1#   Patui danakdak mbang nyaom ka 10, harei ini Quốc hội nyaom phiên toàn thể di Hội trường, brei tabiak Nghị quyết ka jalan dau tu danakdak bruk ngak negar tukvak 2016-2020; pang Tờ trình dự án hukum khik caga, pasang iek saong pato pakai uraniah ( pasaim veik) saong ginum biai di hội trường ka dom bruk daok brei panuac karei gauk di dự thảo hukum trưng cầu ý dân. Var bair harei,  Quốc hội pang Tờ trình ka dự án hukum ka hội saong ginum biai dự án hukum quân nhân chuyên nghiệp saong công nhân, viên chức quốc phòng.

2/ Melam kabroi 11/11, nyaom pakacah TT dom bangsa takik mbang ka IX di Lai Châu hu tamat bloh saong kapul vận động viên Hòa Bình hu dang akaok. Tui nan, kapul tỉnh Hòa Bình dang ka sa toàn đoàn, mek hu 27 huy chương dom janih. Dang ka dua nan lac kapul Lai Châu, mek hu abih tih 30 huy chương dom janih. Nyaom pakacah hu caik veik dalam hatai ayut dom tỉnh ralo kadha oh var hu ka sa Lai Châu siam mekre, rap ar tuai damuai, ndung bak ilamu meng kan dom bangsa.

3# Dalam pahadar 85 harei dak padang Mặt trận bangsa yasa Việt Nam (18-11-1930 - 18-11-2015), pagaiy harei 11/11, Ủy ban Mặt trận negar Quảng Nam peih harei hội “jum pataom banngsa” di palei Đông Phú, xã Đại Hiệp, huyện Đại Lộc. Urak ini palei Đông Phú hu abih tih 301 sang bhapbini ngan saong 1.125 menuac urang, hu 7 tổ jum pataom. Labik ini rilo urang bhapbini hu bruk ngak gam gam, kuhria jien mek tame 23 triệu đồng/sa urang sa thun. Barau ini, mikvadaok jak ba rik daong hu 25 triệu đồng saong harei ngak peih praong 2 canah jalan pambuak pagam palei. Ini jeng lac palei dak padang dom mô hình sap kẻng an ninh, tổ tự quản an ninh,… biak siam. Rilo thun hamiet hu chuan ilimo, rik daong gam saong xã Đại Hiệp hu chuan xã palei pala barau.

4/ harei 11/11, dalam chreih chrai harei roya jum pataom kayua UBMT negar huyện Đắk R’lấp peih bruk pahadar 85 thun harei padang MT bangsa yasa VN, ong Điểu Xuân Hùng, akaok UB mặt trận negar tỉnh Đắk Nông hu alin jien daong 150 triệu đồng ka huyện Đắk R’lấp padang ngak sang jum pataom thun 2016.

5#Thánh địa lac kadha parang iek di họa sĩ Nguyễn Huy Hoàng barau peih pakak di miunyim Mỹ thuật Việt Nam. Parang iek yaih khan 11 baok rup cih sơn mài kích thước praong mek cảm hứng meng bruk tâm linh saong bruk ngak mbang daok dang di urang Cam. 11 tác phẩm jeng lac bruk ngak hu di jaik 10 thun duah thau saong roh dauh ka ilimo Cam; bruk duah thau, thực hành saoing sáng tạo oh padheih padiay di họa sĩ ka nghệ thuật sơn mài. Parang iek dui atah tal puac harei 19/12.

 6/ Hiệp hội doanh nghiệp BT hu jak ba dom urang hội tame bruk padang ngak palei pala barau di puk palei. Tal urak ini dom urang hội di hiệp hội hu rik daong jaik sa tỷ đồng daong dom xã kan kathaot dalam puk palei peih ngak dom tanut padang ngak palei pala barau. Meng yaom jien daong di dom doanh nghiệp saong kadung jien doanh nghiệp BT ka bhap bini, hiệp hội hu blei 64 mac vi tính, sa mac in laser tui yaom jien abih tih 370 triệu đồng alin ka dom sang bac di xã kan kathaot dalam huyện Bắc Bình, huyện Hàm Thuận Bắc saong huyện Hàm Tân.

7# Sang iek ruak Phụ sản Trung ương lac sa dalam 3 sang iek ruak hu brei phép ngak tui kỹ thuật daong litian jum kayua bruk pahla. Di ini, jaik hu labaih uranaih hu ndih tapui tabiak meng bruk daong hatian jum. Tui Thứ trưởng mintri  Y tế Nguyễn Viết Tiến, akaok pasak daong ndih tapui, sang iek ruak Phụ sản Trung ương, yaok thun, Việt Nam hu jaik 700 urang caong khin nhờ daong litian jum.

Patui di ini dom khau tin dunya:

8/ meng puac adit tapa tuk langik li-ar, dom ban di bhum ia-sar TQ daok brei peih dom jamriak sưởi ấm cuh meng dhang. Langiu di nan, urang nông dom labik ini jeng am pong hadei di tuk yuak bilan thu. Nan ye sauk dhur mur par grap labik. Yaok ribau urang ruak tuh mai dom sang iek ruak puk palei piah iek dom janih ruak ka jalan suak yava. Angaok mạng XH Sina Weibo, ralo bhap bini daok di bhum ia-sar TQ đăng dom blah thaot urang daok cuk khẩu trang sre tuk nao tabiak jalan, langik bak thur mur.

 9# Rajaei Philippines brei ba 20.000 urang oh hu sang danaok tabiak truh jalan ban, klak jaik 1.000 mbang par saong brei padheih dom harei lễ di Manila piah khik caga APEC rah tabiak siam saong kein laba di adit tal.

10/ lào hu tabiak mbaok logo, khẩu hiệu saong blah Web ka asean thun 2016, ini lac sa kadha praong dalam bruk kuhria caga di Lào tui jalan lac taneh ia akaok asean 2016. Phaok thủ tướng rajaei, akaok mintri ngoại giao Lào, ong Thong-lun Xi-xâu-lít brei thau: logo hu 10 vòng tròn pambuak bruk, nan lac meta saong plak tangin, vir taom dar biểu tượng asean tượng trưng ka bhap bini asean. Meta biểu tượng ka meta maong di bhap bini asean thun 2025. Dom plak tangin brei mboh bruk jum pataom saong pambuak bruk khang kajap jeng yau hatai caong di dom taneh ia  asean piah patagok jang gac dalam bhap bini asean, tapa bruk meta maong di bhp bini asean thun 2025 lagaih saong kadha di asean thun 2016./.