1# Ủy ban bangsa barau peih bruk ginum biai brei panuac ka mẫu phiếu duah thau Đề tài “roh duah bruk pato pakai bruk ngak ka urang kumei bangsa takik di dom xa kan kandah di bhum Tây Nam Bộ”. Dom mẫu phiếu ini hu 6 mẫu phiếu lac: phieu tanhi sua urang kumei dara, urang kumei bangsa takik di umo thun ngak bruk; phieu tangi sua anek saih kumei bangsa takik; phiếu tingi sua gru bac; phiếu tangi sua Ban Giám hiệu di dom sang bac; phiếu tangi sua urang jakar dom Sở, ban, ngành pakat tỉnh, huyện; phiếu tangi sua urang jakar xã. Dom mẫu phiếu tangi sua hu peih bruk duah thau di 3 tỉnh Tây Nam Bộ hu : Trà Vinh, An Giang saong Kiên Giang.

2/ Tui thông tư 59/2015/TT-BGTVT pasiam, pabak dom paka di thông tư 80/2014/TT-BGTVT harei 30/12/2014 di akaok mintri jalan mbak pajeng ba tacei tabiak bruk pajeng ba tuai damuai, pandap panda, bao payua tui jalan thủy nội địa hu ba tabiak ngak tui meng harei 1/1/2016, uranaih umo ala sa thun, urang praong thun, urang joh jo biak trak, urang joh jo trak tuk pandar dom dịch vụ pajeng ba thủy nội địa hu miễn, patrun yaom harak.

3# Tui Cục Pacang caga HIV/AIDS (mintri Y tế), dalam taneh ia hu jaik  230.000 urang njaom HIV hu duah mboh saong labaih 86.000 urang metai kayua HIV/AIDS. Dalam  9 bilan di thun 2015 duah mboh labaih 7.000 urang njaom barau saong labaih 1.600 urang metai. Urak ini hu 100.000 urang hu iek ruak ARV saoh – sa janih jru ngak trun takik bruk tamuh  caih virus HIV dalam rup pabhap. Tal thun  2020, Việt Nam meda hu 200.000 urang hu iek ruak ARV saoh piah pamaong tal tamat jit AIDS di thun 2030. 

4/ Dalam thun 2015, UB bhap bini tỉnh Đắc Lắc brei buh tabiak jaik 105 tỷ đồng piah peih ngak sarak bangsa ka labaih 41 ribau baoh sang bangsa takik kan kathaot. Dalam nan, meng akaok thun, tỉnh hu brei mesraiy jaik 30 tỷ đồng piah daong kanduan ba bhap bini, tái định canh – định cư saong daong taneh pala drak. Min, tui mban bangsa tỉnh, tal urak ini dua asal ini jeng oh ka ngak hu hagait kayua oh daok quỹ taneh, atau daok min daok dalam taneh di dom doanh nghiệp, adat salih kan kandah. Ong Nguyễn Như Quyền, phaok akaok mban bangsa tỉnh Đắc Lắc brei thau: Bruk kan kandah di kol dahlak nan lac dom labik meda pala drak hu ye hu po abih ye, tỉnh hu brei dom doanh nghiệp, công ty lâm nghiệp piah pala glai dalam tukvak 50 thun. Piah khai hoang saong peih brei bhap bini ye brei salih ka po doanh nghiệp chuyển mai puk palei meng hu khai hoang. Ka dua tra lac harak gar, adat hukum piah hu khai hoang ye biak ralo bruk, lahik ralo tukvak.

5# Pamaong tal pahadar harei gru pato Việt Nam 20/11,  dom Nghệ nhân di kapul Nghệ nhân, thợ joi di Hà Nội barau ngak blaoh 2 bức phù điêu meng đồng đỏ ngan saong kadha ka Đảng saong Chủ tịch Hồ Chí Minh saong alin Học viện Chính trị Quốc gia Hồ Chí Minh. Dua bức phù điêu ini glaong 4m, praong 3m hu giáp gò meng tangin saong hu ngak meng đồng đỏ.

6/ Di miuyim sajarah dak rai ban raya HCM daok peih parang iek “Nghệ thuật ứng dụng dalam ilamu tea phương đông” pahadar harei inem krung ilamu VN 23/11. Labaih 260 pandap lac dom janih piah menyum ia tea hu parang iek yaih khan tal bhap bini dalam taneh ia saong tuai DL dunya dom tilamu di urang saman dahlau tapa dom pandap pandar dalam ilamu menyum tea di phương đông. Dalam parang iek daok hu ngak iek bruk lai tea meng kan, daong ka urang mai maong iek thau jang ka ilamu menyum tea.

7# Meng akaok thun tal ini, kapul pachreih bac tỉnh Sóc Trăng hu peih 4 tan bac pasram sap Khmer hu : tan đàm thoại, pakat tiểu học, trung học cơ sở, trung học phổ thông sap Khmer, saong 250 urang tui bac. Langiu di nan, kapul daok peih veik tan pato sap Pali saong sap Sankrit ka 25 học viên. Tapa dom tan bac daong dom hoc vien ndom siam sap ndom saong akhan vak di bangsa dalam bruk pathau khan dom jalan adat, sarak di Dang, adat hukum di karja tal bhapbini bangsa Khmer, peih ngak siam dom bruk jak ba, jhul pakhang patagok kinh tế-xã hội di puk palei .

Patui di ini dom khau tin dunya:

8/ Hội đồng bảo an LHQ harei 12/11 hu brei tapa sarak ieu ginum meyai di dom gah di Bu-run-đi  piah padeih bruk srau kadau dui atah di taneh ia ini. Sarak di hội đồng bảo an hu ba tabiak saong brei tapa hadei 3 harei meng tuk dom urang ngak praong pakat glaong di LHQ  lac Bu-run-đi daok di tukvak biak nguy hiểm meng bruk khủng hoảng chính trị saong srau kadau daok tagok khang. Srau kadau nyu ngak takik di abih 240 urang metai saong labaih 200 ribau urang njauk klak sang danaok nao nyaik bala di dom taneh ia jaik taphia.

9# Anh pachreih tui bruk Thủ tướng Ấn Độ ba Ấn Độ jeng taneh ia hu cơ sở hạ tầng saong bruk pato megru glaong di dunya. Ini lac panuac di Thủ tướng Anh Đây-vít Ca-mê-rôn (David Cameron) di mbang họp báo haong gauk hadei di tuk taom gaok Thủ tướng Ấn Độ Na-ren-đa Mô-đi (Narendra Modi) dalam mbang ravang Anh harei 13/11. Thủ tướng Anh jeng brei thau, dalam mbang ravang di Thủ tướng Ấn Độ, doanh nghiệp dua taneh ia hu mbaoh tangin tame rilo thỏa thuận pambuak bruk saong yaom tagok tal 9 tỷ bảng Anh.

10/ Harei 12/11, bol bala Nigiêria hu peih sa bruk taong tame kol phiến quân Bôkô Haram di bang Bô-nô, gah ia sar taneh ia ini, daong hu 61 urang njauk kol phiến quân ini cap kreik, dalam nan ralo meng lac urang kamei saong uranaih. Bol bala brei thau, 4 urang di kol Bôkô Haram metai saong ralo urang karei njauk cap kreik dalam mbang tấn công ini./.