1# Bair harei kabroi 6/6, di jabat Chủ tịch, akaok taneh ia Trần Đại Quang taduan raok akaok mintri Quốc phòng Pháp Giăn-i-vờ Lơ Đờ-ri-an saong akaok  Mintri Quốc phòng Ấn Độ Mô-nô-ha Pa-ri-ca  daok hu mbang ravang saong ngak bruk di Việt Nam. Di var raok, akaok taneh ia caong khin mintri Quốc phòng dua taneh ia jhul khang jang talei pambuak bruk di dua mintri quốc phòng, ba talei pambuak bruk dua taneh ia jeng hình mẫu di talei pambuak bruk Đối tác Chiến lược . 

2/ Dalam xã Thanh Lương, huyện Văn Chấn, tỉnh Yên Bái barau hu ribuk khang saong hajan praong ngak khat lahik trak ka menuac urang saong sang danaok di bhap bini. Hadei di tuk rah tabiak hajan ribuk, huyện Văn Chấn saong xã Thanh Lương hu pataom lực lượng daong bhap bini ba menuac njauk rambuah nao cấp cứu saong samar pasiam veik khat lahik. Ong  Hà Văn Đoàn, akaok Uỷ ban bhap bini xã Thanh Lương, huyện Văn Chấn, tỉnh Yên Bái brei thau: “40 thun ye oh gaok bruk yau ini. Hu baoh sang par abih tabung, hu baoh sang tayah meng 30 tal 40%. Daok 2 baoh sang jaleih abih ye huyện Văn Chấn daong yaok baoh sang 6 triệu đồng, 2 urang njauk rambuah huyện daong 1,5 triệu đồng.

3# Pambuak tal bruk kram kapal Thảo Vân 2 di kraong Hàn, pagaiy harei (6/6) Uỷ ban bhapbini ban sit Đà Nẵng hu nyaom saong brei padeih bruk ngak di ông Lê Sáu, akaok Cảng vụ Đường thủy Nội địa, Sở Giao thông- Vận tải ban sit Đà Nẵng. Dalam mbang nyaom, ông Lê Sáu, Giám đốc Cảng vụ Đường Thủy nội địa taduan trách nhiệm caik rah tabiak bruk pandik harao ngak ka 3 urang metai. Ông Lê Sáu ndom lac :“Urak ini njauk cang min, taduan mek trach nhiem min. Mboh anek menuac metai lihik, sang dom urang nan pandik harao yau nan drei pandik hatai rilo. Padheih bruk ngak piah duah thau cambaih.

4/ Pahadar 75 thun harei kapul urang taha umo VN (6/6/1941- 6/6/2016), tỉnh Phú Yên peih ralo bruk daoh tamia, taom gaok,ndom biai nao mai, mừng thọ, pachreih dom ong muk diuk rai sambai, kajap pren yava, patagok bruk “umo taha camin hadah” dalam bhap bini. Tapa nan, tỉnh Phú yên hu labaih 890 ong muk umo 90 thun, 95 ong muk umo 100 thun saong 250 ong muk labaih 100 thun taduan hu bằng tadhau yuh umo saong pandap di UB bhap bini tỉnh.

5# Ramưwan lac rija praong di urang Cam Awar. Di dom palei Cam dalam tỉnh Ninh Thuận, yaom lac pandiak bhang dui atah ngak kan kandah trak tal pala drak saong bruk ngak mbang ngak huak, min bruk raok harei mbang mukkei di bhapbini Cam di ini biak bui sambai, trei sir. Urang Cam awar Ninh Thuận mbang mukkei akaok mereip meng nao gur. Hadei meng nao gur blaoh, mikva mai sang piah ieu yang da-a mukkei. Dalam bilan mbang mukkei, urang  Cham Bani khik rup drei hacih piah likuh likau sa thun barau pren yava khang kajap, ngak mbang ginup meda.

6/ Harei kabroi 6/6, akaok UB bhap bini tỉnh Bình Thuận hu harak pandar dom jabat pambuak bruk di puk palei peih ngak siam dom jalan ngak piah pacang cakak bruk ikan raong bè metai di bhum tasik xã Vĩnh Tân, huyện Tuy Phong. Piah oh rah tabiak bruk yau nan, akaok UB bhap bini tỉnh Bình Thuận jao ka sở ngak nông saong patagok palei pala ngak brei cambaih laih, brei thau makna; tui iek bruk ikan raong bè di ini, dak padang saong patabiak jalan pacang cakak bruk iken metai. 

7# Dom bilan tapa, kayua độ mbak tagok glaong di dom kraong, rilo sang beir tỉnh Vĩnh Long mek ia pruh ka phun, ngak ka yaok ratuh hécta taneh pala durieng dalam tukvak paik baok njaom mbak. Urang nong pataom tame pasang iek, pandar rilo bruk piah caga. Min, kayua phun truic abih hala, dak harei dak metai. Dom phun daok veik tabiak baok takik chất luong, nang suat, ngak ka po beir lihik yaok ratuh tỉ đồng.

Patui di ini dom khau tin dunya:

8/ Urang vak di rayo sap ndom VN daok di CPC brei thau: harei kabroi 6/6, cộng hòa dân chủ Timor Leste peih đại sứ quán di taneh ia CPC, ngak salah bloh bruk peih đại sứ quán di taong abih dom taneh ia dalam ASEAN.

9# Bair harei kabroi 6/6,  rah tabiak  2 mbang plaik mbom di tỉnh Pát-tan-ni, gah meraong Thái Lan.  Kol khủng bố nyu ngak patuh bom tự chế di gilang tapuk, sa tòa sang văn phòng. Biak patoah jamo, dua mbang patuh oh ngak metai menuac, min ngak ka bhapbini duh hatai.

 10/ Harei kabroi 6/6, urang ngak praong Prang panduan 1.850 urang nhập cư daok dalam dom lều tạm di sa mblang bein di ban ine Pari kayua labik ini xuống cấp khang meng mbang hajan praong dalam luac bilan 5./.