô, Nhật Bản, piah rik patom jien ka dom bruk ngak pahla song dong ka urang kamei, uranaih di dom negar dalam kapul urang kamei châu Á - Thái Bình Dương. Amuk  Hoàng Thị Minh Hà, diuk di ong Đại sứ Việt Nam di Nhật Bản brei thau, pok jien jaik 200 triệu đồng hu kapul urang kamei châu Á - Thái Bình Dương jao ka VN hadei di Nyaom darak pasa thun bloh parabha brei kapul urang kamei Đại sứ quán hu pandar piah padang ngak sang bac ka uranaih njauk jru klik kruac di V. Tui kuhria, yaom jien rik pataom hu meng nyaom darak pasa thun ni daok hu pandar piah dong ka uranaih kan kathaot di dom bhum kan kandah.

# Kuhria tal akaok bilan 4/2016, ia dalam dom baoh binek kavei dalam tỉnh Bình Thuận daok labaih 30% dung tích thiết kế. Ralo sang mac ba aia pandar pak huyện Hàm Tân padeih nduac kayua kurang aia. Dalam  tỉnh urak ini hu jaik 96.000 baoh sang daok kurang aia pandar. Kayua kurang aia nan ye mblang taneh phun pala njuak khat lahik trak tagok labaih 1.400 ha. Langiu di nan, pandiak bhang daok ngak kan kandah tal bruk raong glang, hu jaik 90.000 drei limo saong 18.000 drei pabe oh hu hareik piah mbang saong aia piah menyum.

#/ Mintri y tế Braxin bahrau brei thau lac dalam 3 bilan akaok thun ni, negar ni hu 71 urang metai kayua cúm H1N1, rilo jang 2 mbang dut song thun 2015. Piah pacang cakak jit H1N1, bang Sao Pau-lô hu peih bruk klauk vắcxin pacang cúm meng puac bilan 3, avar jang sa bilan dut song bruk ba tabiak. Puac adit bloh, dom sang eik ruak di Sao Pau-lô laik tame bruk kurang vắcxin tuk bhap bini ba gauk nao klauk jru pacang. Mintri Y tế Braxin brei thau lac, meda pabak vắcxin cúm tal tong abih dom bang dalam negar dalam harei 8/4 anak tal song daok hu pabak tra./.