1 # Biar harei kabroi (16/12), pak bal raya Hồ Chí Minh, ong Nakajima Satoshi, Akaok Lãnh sự Nhật Bản pak bal raya Hồ Chí Minh lambaok ka Raja-ei Nhật Bản mboh tangin tame 5 harak pambuak bruk daong brei oh bayar veik ngan haong urang dang akaok 4 tỉnh di Việt Nam. Taong abih yaom jien pambuak bruk nan lac 314.098 Đô-la Mỹ. Dom puk palei hu mbang tui danak dak daong brei oh bayar veik pakat ala di Raja-ei Nhật Bản mbang ini nan lac huyện Cầu Kè, tỉnh Trà Vinh; huyện Krông Nô, tỉnh Đắc Nông; huyện Tân Trụ saong huyện Tân Thạnh, tỉnh Long An; huyện Bù Gia Mập, tỉnh Bình Phước.

2/ 10 thun tapa, học viện hành chính quốc gia, phân viện bhum Tây Nguyên hu peih 64 khóa pato ilamu khik iek ka labaih 4 ribau 500 urang nan lac urang jakar, công chức. Gam saong nan, phân viện daok peih janih pato đại học hành chính hệ cử tuyển chính quy ngan saong jaik 200 urang. Ini lac bruk pato đặc biệt di sa bhum đặc biệt, pabak hatai pato kapul urang jakar lac urang bangsa takik ka bhum Tây Nguyên. Tiến sĩ Nguyễn Đăng Quế, Giám đốc Phân viện Hành chính quốc gia bhum Tây Nguyên brei thau: “Tapa pasang iek, bruk caong ka urang jakar cơ sở, abih di nyu nan lac urang jakar pakat xã phường daok kurang biak ralo. Dahlak mboh lac jalan pato ini biak cần thiết saong brei peih praong ka taong abih dom tỉnh dalam bhum abih di nyu lac bhum atah bayah. Saong brei pato tập trung dom adei taong abih lac bhap bini bangsa takik piah hu samu gauk ka chất lượng saong urang jakar pato hu danak dak, jalan pato lagaih piah tiếp thu.

3 # 5 thun (2011-2015) peih ngak danak pakat negar padang ngak palei pala bahrau, tỉnh Đắc Lắc ieu pataom hu labaih 37 ribau tỷ đồng piah padang ngak palei pala bahrau. Bhap bani dalam tỉnh alin brei labaih 955 ribau mét vuông taneh, rik daong yaok ribau harei ngak piah padang ngak palei pala bahrau. Tal urak ini, dalam TỈNH bahrau  hu 7 xã mek hu chuẩn palei pala bahrau, oh ka tal 50% bruk ba tabiak. Tukvak 2015-2020, tỉnh Đắc Lắc kham merat ngak hu 40% xã mek hu chuẩn palei pala bahrau.

4/ Di tỉnh Khánh Hòa, urang ruak pandiak tabiak drah tame sang iek ruak dak harei dak ralo. Dalam tuk nan, quy mô di sang iek ruak đa khoa labik Ninh Hòa tok di pabak hu ¼ urang ndih iek ruak. Sang iek ruak ini brei padang lều tạm piah taduan, iek ruak urang pandiak tabiak drah. Tal urak ini, dalam tỉnh Khánh Hòa hu labaih 7.700 urang njauk ruak pandiak tabiak drah, 2 urang metai. Sang iek ruak quá tải dak ngak ka jit ruak kan kandah jang.

5 # Meng akaok thun tal ini, bal Cần Thơ duah mboh saong taong phat  labaih 1.500 mbang buôn lậu, bleik saleik dalam pablei salih saong pandap ja, tapa nan rik tame kadung jien Karja jaik 16 tỷ đồng. Anak bruk dak harei dak  phức tạp di kol nan, Ban Tacei pato 389 bal CầnThơhu pambuak haong dom jabat chức năng peih ngak catang dom jalan ngak piah pacang cakak saong jhul kadun likuk bruk buôn lậu, bleik saleik dalam bruk pablei salih saong pandap ja, abih di nyu lac dalam tukvak Tết Nguyên đán anak tal.

6/ Tui bruk ba tabiak dalam thun ini tỉnh Hậu Giang peih bruk panduan ba 100 baoh sang bhap bini daok diuk rai tapen dom jalan kraong praong dalam tỉnh bhian rah tabiak bruk jaleih taneh nao tal labik an toàn, tani tanat suai lavik, ngan saong yaom jien daong panduan ba nan lac 20 triệu đồng sa baoh sang. Hadei tukvak thẩm định, tal urak ini, chi cục patagok palei pala Hậu Giang hu peih brei jien daong panduan ba hu 75 baoh sang, abih tih yaom jien nan lac 1,5 tỉ đồng. Dom baoh sang daok veik tui kuhria hu peih brei dalam bilan 12 ini.

            7 # Tỉnh Tiền Giang urak ini hu labaih 10.500 hồ sơ taneh riya daok kandaong veik, mboh ralo lac hồ sơ  salih quyền pandar raneh, ramik veik  biến động taneh riya… Makna ba tal bruk kandaong ini kayua dom dhal Duk Đăng ký brei Harak chứng nhận Quyền pandar raneh pakat huyện, bal sit dalam tỉnh daok kurang urang ngak, bruk ngak chuyên môn daok tavak tave… Urak ini, Sở Tài nguyên - Môi trường tỉnh Tiền Giang daok samar peih ngak bruk ngak ini, kham merat ngak salah blaoh hồ sơ taneh riya dalam puac quý 1 thun tal.

Patui di ini dom khau tin dunya:

8/ harei kabroi 16/12, di huyện Sansay, tỉnh Át-ta-pư, Nam Lào, Tổng công ty Sông Đà, Công ty Cổ phần Điện Việt Lào saong Công ty Trách nhiệm hữu hạn Điện Xê-ka-mản 1 hu peih pakak saong jao labik tái định cư Súc-sa-vang – Đác-bu, di Dự án thủy điện Xekaman 1. Labik tái định cư Súc sa vang-Đác bu hu padang ngak meng bilan 6/2014 hu abih tih phun jien buh tame jaik 3 triệu đô la Mỹ. 59 baoh sang ngan saong labaih 400 menuac hu mbang tui dự án ini jeng lac dom baoh sang daok dalam labik danao pataom ia di công trình thủy điện Xekaman 1.

          9 # Akaok Mentri Ngak nong saong Hợp tác xã Thái Lan Chạt-chay (Chatchai) brei thau, sản lượng brah di negar ini dalam vụ padai thun 2015-2016 meda trun 10 triệu tấn dut haong vụ padai 2014-2015. Bruk ni kayua tui kuhria dahlau dalam thun 2016, gah ngak nong Thái Lan meda gaok kan kandah kayua tua riya pandiak bhang. Langiu di nan Thái Lan daok kandaong veik dalam kho ralo triệu tấn brah kayua brah labaih tuk peih ngak Danak dak daong yaom kaom saong blei padai brah ka urang nong dalam thun bahrau.

10/ Cao ủy LHQ ka urang tị nạn brei thau, jabat ini taduan hu harak sanya labaih 687 triệu đô la Mỹ dalam thun 2016 piah daong urang tị nạn dalam bruk khủng hoảng urang tị nạn daok rah tabiak tacang. Yaom jien nan hu pandar piah daong jaik 60 triệu urang tị nạn pacap brei panduan nao atau dom urang oh hu quốc tịch grap dunya./.