1/ Bộ đội Biên phòng cảng Cửa Việt, tỉnh Quảng Trị bahrau dong hu 4 urang tong ikan kram kapan di angaok tasik tame gah hu siam mekre. Dahlau di nan, harei 7/10 kapan ikan QT 15735 TS di ong Nguyễn Thanh Liêm, 58 thun, dok di xã Triệu Độ, huyện Triệu Phong, tỉnh Quảng Trị metai jamriak, kapan theik song kram atah di boh taneh labaih 1,5 hải lý. Tuk nan di angaok kapan hu 4 urang. Taduan hu panuac khan, Bộ đội Biên phòng Cửa Việt pambuak bruk song gah kiểm ngư  tỉnh Quảng Trị ba 15 urang jarka, urang lin tabiak dong.

2/ Harei 8/10, tỉnh Phú yên peih nyaom meyai pataom iek veik bruk peih ngak sarak daong ka urang hu buh pren yava ka cách mạng di tỉnh dalam 2 thun 2014 – 2015. Hu 112 xã, phường, ban sit hu ngak salah bloh bruk ini. Brei panuac di nyaom meyai, phaok akaok UB bhap bini tỉnh Phú yên brei thau, tapa mbang pataom iek veik hu thau lac urang hu buh pren yava daok mbang tui sarak ưu đãi sugn tok di meblah 0,01%. Bruk ini brei mboh cambaih bruk sangka di Đảng bộ, karja palei saong bhap bini tal bruk “Bayar thar phon”

3/ Harei Kate thun 2015 di urang Chăm Ahier tại Ninh Thuận hu rah tabiak di dom bimong kalan dalam harei 12/10 tui saka ia hare, lac harei 1/7 tui saka Cam. Thun ni bruk uan raok Kate hu chreih chrai jang kayua bhap bini njauk padai, njauk njam patam, danak dak padang ngak palei pala bahrau di dom puk palei dak harei dak siam. Jeng dalam mbang ni tỉnh Ninh Thuận hu nao rivang tangi sua dom ong cei, ong mem, boh sang dalam sarak karja song boh sang hadah krah, kham merat hu mbok tame bruk XH song patui ngak siam bruk pakacah gauk anit ranam taneh ia di puk palei

4/ Ngak tui sarak 1 di hội đồng bhap bini ban raya HCM, meng thun bac 2014 – 2015, sở pato megru ban raya hu peih ngak iek bruk taduan khik uranaih umo meng 6 tal 18 bilan di 13 sang bac mầm non daok dalam 8 quận, huyện di ban raya. Tal urak ini, hu 715 uranaih umo meng 6 tal 18 bilan hu taduan tame bac tui danak dak ini. Oh lac hu daong gah cơ sở vật chất, dom sang bac peih ngak iek daok hu daong pato pakai gah bruk ngak.  Jien bilan di gru pato, urang khik iek uranaih ini jeng hu daong pabak meng 25 tal 70%. Thun bac 2015 – 2016, ban raya HCM daok peih ngak iek bruk ini. Bruk taduan khik uranaih umo meng 6 tal 18 bilan di ban raya hadei di sa thun ngak iek hu tani tanat saong mek hu ralo siam lagaih. 

5/ Jit ruak pandiak tabiak darah  daok tagok glong di tỉnh Khánh hòa. Urak ni tỉnh hu jiak 3 ribau urang ruak. Hu rilo urang tapa biến chứng trak, sa urang metai. Ban sit Nha Trang lac sa labik hu urang ruak pandiak tabiak radah glong di abih dalam tỉnh Khánh Hòa, hu 830 urang ruak. Dalam tuk nan, hu rilo urang oh sangka tal jit ruak. Tỉnh Khánh Hòa hu peih ngak rilo jalan pacang caga. Tui nan, gah y tế pambuak bruk song karja puk palei peih bruk pruh jrudong ka urang thau jalan pacang caga jit ruak.

6/ Pasak y tế Dự phòng tỉnh Đắc Lắc brei thau, anak bruk kan kandah di ruak pandiak tabiak drah, tỉnh Đắc Lắc kham merat peih dom jalan ngak piah pacang cakak ruak. Tui nan, mban tacei jalan pacang cakak ruak pandiak tabiak drah hu padang meng tỉnh tal dom huyện, ban sit. Tỉnh hu pandar dom mban, ngành, kapul nyaom tame bruk, pambuak saong gah y tế jhul pakhang bruk pathau khan tal yaok baoh sang jalan pacang cakak ruak pandiak tabiak drah yau pahacih môi trường, pametai lăng quăng… Urak ini taong abih dom sruh jit ruak pandiak tabiak drah di dalam tỉnh hu pruh jru pametai, dalam nan hu ralo sruh hu pruh mbang 2.

7/ Tỉnh Tiền Giang urak ni hu labaih 4000 phun thanh long thương phẩm. Tuk vak jiak di ni, piah ka phun tabiak boh jhung bilan, mek hu năng suất song pablei hu yaom glong, po bein pandar điện piah pasang tame tuk melam, pachreih phun tabiak bingu tui hatai khi. Bruk njauk menyai nan lac urang eng drei pambuak talei điện tame bein thanh long oh njauk jalan an toàn kỹ thuật điện. Rilo talei điện laik trun jalan mbak atau gam tame phun kayau, mbuan ba tal metai lihik.

Patui di ini dom khau tin dunya:

8/ Harei kabroi 8/10, di ban ine Viêng Chăn, Đại sứ quán VN daok di Lào hu peih bruk alin hadiah paok jien bac di rajaei VN brei ka anek kamuan urang Việt daok di Lào thun 2015. Ini lac bruk sangka di Đảng rajaei saong bhap bini dua taneh ia brei ka anek kamuan urang Việt daok di negar Lào.

9/ Harei kabroi 8/10 dalam mbang họp Báo bilan 10, anak bruk duh hatai di urang Việt Nam kan kathaot dok di Biển Hồ di negar Campuchia oh hu labik dok bahrau tuk panduan tabiak truh labik karei. Urang brei panuac di Mintri Ngoại giao Lê Hải Bình brei thau, gah VN hu pambuak bruk song dom jabat di CPC piah hu duah dom jalan dong ka dom boh sang ni.

 10/ Tập đoàn ngak ô-tô Vôn-oa-gen di Đức barau pok panuac likeu ma-ah tuai HQ ka bruk bê bối bleik saleik phát thải, saong hu panuac sanya ngak abih jalan, dalam nan hu bruk pataom mek veik radaih piah mek veik hatai jia di tuai damuai. Dahlau di nan, mintri môi trường HQ hu peih bruk pasang iek tanut phát thải ngan saong ralo radaih Vôn-oa-gen daok hu pablei di taneh ia ini, dalam nan hu mẫu radaih Golf, Audi A3 saong Jetta./.