1/ Beir harei kabroi, mbang nyaom ka 12, Ban Chấp hành Trung ương Đảng mbang  XI hu tamat bloh hadei di 7 harei ngak bruk. Brei panuac di mbang nyaom Tổng Bí thư Nguyễn Phú Trọng ndom lac:  bruk ngak hu di mbang nyaom hu rik dong biak rilo ka bruk patagok KTXH thun 2015, dak padang song peih jalan patagok KTXH thun 2016, caga siam bruk menuac urang ka Ban Chấp hành Trung ương mbang XII; kham merat patagok karja, pabak bruk ngak tuk vak 2016-2021.

2/ mesup harei ini, UB TVQH hu peih mbang nyaom 42 ngan sapng ralo asal praong piah kuhria caga  ka mbang nyaom 10 di QH hu peih tabiak di harei 20/10 tal. Di mbang nyaom ini, UB TVQH brei panuac tame dom harak pathau khan di rajaei ka bruk peih ngak jalan patagok kinh tế - XH thun 2015 saong jalan patagok kinh tế - XH 2016; bruk patabiak trái phiếu rajaei ka darak phun jien dunya tal thun 2020.

3/ Harei kabroi, di HN, Pasak pren yava song rahra pambuak bruk song kapul urang tự kỷ Việt Nam peih danak dak “Pambuak bruk saong roh duah, harei roya haong uraniah trẻ tự kỷ”, pachreih hu yaok rituh uranaih, uranaih tự kỷ song dom amaik ame mai hu mbaok. Danak dak hu rilo bruk  ndung bak talei pambuak bruk yau: dom bruk main sambai pambuak meng ame amaik song uranaih, dong trị liệu, dom bruk thể thao. Doh tamia ka uranaih tự kỷ, uranaih jaoh jo.

4/ Disang bac cao đẳng sư phạm Đắc lắc, mintri pato megru pambuak bruk saong UB An toàn jalan mbak pakat negar barau peih harei pakacah “duah thau hukum jalan mbak saong ilamu peih radaih an toàn ka anek saih, sinh viên”. Hu mbaok harei pakacah nan lac 5 kapul mai meng 5 sang bac đại học, cao đẳng, TCCN bhum Tây Nguyên. Dok kapul hu pakacah 3 janih nan lac: thực hành peih radaih an toàn; tiểu phẩm ka an toàn jalan mbak saong pakacah lý thuyết ka an toàn jalan mbak. 

5./ Kayua langik tasik oh siam, ia njom neriak tachuak, lac makna ba tal jit ruak di rilo mblang taneh rong hadang di tỉnh Sóc Trăng dalam bilan ni. Urak ni gah ngak nong to3nh Sóc Trăng dok kham merat peih ngak rilo jalan pacang caga jit ruak. Pagap yau peih rilo mbang ginum biai, langyah, ndom nyai nao mai, tacei pato tapak tal urang rong hadang dom jalan pacang caga jit piah patrun khat lihik ka bruk rong hadang tal tanut beir di abih. 

6/ Kuhria tal puac adit akaok bilan 9, tỉnh Tiền Giang hu jaik 900 urang ruak pandiak tabiak drah saong tangin takai cambuai, dalam nan hu sa urang metai. Urak ini gah y tế tỉnh TG daok peih dom jalan pacang cakak dua janih ruak ini, patakik urang metai. Bác sĩ Nguyễn Thành Úc, phaok akaok khoa nhi – sang iek ruak đa khoa pasak TG lac: Ruak pandiak tabiak drah thun ini tagok glaong. Sang iek ruak di kol dahlak yaok harei taduan meng 3 tal 4 urang ruak pandiak tabiak drah. Nyu gaok di taong abih umo, anek kamar jeng njauk. Kayua yau nan ye, mikva mboh anek pandiak meng 2 harei tagok brei ba nao tal labik iek ruak daok jaik di abih.

          7/ Di ban raya HCM, Kapul Doanh nghiệp uranaih umo bahrau peih harei Kapul doanh nhân kayua bhap bini hu angan “ Gavang tangin klah rabha” Di harei patom, dom Doanh nhân dalam kapul DN ranaih umo ban raya hu rik dong jien blei 300 sruh radeih juak, 200 sruh dalam nan hu Kapul alin brei ka dom adei hu rai duik kan kandah dok di dom huyện, quận jiak tapen ban raya yau quận 8, Thủ Đức, Củ Chi, Hóc Môn, Nhà Bè, Bình Chánh song 100 sruh dok veik hu jao brei anek saih di tỉnh Quảng Binh dalam bilan 11 anak tal.

Patui di ini dom khau tin dunya:

8/ Taduan panuac daa di đảng lao động TT, kapul lambaok đảng drei kayua amuk Hà Thị Khiết, bí thư TƯ đảng, akaok mban dân vận TƯ ba kaok nao rivang cộng hòa dân chủ bhap bini TT saong hu mbaok tame mbang pahadar 70 thun harei padang đảng lao động TT. Di jabat TƯ đảng lao động TT, amuk Hà Thị Khiết ndom lac saong jia tame mbang nao rivang hu rik daong ngak pakhang, patagok talei pambuak meng kan di dua taneh ia TT saong VN.

9/ Labaih 3 ribau urang, rilo meng lac dam dara SV Séc song negar langiu, xếp hàng atah jalan nao di darak Ho-le-so-vi-di ban ine Praha piah hu mbaok tame harei pataom mbang huak mbang ka 2 hu angan Hương vị Việt Nam. Dalam labik hu raik ngak hadah mekre brei mboh bruk meng kan dahlau pablak song saman ini di phố phường Việt Nam, tuai damuai meda mbang rilo janih pandap meng kan di VN yau bún chả, nem rán, phở, bún - miến ngan, mỳ xào ...v..v..

10/ Urang dang akaok gah y tế dunya Mác-ga-rít Chan brei thau: gah ini kham merat daong rajaei dom taneh ia châu Âu padang sa jalan ngak siam di abih piah pabak ka bruk iek glang pren yava ka urang nhập cư tuk nao tal dom atneh ia ini. Brei panuac di mbang peih nyaom meyai glaong di abih y tế dunya 2015 rah tabiak di ban ine Béc-lin, Đức, amuk Chan lac: gah y tế dunya daong rajaei dom taneh ia padang jalan iek glang pren yava lagaih ka urang nhập cư piah daong ka urang hu pren yava khang kajap ./.