1# Harei kabroi 5/6, Thủ tướng rajaei Nguyễn Xuân Phúc hu nao tal labik bala kram kapal di kraong Hàn, tỉnh Đà Nẵng. Thủ tướng pok meyaom dom kapul pataom tame daong, kham merat abih hatai drei di melam sup daong dom urang njauk bala; Taphia nan, pandar duah thau, khởi tố vụ án, langyah khang dom urang hu pambuak tal. Thủ tướng Nguyễn Xuân Phúc tacei lac :  Kapal di ban sit oh brei nao min duak nao, pajeng 56 urang, rilo jang 28 urang ba tal khat lik trak. Anak bruk ini ban sit Đà Nẵng hu tacei pato biak catang, drak samal anak tính mạng di bhapbini. Duah thau, khởi tố vụ án, langyah catang, njauk adat hukum piah răn đe dom bruk ngak suan hukum. Jalan ia jeng lac pren khang di Việt Nam, meyah kol drei oh hu bruk ngak siam ka tuai damuai atah jaik, ka bhapbini lac jhui nao jalan ia)

2/ Mesup kabroi 5/6, jaik 500 urang jakar, bộ đội biên phòng tỉnh Phú yên, kapul urang kamei, thành đoàn Tuy Hòa saong urang jakar, gru pato, sinh viên sang bac đại học Phú Yên hu mbaok tame pachreih tui harei môi trường dunya saong “adit tasik saong pulao VN 2016” kayua bộ chỉ huy  bộ đội biên phòng tỉnh saong sang bac đại học Phú yên pambuak bruk peih tabiak. Hadei di tuk peih bruk, urang jakar, chiến sĩ biên phòng gam saong gru pato, sinh viên sang bac đại học Phú yên hu dul nerak saong pataom mek nerak di takai tasik Tuy Hòa.

3# Yaok thun, Việt Nam hu yaok triệu uranaih saong urang kumei hu pandar dom janih vắcxin di danakdak klauk caga pambak praong. Dom uranaih ala sa thun hu klauk caga meng thun 2015 tal harei ini hu labaih 97 %; labaih 20 triệu uranaih meng 1 tal 14 thun hu klauk vắcxin sởi – rubella. Danakdak klauk caga pambak praong rik daong ngak trun 15% dom uranaih ala 5 thun metai. 

4/ Di miuyim HCM – dhar ban raya HCM (daok ieu lac miuyim Bến Nhà Rồng), melam 5/6 hu rah tabiak danak dak daoh tamia salam uan 105 thun harei Wa hồ tabiak nao duah jalan daong ka taneh ia. Danak dak hu angan “hadah miat angan HCM”. Hu mbaok tame danak dak, saai Phạm Văn Sang daok di phường đoàn phường 1, quận 10 lac: “Hu mbaok tame danak dak harei ini, adei biak uan tabuan. Ini lac labik biak praong ngan saong kol drei. Ini lac labik wa tabiak nao duah jalan daong ka taneh ia 105 thun dahlau, adei kham merat bac daa saong ngak bruk piah dak padang taneh ia njauk saong pren yava di dom rai rah ong muk drei”.

5# Tỉnh Tiền Giang urak ini hu labaih 1.200 kapl gilai taong cap kaya ikan dalam ia di angaok tasik. Piah ba mbuan lagaih ka urang ngak ikan taong cap hu kein laba, tỉnh ini hu patabiak dom Quyết định phê duyệt brei ngak barau 41 kapal ikan tui Nghị định 167 di rajaei; ramik pasiam 37 gilai kapal karei; taphia nan, daong jien mesraiy lưu động saong daong blei bảo hiểm gilai kapal saong urang nao kapal gilai ka jaik 600 sruh kapal gilai... 

6/ Piah pasang iek bruk gaok bala, thương tích uranaih, abih di nyu nan lac bala mblung ia saong bala angaok jalan mbak, meng ini tal thun 2020, tỉnh Hậu Giang hu padang 1000 baoh sang hu uranaih mek hu tanut baoh sang an toàn pacang cakak bala, thương tích ka uranaih. Tỉnh hu padang ngak 40 sang bac mek hu tanut chuẩn sang bac an toàn; 10 xã, phường, ban sit mek hu tanut chuẩn cộng đồng an toàn.

Khaw tin dunya

7# Gam saong urang Islam di dunya, harei ini 6/6, yaok pluh triệu urang Islam di rilo taneh ia bhum Trung Đông tame bilan Ramadan, adat praong saong dui atah abih dalam thun di urang Islam. Di dom taneh ia Ai Cập, A rập Xê-út, dom tiểu vương quốc A rập thống nhất, I-rắc, Xu-đăng, Ca-ta…, jeng khan brei thau harei ini lac harei akaok mereip di bilan Ramadan.

6/ Piah pasang iek bruk gaok bala, thương tích uranaih, abih di nyu nan lac bala mblung ia saong bala angaok jalan mbak, meng ini tal thun 2020, tỉnh Hậu Giang hu padang 1000 baoh sang hu uranaih mek hu tanut baoh sang an toàn pacang cakak bala, thương tích ka uranaih. Tỉnh hu padang ngak 40 sang bac mek hu tanut chuẩn sang bac an toàn; 10 xã, phường, ban sit mek hu tanut chuẩn cộng đồng an toàn.

9# Dom urang tị nạn Xyri daok di trại tị nạn Da-ta-ri (Zaatari) di Giooc-đa-ni daok blei, caik piah pandap mbang, menyum kuhria caga raok 1 bilan  Ramadan tra atah di sang. Trại Da-ta-ri atah di negar Giooc-đa-ni 15 kilômet, hu 85 rabau urang Xyri daok tị nạn.