1/ Beir harei 4/10, akaok negar Trương Tấn Sang mai rivang sang bac ĐH Việt Đức di tỉnh Bình Dương. Ni lac sang bac ĐH công lập cemereip dalam dự án padang ngak sang bac ĐH tui jalan pambuak bruk song sa negar karei. Akok negar  Trương Tấn Sang  lac:

Urak ni dok hu bruk meriak gauk di dom sang bac pambuak bruk haong VN song dom negar langiu lac Đức, Anh, Pháp, Nhật song Mỹ. Khol hulin daok dalam tuk  salih bahrau bruk pato pakai, dalam nan hu salih bahrau gah jien ndua di dom sang bac công lập piah sami samar jang, piah ngak yau habar hu sa pren khang, pabak hu ka bruk công nghiệp hóa, hiện đại hóa diViệt Nam.

2/ Thủ tướng Rajaei jao ka mintri jien padai dang tabiak pambuak bruk song mintri Y tế, mintri ngak nong song patagok palei pala patom tame pasang iek pandap panda blei tame meng negar langiu meda pambak tal pren yava anek menuac dalam tuk tết nguyên đán Bình Thìn 2016. Tui nan brei pasang iek pandap panda meng negar langui tame di ban Hải Phòng ( bilan 12/2015) di ban Hà Nội, ban raya HCM, dom tình Lạng Sơn, Quảng Ninh (bilan 1/2016).

          3/ Peih bruk tom gaok cử tri dahlau di mbang nyaom 10, QH mbang 13, harei 4/10, ong chí Nguyễn Xuân Phúc, Ủy viên mintri Chính trị, Phó Thủ tướng rajaei song Kapul  urang Quốc hội tỉnh Quảng Nam hu var taom gaok cử tri di xã Duy Sơn, huyện Duy Xuyên, tỉnh Quảng Nam. Dom panuac di cử tri hu kapul urang quốc hội tỉnh Quảng Nam tui pang, patom mek piah payua tal dom gah chức năng samar langyah dalam tuk vak anak tal.

4/ Jeng dalam harei 4/10, di ban sit Nha Trang, báo Tuổi trẻ ban raya Hồ Chí Minh pambuak bruk song kadung jien pachreih bac, pachreih megru tỉnh Khánh Hòa, tỉnh đoàn Sở pato megru 2 tỉnh Khánh Hòa song Ninh Thuận peih bruk jao pok jien bac “ Daong pren nao bac – Hatai khin yam tagok”. Mban peih bruk hu jao 37 pok jien bac, yaok pok yaom 7 triệu đồng ka dom SV bahrau, kham merat yam tapa kan kandah di 2 tỉnh tỉnh Khánh Hòa, Ninh Thuận.

 5/ Melam 4/10, Văn phòng mban pacang caga bala meng langik tasik  song daong duah urang njauk bala brei thau: Kapan ikan BTh 96747TS kayua ong Văn Thanh Dũng (umo 46 thun) ngak thuyền trưởng, tabiak meng Phú Quý harei 3/10. Angaok kapan hu 15 urang ngak. Tuk dok tong ikan di bhum tasik Bắc Trường Sa, kapan nyu khut jamriak atah di palao Phú Quý labaih 90 km gah Đông Đông Bắc. Oh pasiam veik hu, dom thuyền viên brei kapan theik tui ia dalam tuk langik tasik oh siam. Urak ni, sang po kapan  hu ndpom biai song sa kapan di urang tong ikan di huyện tabiak tasik dong dui kapan BTh 96747TS mai veik pulao.

          6/ Dalam tuk vak 2011 – 2015 ban raya Hồ Chí Minh hu labaih 16 ribau kapul nyaom song 84 ribau urang hu palih ruah lac mô hình, điển hình “Dân vận khéo”. Meng dom mô hình “Dân vận khéo”, dom puk palei, dom jabat, đơn vị hu ba tabiak rilo jalan ngak siam, gheih dalam bruk jak ba bhap bini, pachreih ba pren khang dalam bhap bini peih ngak bruk kT, ilamu XH

          7/ 5 thun tapa tỉnh Bà Rịa-Vũng Tàu hu labaih 36.400 boh sang mek hu angan urang nong ngak mbang naih joi dom pakat. Jiak 7000 boh sang ginup meda dong ka dom boh sang hu rai duik kan kandah tong abih phun jien labaih 21 tỷ đồng, yaok pluh ribau kg padai pajaih, phun, anek pajaih song yaok rituh tấn khak drak dom janih song harei ngak bruk. Tapa  nan dong ka labaih 15.300 boh sang yam tapa kan kathaot, dalam nan hu boh sang yam tagok ginup meda, rik dong biak prong dalam danak dak patrun boh sang kan kthaot di tỉnh.

          Patui di ni dom khau tin dunya:

8/ Pasak tui iek jit ruak Đài Loan (Trung Quốc) harei 4/10 brei thau meng bilan 5 mbiah tal harei ni, Palao kaoh ni hu labaih  20.240 urang ruak pandiak tabiak darah. Yaom lac urang ruak daok patrun song ni lac mbang tamuh jit ruak pandiak tabiak darah trak abih di Đài Loan dalam 17 thun tapa

          9/ Urang dang akaok negar Malaixia  harei 4/10 hu panuac ieu tong abih dom sang bac di negar ni njauk kreik pambah mbang dalam 2 harei kayua huac sauk pui meng dom mbang khuak glai di In-đô-nê-xi-a dok pambak khang, ngak jhak tal pren yava anek saih. Mintri pato megru Malayasia brei thau, sauk pui dok yam tal tanut jhak ka pren yava, yau nan ye dom sang bac dalam negar, oh lac dom sang bac  dok atah labik pasak brei kreik pambah mbang dalam 2 harei akaok adit tal (5/10)./.