1 # Patui veik danak dak mbang nyaom ka 40 di Ủy ban Thường vụ Quốc hội, harei kabroi (17/8), dom urang lambaok hu ginum biai ka dự án Hukum Tổ chức cơ quan điều tra, Hukum tạm khik, tạm kareik saong dự án Bộ luật Tố tụng dân sự (pasiam veik). Page ini 18/8, Ủy ban Thường vụ quốc hội patui veik danak dak mbang nyaom, brei panuac ka dự án Bộ luật hàng hải Việt Nam (pasiam veik) saong Bộ luật dân sự (pasiam veik).

2/ Mesup harei ni 18/8 di pasak nyaom biai pakat negar Mỹ Đình, Hà Nội, Mintri công an peih bruk pahadar pakat negar 70 thun harei Công an bhap bini (19/8/1945 - 19/8-2015) song 10 thun harei tong abih bhap bini khik caga an ninh taneh ia (19-8-2005 - 19/8/2015). Jeng dalam harei ni piah hadar veik dom jalan nao hadah hadai dalam 70 thun dak padang, mesruh metak,  jak jeng di công an bhap bini VN song 10 thun harei tong abih bhap bini khik caga taneh ia.

         3 # Pak jabat Raja-ei, Ủy viên Mentri Chính trị, Phaok Thủ tướng Nguyễn Xuân Phúc, Akaok dhar kapul pambuak bruk Việt Nam – Lào hu taduan raok ong Khăm Hùng Hương Vông Sỉ, Bí thư, tỉnh trưởng tỉnh Hủa Phăn, Cộng hòa dân chủ bhap bani Lào mao rivang. Phaok Thủ tướng Nguyễn Xuân Phúc brei thau: Tukvak anak tal Raja-ei Việt Nam meda patui veik daong ka Lào jien padai piah cakrok patagok kinh tế xã hội saong số lượng anek saih sinh viên.

4/ Di jabat mintri Quốc phòng, Kapul Quân sự pakat glong Việt Nam kayua Thượng tướng Đỗ Bá Tỵ, Tổng Tham mưu trưởng bol basla bhap bini Việt Nam, Thứ trưởng mintri Quốc phòng pan akaok kapul hu taduan raok, ginum biai song kapul pakat glong bol bala New Zealand (Niu Di-lân), kayua Trung tướng Tim Keating (Tim Ke-a-ting), Tư lệnh Lực lượng Quốc phòng New Zealand pang akaok kapul. Di nyaom biai, Thượng tướng Đỗ Bá Tỵ song  Trung tướng Tim Keating hu klah rabha ka bruk dunya, khu vự, bruk di yaok negar song dom bruk daok hu dua gah caik hatai sangka

5 # Pak bal raya Hồ Chí Minh, Phaok Thủ tướng Vũ Văn Ninh, Akaok Ban tacei pato salih bahrau saong patagok doanh nghiệp bahrau hu van ngak bruk haong Kapul nyaom công nghiệp cao su Việt Nam ka bruk rami ramik veik doanh nghiệp karja. Pok panuac pak van ngak bruk, Phaok Thủ tướng Vũ Văn Ninh pandar Kapul nyaom njauk brei thau giá trị doanh nghiệp dalam Quý III saong ngak ka nyu salah bruk cổ phần hóa dalam thun ini. Dalam tukvak peih ngak, meyah gaok kan kandah tavak tave hagait njauk khan breik ka Ban tacei pato thau piah peih taleih.

6/ Mintri ilamu thể thao song du lịch bahrau patabiak jalan ngak piah padang ngak hồ sơ pakat negar caong ka Then Tày, Nùng, Thái, hu Unesco ba tame angan inum krung ilamu phi vật thể lambaok ka menuac sia dunya. Padang ngak hồ sơ pakat negar ka Then Tày, Nùng, Thái jeng hu dong brei mboh yaom glaong di then dalam rai duik akaok sahaneng di dom urang  Tày, Nùng, Thái song bhap bini dok di dom puk palei hu inum krung then, pok meyaom ilamu bhap bini dalam dom inum krung phi vật thể di VN saong dong pabak ilamu dunya.

7 # Jaik 2.800 baoh sang kathaot di 6 huyện tapen negar di tỉnh Sơn La taduan mek hu limo pajaih meng Tổng Công ty Viễn thông Quân đội alin brei. Ini lac bruk meng danak dak "Sa tangin haong gauk brei ka bhap bani – limo pajaih daong ka urang kathaot labik tapen negar" peih ngak pak Sơn La meng bilan  9 thun dahlau tal ini. Danak dak "Limo pajaih daong ka urang kathaot" hu daong ka dom baoh sang kathaot lagaih jang piah patagok bruk ngak mbang pala drak, yam tapa truh kathaot. Tỉnh Sơn La urak ini jeng daok jaik 3.400 baoh sang kathaot daok caong hu daong.

8/ Tập đoàn Điện lực Việt Nam (EVN) hu tacei dom đơn vị di drei padang song patui ngak dom jalan piah khik ka điện hu siam mekre dalam harei 2/9 anak tal.EVN hu panuac tacei oh brei ngak hagait di jalan đien ba tal cakak điện dalam dom harei, meng harei 1 tal harei 3 bilan 9. Dom đơn vị patagok bruk iek glang, khik caga siam mekre, pacang caga khuak patuh dalam tuk lễ, oh brei urang jakar, nhân vien nao klaak labik dalam tuk ngak bruk./.