1 # Pahadar 70 thun Cách mạng bilan 8 (19/8/1945 – 19/8/2015), kapul urang lambaok Ban Chấp hành Trung ương Đảng, Akaok negar, Quốc hội, Raja-ei, Ủy ban Trung ương Mặt trận Negar Việt Nam bahrau caik  bingu, tame Kalan sirah Chủ tịch Hồ Chí Minh.  Bingu di Kapul hu caik talei akar "Miat miat hadal tal dhal phol Chủ tịch Hồ Chí Minh prong uranam". Patui nan, kapul jeng hu caik bingu, pok gilau, pahadar dom Anh hùng, Liệt sĩ pak Đài tưởng niệm dom Anh hùng, Liệt sĩ angaok jalan Bắc Sơn.

2/ Patui danak dak mbang nyaom ka 40 di Ủy ban Thường vụ Quốc hội, harei kabroi, dom urang QH hu ginum biai ka dom bruk dok hu panuac karei di gauk di dự án hukum dân sự (pasiam veik). Tapa ginum biai dom urang dalam Ủy ban Thường vụ Quốc hội njauk hatai song rilo kadha hu pabak pasiam yau quy định trách nhiệm di jabat hu thẩm quyền dalam bruk khik caga quyền dân sự, tuk vak padang quyền ngak pô; tukvak thừa kế;, kadha oh siam gah adat hukum di giao dịch dân sự oh ngak njauk quy định ka jalan ngak.

3 # Mentri Pato megru bahrau hu harak payua tal dom Sở Pato megru ka bruk peih mbaok thun bac bahrau 2015 - 2016. Tui nan, bruk peih mbaok thun bac bahrau hu peih ngak grauk labik dalam negar di van page harei 5/9 “Harei taong abih bahp bani ba ranaih tame sang bac”. Asal kadha di harei peih mbaok thun bac bahrau njauk caik hatai tame bruk taduan raok anek saih bahrau tame bac, chào cờ, daoh Quốc ca, puac haral di Akaok negar saong dom bruk ngak kapul nyaom yau ilamo, daoh tamia, ma-in kadha ma-in bhap bani.

4/ Di HN, phó akaok Ủy ban Trung ương Mặt trận negar Việt Nam Lê Bá Trình bahrau taduan raok kapul urang hu angan je dalam bhap bini urang Khmer tỉnh Trà Vinh. Di var taduan raok, rilo urang lambaok hu panuac tagok TƯ njauk pasang iek tanut brei angan lac boh sang kan ka urang bangsa takik, likau brei harak lac urang hu angan je, brei harak BH y tế ka urang hu angan je, dong jien piah ka urang hu angan je hu mbaok tame langyah di xã, di palei. Ong Lê Bá Trình brei thau: dom caong khin nan di urang hu angan je hu MT pataom veik dalam harak pathau khan piah pok tagok Đảng, Karja.

5 # Tỉnh Đắk Lắk patagok bruk pathau khan, pasang iek chất lượng an toàn kỹ thuật saong bruk ngak njauk tui Hukum nao mai angaok jalan kraong di dom po ghe, gilai di taong abih bến, bãi dalam tỉnh piah daong khik kajap an toàn giao thông jalan kraong dalam bilan hajan ribuk. Gah chức năng jeng hu nao pasang iek dom labik cáp tuan tapa kraong, tabiak panuac kakei bhap bani bangsa takik oh nao tapa dom labik cáp tuan daok khut bo tok tapa kraong, craoh meng ghe, gilai meng khik hu siam tính mạng saong drap ar. Meng akaok thun tal ini, Đội Cảnh sát jalan aia dalam tỉnh jeng hu xử lý labaih 180 urang ngak suan adat hukum an toàn giao thông jalan kraong, khik 7 sruh ghe, gilai oh siam mbuan ba tal bala. 

6/ Bộ Chỉ huy Bộ đội biên phòng tỉnh Lai Châu bahrau pambuak bruk song dhar Viettel peih bruk dong limo pajaih ka 187 boh sang kan kathaot di 5 xã dok di tapen negar Huổi Luông, Sin Suối Hồ, Bản Lang, Nậm Xe song  Ma Ly Pho di huyện Phong Thổ. Tui nan, yaok boh sang hu taduan 1 drei limo pajaih menek yaom 15 triệu đồng. Urak ni, Bộ Chỉ huy Bộ đội biên phòng tỉnh song dhar Viettel Lai Châu hu jao labaih 500 drei limo pajaih ka boh sang kan kathaot dok di tapen negar

7 # Tỉnh Quảng Ngãi bahrau tabiak ralo jalan ngak, rilo sarak daong patagok dom Hợp tác xã dịch vụ saong taong mek kaya ikan di tasik atah. Tui nan, dom Hợp tác xã dịch vụ saong taong mek ikan di tasik atah pak tỉnh Quảng Ngãi hu dự án, jalan ngak siam hu gilang pariak brei mesre, kadung jien Karja meda daong taong abih jien jhung mesre dalam thun akaok mereip. Ong Phan Huy Hoàng, Phaok Akaok Sở Ngak nong, patagok palei pala tỉnh Quảng Ngãi brei thau:

Anak bruk labik taong ikan dak harei dak kan kandah, bala meng langik tasik dak harei dak kandah kande, bruk meriak gauk angaok tasik ngak pambak tal bruk taong ikan di bhap bani, nan ye bruk  padang dom hợp tác xã nan lac bruk njauk ngak.

8/ Hadei di tuk duah mboh tapon menuk 182 drei di amuk Nguyễn Thị Ri, daok di palei Tân Trung, xã Đại Phước, huyện Càng Long njom kum A/H5N1, Mban tacei jalan pacang caga jit kum menuk ada tỉnh Trà Vinh ba nao am cuh klak chip song samar peih ngak dom jalan pacang cakak. Ong Ngô Đức Thạnh, Chi cục trưởng Chi cục Thú y tỉnh Trà Vinh mboh lac:

Tuk hu KQ dương tính di jabat thú y bhum 7, dalam harei mban tacei jalan brei am cuh chip tapon menuk ada njauk ruak song duah jalan pacang cakak abih. Jit ruak hu cakak chip song dom puk palei peih bruk pacang cakak, oh caik ka menuk ada pajeng ba tabiak gah langui. Urak ni jit ruak dalam tỉnh dok hu tui iek kajap.