1# Patui danakdak ngak bruk mbang nyaom ka 10, harei ini (13/11), dom urang jakar Quốc hội ginum ka dự án hukum adat cambat, agama saong dự án hukum khik caga, pasang iek saong pato pakai uranaih ( pasiam veik). Dahlau di nan dalam harei ngak kabroi (12/11), brei panuac ka dự án hukum trưng cầu ý dân, dom urang QH ndom lac, Dự thảo tacei tabiak ginup Quy định di Hukum negar thun 2013 saong hatai caong hukum tuk ba tabiak meda ngak jeng jalan adat hukum piah peih ngak siam bruk trưng cầu ý dân.

2/ Harei 12/11, UB bhap bini tỉnh Quảng trị peih bruk brei thau quyết định di thủ tướng rajaei ka bruk padang labik kinh tế Đông Nam Quảng Trị. Labik kinh tế Đông Nam Quảng Trị praong 23.700  ha daok dalam 17 xã, ban sit tapen tasik di 3 huyện Hải Lăng, Triệu Phong saong Gio Linh. Ini lac labik kinh tế tổng hợp, ralo janih, tui jalan patagok jeng pasak pablei salih dunya; pasak công nghiệp ngak kaya nông, kaya glai, kaya ikan, ngak vật liệu xây dựng, điện năng, DL, pablei salih dịch vụ, pabah lamnge; patagok đô thị pambuak saong hành lang kinh tế Đông – Tây.

3# Jeng dalam harei 12/11, di Hà Nội, mintri pato megru peih bruk taom gaok 61 gru pato hadah krah daok pato di dom sang bac dalam bhum biak kan kandah thun 2015. Ini lac dom cei gru, nai gru hadah trah daok pato di dom sang bac labik lẻ di  62 huyện kathaot tui Sarak 30a thun 2008 di rajaei. Di var tpataom mbaok, dom cei gru nai gru hu taom gaok, ginum biai, parabha dom alamu dalam bruk pachreih anek saih bangsa nao bac; dom caong kandauh glaih glan dalm raidiuk jeng ye bruk pato pakai anek saih di bhum atah bayah. Nai gru Trần Thị Thu Thủy, gru pato sang bac pakat sa Xá Nhè, huyện Tủa Chùa, tỉnh Điện Biên khan lac : Bruk njauk hatai abih di  dahlak lac anek saih. Anek saih di dahlak yaom lac akaok sahaneng daok suai jang duk saong anek bhum taneran, min dom anek saih biak anit dom gru . Caong khin di dahlak lac hu bruk sangka rilo jang di Dang saong Karja ba mbuan lagaih piah dom anek saih urang bangsa hu mbuan labaih dalam bruk bac da-a.

4/ Đắc lắc saong dom tỉnh Tây Nguyên daok yam tame bilan paik cà phê thun 2015 – 2016. Karei jang dom vụ dahlau, meng akaok vụ ini hu biak ralo menuac paik cà phê njauk ula iku meriah kaik. Meng bilan 10 tal ini, yaok harei hu 2 tal 3 urang, hu harei hu 5 urang njauk ulu kaik, hu ba tame sang iek ruak. Dom urang hu ba tame sang iek ruak chip, bhian thit dalam 3 harei. Dom urang suai ba tame sang iek ruak, nọc độc ula njom tame dalam rup pabhap ye tukvak iek ruak suai lavik jang, gaok tuk mbuan metai. 

5# 5 thun tapa, labaih 24 rabau mbang sang urang nong ban raya HCM hu mesraiy yaok mbang meng 10 tal 30 triệu đồng saong yaom jien laba bair 0,65%/sa thun. Yaok rabau sang hu yam tagok tabiak truh kathaot meng phun jien daong ini. Di dom xa palei pala di ban raya hu apdang rilo mo hinh ngak mbang hu kein laba, daong urang nong patruh  kathaot ye : raong limo binai, pala njam mầm, pala njam an toan, ngak mây tre lá, pablei salih sit…Urak ini, abih tih phun jien mesraiy di quỹ tagok tal 111 tỷ đồng. Amuk Nguyễn Thị Bạch Mai, akaok kapul urang nong ban raya HCM brei thau : Kol dahlak peih bruk nao dalam tame jak ba bhapbini daong ka bruk di kapul meng bruk pataom tame Kadung jien daong urang nong. Bruk ka dua dahlak mboh lac  khik ramik kadung yau habal ka kein laba lac bruk njauk sangka. Kol drei khik ramik phun jien brei kajap saong hu kein laba. Kein laba njauk hu di 3 gah lac gah bruk ngak, dua lac siam ka akaok sahaneng di bhapbini dalam bruk rik pren patagok gam saong puk palei. Kein laba ka 3 lac njauk rik daong siam ka patagok kinh te di puk palei saong kinh te di yaok sang tuk pandar jien.

6/ Di Hậu Giang, 5 thun tapa, tỉnh ini hu peih bruk padang ngak palei pala barau saong yaom jien abih tih labaih 12.373 tỉ đồng. Dalam nan bhap bini dalam tỉnh hu rik daong harei ngak bruk, brei taneh, njam patam yaom abih tih jaik 2.000 tỷ đồng. Urak ini hu sa đơn vị pakat huyện lac ban sit Ngã Bảy hu thủ tướng rajaei brei angan mek hu tanut chuẩn palei pala barau; taphia di nan, hu 12/54 xã hu UB bhap bini tỉnh brei angan mek hu tanut chuẩn palei pala barau, ralo jang sa xã duk saong bruk ba tabiak, dom xã daok veik jeng mek hu meng 5 tanut tagok.

7# Harei 12/11, di quận Thốt Nốt, ban sit Cần Thơ, Tổng Công ty Tân Cảng Sài Gòn peih pakak Cảng Tân Cảng – Thốt Nốt praong 75 m tatua cảng, raok mek kapal 2.000 tấn; 90 m bến raok mek sà lan 1.000 tấn, caik pamdap container saong panadap tổng hợp di taneh 1,1 ha. Cảng Tân Cảng – Thốt Nốt hu bruk ngak lac pataom, thông quan pandap panda, ramik caik container pandap pabeli tabiak taneh ia langiu, bruk praong lac gah pandap brah, kaya ikan dalam ia, pandap ka athuar …di ban sit Cần Thơ saong dom tỉnh tabhia ye : An Giang, Kiên Giang, Đồng Tháp.

Patui di ini dom khau tin dunya:

8/ Taduan panuac daa di Tổng thống Cộng hòa Phi-líp-pin Ben-níc-nô A-ki-nô III, akaok negar Cộng hòa Xã hội chủ nghĩa Việt Nam Trương Tấn Sang saong diuk di ong hu mbaok tame nyaom meyai dom urang dang akaok diễn đàn pambuak bruk kinh tế châu á thái bình dương mbang ka 23 hu peih tabiak di Ma-ni-la, Phi-líp-pin meng harei 17 tal harei 19/11/2015.

9# Rajaei cánh tả di thủ tướng Hi Lạp A-lếch-xis Xi-prat (Alexis Tsipras) harei 12-11 njauk dang anak sa bruk tổng đình công akaok meti phản đối dom bruk kakak trun takik chi tiêu. Bruk đình công dui atah 24 tuk mesruh veik bruk tagok thuế saong iek veik jien lương hưu, ngak ka rilo dịch vụ công kareik bambang, dom bruk nao mai di jalan par ahaok, radaih apui gaok kan kandah. Tui liên đoàn Hi Lạp, bruk đình công ini piah phản đối dom bruk thắt lưng buộc bụng di rajaei, ngak kan kandah khang tal raidiuk di bhapbini.

10/ Ia kakua kapal hu ngak ka bruk nao mai angaok dom jalan cao tốc saong phà di dom ban gah tamur TQ oh nao mai hu dalam 2 harei. Jabat khí tượng puk palei harei 12/11 brei thau, ia kakua ngak ka meta maong di ban Truy Bác tỉnh Sơn Đông, gah timur Trung Quốc, trun ala 200 m. Bruk ia kakua kapal pacap karja ban njauk kreik pabah mbang ralo jalan cao tốc, ngak yaok rituh radaih gar di dom labik thu phí./.