1/ Salam uan pahadar 70 thun Cách mạng bilan saong harei negar  Cộng hòa Xã hội Chủ nghĩa Việt Nam; 70 thun harei Công an bhap bani (1945- 2015), pak Sang daoh prong Hà Nội hu rah tabiak danak dak Vinh Quang Việt Nam 2015. Tapa nan, Akaok negar Trương Tấn Sang saong urang dahlau diah ngak Tổng Bí thư Lê Khả Phiêu hu pok brei biểu tượng Quốc huy Việt Nam ka 5 puk palei nan lac huyện Ngọc Hiển, tỉnh Cà Mau; bal sit Móng Cái, tỉnh Quảng Ninh; huyện pulao Hoàng Sa, bal Đà Nẵng; huyện Trường Sa, tỉnh Khánh Hòa saong bal ine Hà Nội.

2/ Bruk mít tinh pahadar 70 thun harei Quốc dân Đại hội Tân Trào hu rah tabiak dalam prong prang di mblang bein Tân Trào, xã Tân Trào, huyện Sơn Dương, tỉnh Tuyên Quang. Quốc dân Đại hội Tân Trào hu mong lac “Nyaom biai Diêm Hồng” kayua Chủ tịch Hồ Chí Minh patom hu labaih 60 urang di 3 gah barak, gah kreih negar, song gah merong anak bruk  di taneh ia. Bruk ngak prong ni hu peih ngak dalam harei 16-17/8/1945 di xã Tân Trào, huyện Sơn Dương.Meng ni, lệnh tổng khởi nghĩa hu ba tabiak piah dang tagok mesruh metak meblah mek veik karja.

3 # Pak Bal raya Hồ Chí Minh, Kapul urang dang akaok Ủy ban Trung ương Mặt trận Negar Việt Nam hu taom gaok urang lambaok pal akaok dom agama pak bal raya Hồ Chí Minh. Pak nyaom biai, lambaok dom urang pal akaok dom agama brei thau ka dom kan kandah dalam bruk likau harak ba-ar chứng nhận quyền pandar taneh, likau adat padang ngak, pasiam veik dom labik thờ tự daok khut… Angaok bal raya Hồ Chí Minh urak ini hu 11 cơ sở agama ngan haong 32 Giáo hội hu Karja công nhận; hu jaik 4 triệu tín đồ; labaih 8.000 halau janeng, jaik 5.000 tu sĩ, labaih 2.000 labik thờ tự. 

4/ Ong Nguyễn Xuân Phúc - Uỷ viên mintri chính trị, Phó Thủ tướng Rajaei - Akaok Hội đồng tư vấn đặc xá bahrau nao tui iek bruk đặc xá thun 2015 di trại giam Xuân Lộc tỉnh Đồng Nai. Trại giam Xuân Lộc urak ni hu jiak 5.105 urang guk. Dalam mbang đặc xá ni, hu 525 urang guk hu pilih ruah brei tabiak guk dahlau jang tukvak njauk guk.

5 # Tuk 10h00 harei 16/8, dalam tuk daok ngak bruk di drei angaok tasik, gilai 628 vùng 3 Hải quân taduan mek hu lệnh tabiak truh labik daok ngak, nao tal labik 15003’ – 111018’ atah gah Meraong pulao Tri Tôn, pulao kaoh Hoàng Sa di Việt Nam jaik 70 hải lý piah daong veih gilai taong ikan BĐ 97004TS kayua ong Đỗ Văn Vương daok pak Hoài Thanh, huyện Hoài Nhơn, tỉnh Bình Định ngak thuyền trưởng, angaok gilai hu 9 urang taong ikan. Tal tuk 16h45 dalam harei, gilai 628 hu nao tal gilai taong ikan njauk bala saong samar sraong veih taong abih urang taong ikan daok angaok gilai BĐ 97004TS tagok gilai 628 iek glang pren yava. Tal jaik 14h harei 18/8, gilai 628 hu mai tal pabah lange Lý Sơn.

6/ Akaok mintri pato megru Phạm Vũ Luận bahrau hu harak payua Akaok dom sở pato megru, Giám đốc, Hiệu trưởng dom sang bac ĐH, học viện, sang bac ĐH, cao đẳng ka bruk palagaih ka thí sinh nộp song rút hồ sơ tut angan palih ruah ĐH mbang ka sa. Tui kuhira, dalam dom harei luac di mbang palih ruah hatai khin 1 (meng harei 17 tal 20/8) dom thí sinh tal dom sang bac piah nộp, rút song tut angan tame palih ruah meda hu biak rilo.

7 # Pak mblang bein Đầm Sen bahrau rah tabiak danak dak daoh tamia pataom iek veik dom bruk ngak pahla dalam bilan hè 2015 kayua Thành đoàn, Hội Liên hiệp dam dara bal raya saong Kapul nyaom Sinh viên bal raya Hồ Chí Minh peih ngak. Langiu 24 quận, huyện dalam Bal raya Hồ Chí Minh, dom bruk ngak pahla bilan hè 2015 daok peih ngak pak dom tỉnh di bhum taneh Đông Nam Bộ, Tây Nam Bộ, Nam Trung Bộ, Tây Nguyên saong gam tapa negar Lào. Chiến sĩ Mùa hè xanh Hoàng Lê Phong, quận 2 brei thau:

 “Adei nao dul ve chai, puh ramik hareik hareim, ribaong kraong. Dom mblang caik hareik ngak neriak jalan ye khaol dahlak jeng ramik gam. Khaol dahlak caong khin ngak hacih sa-at jalan duan saong bal raya. Dahlak mboh sambai kayua lac hu rik daong hasit pren yava haong adei sa-ai karei piah hu sa bầu không khí hacih sa-at”.

         8/ Caga ka thun bac bahrau 2015-2016 di tỉnh Trà Vinh, gam song pandap bac megru, khan aow angui cuh di anek saih, dom janih pandap yau radeih juak, bàn bac…hu amaik ame blei rilo janih. Urak ni khan aow anek saih tiểu học yau: váy, capa prang, aow sơ mi hu yaom meng 140 tal 160 ribau đồng sa bộ, aow patih, capa prang  ka anek saih trung học cơ sở  yaom 100 ribau đồng sa blah capha song 80 ribau đồng sa blah ao, yaom ni tagok hasit meng 5 tal 10% dut song thun dahlau. Tỉnh hu peih rilo labik pablei pandap bac daa song hu patrun 10% ka urang dalam boh sang sarak karja song boh sang kan kathaot. Amuk Lâm Thị Xia bahrau blei radeih mini yaom 1 true65u 500 ribau đồng ka anek nao bac brei thau:

          Pandap mboh mekre, pandap VN chất lượng glong , hulin mboh urang blei rilo. Urak ni pandap VN biak siam,  yaom kaom jeng lagaih song urang di palei pala./.