1/ Beir harei 30/9 tuk vak Lahabana njauk mesup harei ini (1/10) tui tuk vak HN, akaok negar Trương Tấn Sang, haduik di ong song kapul pakat glong negar drei tabiak truh ban ine Lahabana tamat siam mekre mbang rivang Cuba tui panuac daa di Akaok hội đồng karja song Hội đồng Bộ trưởng Cuba Ra-un Cat-xtơ-rô meng harei 28-30/9. Dahlau di nan, akaok negar hu nao rivang sang bac Wa Hồ di ban ine Lahabana. Sang bac Wa Hồ lac sa dalam dom sang bac hu angan je song rilo jak jeng di dom ane ksaih ban ine. Hu padang tagok meng harei 29/4/1976, tuk pahadar sa thun harei peih paha gah merong , yasa taneh ia di VN. Urak ni sang bac hu 14 tal, 22 urang gru song jiak 300 anek saih 

2/ Jeng dalam harei nan, akaok negar hu nao rivang Dự án ngak  padai brah di tỉnh Calimete. Ini lac bruk ngak hu meng bruk daong kỹ thuật di dom chuyên gia saong doanh nghiệp VN piah daong Cu ba hu ginup brah mbang, tapa nan hu patrun meneng brah bo cuba blei tame yaok thun meng 400.000 tal 450.000 tấn dalam tukvak 2005 – 2011 trun daok 300.000 tấn sa thun meng thun 2012 tal urak ini. Meng bruk ngak ini, akaok negar caong khin dua taneh ia patui pambuak bruk peih ngak hu kein laba dom dự án pambuak bruk ngak nông yau pala đậu tương, tangei saong raong pala kaya ikan saong dom dự án pambuak bruk karei.  

3/ Meng harei 1/10 QĐ ka 33/2015/QĐ-TTg di Thủ tướng rajaei ka sarak dong sang dok ka boh sang kan kathaot tui tanut kan kathaot tuk vak 2011 – 2015 ( danak dak dong sang daok ka boh sang kan kathaot tui QĐ 167/2008/QĐ-TTg tuk vak ka 2) hu ba tabiak pandar. Tui nan, 311 ribau boh sang kan kathaot hu mesraiy phun ijen u7ub đãi ngak sang dok.

4/ Pahadar harei dunya urang taha umo 1/10, labaih 2000 urang taha umo di huyện Nghĩa Hành, tỉnh Quảng Ngãi hu alin hadaih pandap. Abih tih yaom jien jaik 500 triệu đồng hu kaoh tabiak meng kadung jien puk palei. Langiu di nan, huyện daok peih bruk iek ruak saoh saong brei sổ iek glang pren yava ka jaik 13 ribau urang taha umo dalam huyện.

          5/ patui bruk nan, UB bhap bini ban raya HCM hu ba kapul nao rivang song brei pandap tadhau yhut urang taha praong thun di 24 quận , huyện dalam ban raya. Lingiu di nan, ban raya daok peih ngak danak dak “ Meta hadah ka urang umo prong” iek ruak di labik dok ka dom urang hu umo meng 100 thun agok, song urang taha nao mai kan kandah.

6/ Meng thun 2012, danak dak pato pakai dinh dưỡng học đường hu công ty Nestle Việt Nam gam saong talei pambuak bruk di Viện dinh dưỡng pakat negar peih ngak di 18 sang bac tiểu học di 5 tỉnh, ban. Dalam thun bac ini, danak dak hu peih praong jang tal 15 sang bac di Đà Nẵng, Lâm Đồng, Đắc Lắc ngan saong jaik 15 ribau anek saih hu mbaok tame.

7/ Meng akaok thun tal ni, Mban tacei jalan danak dak patrun kan kathaot quận Bình Thủy, ban sit Cần Thơ pambuak bruk song pasak pato bruk ngak quận peih 12 tal pato bruk ngak ka 400 urang ngak palei pala yau , jhik gia dụng,  điện lạnh, pah jot, nề, hadei di tuk bac bloh hu labaih 75% anek saih hu bruk ngak tani tanat, patagok jien mek tame, langyah kan kandah.

8/ 5 thun tapa, MT negar tỉnh Trà Vinh hu jak ba bhap bini brei 187.280 m2 taneh saong rik daong jaik 94 tỉ đồng, 23.000 harei ngak bruk padang ngak jalan mbak,  thủy lợi nội đồng… MT negar tỉnh Trà Vinh pambuak bruk saong dom tổ chức thành viên jak ba kadung jien ka urang kan kathaot hu labaih 205 tỉ đồng padang ngak, pasiam veik labaih 14.500 sang jum pataom, daong phun jien, pajaih phun pala, athur raong ka dom baoh sang kan kathaot, kayua yau nan ye baoh sang kan kathaot trun meng 34,5% (2000) urak ini daok 12,49%.

Patui di ni dom khau tin dunya:

9/ Brei panuac di tuk peih mbang ginum biai pakat glong di Niu Oóc (Mỹ), Tổng Thư ký Liên hợp quốc Ban Ki Mun hu ndom tal bruk khủng hoảng di cư song hu panuac ieu châu Âu kham merat jang piah langyah khủng hoảng, saong hu panuac ieu dom negar patagok  bruk rik dong brei dom kadung jien ngak pahla di Liên hợp quốc. Mbang ginum biai, tui kuhria dui atah tal harei 3/10.

10/ Tổng thống Mỹ B.Ô-ba-ma ieu dom taneh ia kham merat pambuak bruk jang gac piah langyah dom cuang kandah di dunya saong brei thau dom bruk kanjah jhak meyah pambuak bruk oh jeng. Ong Ô-ba-ma ndom lac, Mỹ halan hatian pambuak bruk saong dom taneh ia dalam dom bruk sron mbon, pacang khủng bố. Tổng thống Mỹ ndom veik, dom lệnh trừng phạt Nga tok di lac daong khik caga chủ quyền di U-crai-na, oh ba tal srau kadau saong Mát-xcơ-va. ong Ô-ba-ma jeng ieu QH Mỹ samar brei tapa bruk klak lệnh cấm vận kinh tế cagar vei Cuba. 

11/ Urang jakar ngak praong di Indonesia dok sahneng kuhria iek njauk patagok bruk khuak glai song thur mun jeng bala praong pakat negar halei oh. Thur mun meng dom mbang khuak glai di Inđônêsia ngak kan kandah tal yaok ribau urang Inđônêsia song 2 negar dok jiak tapen nan lac Malaisia, Xinhgapo. Dom urang dang akaok, dom kapul môi trường ndom lac tuk ba bruk khuak glai jeng bala di negar ni, njauk pachreih ba menuac urang, jien ndua piah padam dom mbang khuak glai. Mbang bahrau ni di abih, Inđônêsia hu tabiak bruk khẩn cấp pakat negar nan lac tuk rah tabiak riyah praong châu Á thun 2014, ngak ka 200 ribau urang di negar ni metai./.