Pamong tal pahadar 70 thun harei padang bol bala bhap bini VN, 25 thun harei quốc phòng toàn dân (22/12/1944- 22/12/2014), meng harei ni danak dak papar sap Chăm di rayo sap ndom VN likau payua tal mik va song tong abih gauk kadha “Bol bala anh hùng, ilamu hadah hadai” Peih akaok danak dak nan lac kadha vak ka bruk tabiak rai di bol bala VN  tuyên truyền giải phóng quân- Bol lin akaok meti khang kajap mbang akaok meti di bol bala bhap bini VN. Daa mik va song tong abih gauk tui pang. ( nền nhạc hát mãi khúc quân hành).

Meng di tuk tabiak rai (03/02/1930), Đảng drei hu thau cambaih học thuyết Mác - Lê nin ka bruk bạo lực cách mạng di giai cấp vô sản. Cương lĩnh Chính trị akaok meti di Đảng hu brei mboh jalan mesruh metak peih paha ka giai cấp, peih paha ka bangsa lac mek bạo lực cách mạng piah hu karja song hu panuac ieu brei peih tabiak lực lượng vũ trang piah ngak nòng cốt ka tong abih bhap bini peih bruk đấu tranh cách mạng. Harei 22 bilan 12 thun 1944, di labik glai  dua palei Hoàng Hoa Thám song Trần Hưng Đạo di châu Nguyên Bình, tỉnh Cao Bằng (urak ni lac Nà Sang, xã Tam Kim, huyện Nguyên Bình, tỉnh Cao Bằng), Kapul Việt Nam tuyên truyền giải phóng quân hu padang tagok tui Chỉ thị di Lãnh tụ Hồ Chí Minh. Dalam chỉ thị Gait  tacei lac : “Angan kapul Việt Nam tuyên truyền giải phóng quân, makna lac chính trị prong glong jang quân sự. “Kapul Việt Nam tuyên truyền giải phóng quân lac kapul sa-ai, cong khin ka nyu samar hu  dom kapul adei”; Min tuk camereip nyu dok sit, song jalan ngak di nyu biak hadah hadai. Nyu lac khởi điểm di giải phóng quân, nyu meda nao luac meng gah merong tal gah barak, grauk labik dalam taneh ia VN”. Bilan 4 thun 1945, nyom biai quân sự cách mạng Bắc Kỳ di Đảng brei pataom dom kapul vũ trang dalam negar (nan lac Đội Việt Nam tuyên truyền giải phóng quân, Cứu quốc quân song dom kapul  vũ trang karei), padang VN giải phóng quân. Cách mạng bilan 8 thun 1945 jak jeng Việt Nam giải phóng quân hu salih angan jeng Vệ quốc đoàn, bloh Bol bala negar Việt Nam (thun 1946), tal thun 1950 salih angan lac Bol bala bhap bini Việt Nam. Harei 22-12- 1944 hu mek ngak harei padang  Bol bala bhap bini  Việt Nam.

Patui danak dak, daa mikva saong taong abih gauk pang khau tin dalam taneh ia saong dunya:

2/ Tui kuhria mboh di pasak khí tượng thủy văn TƯ, ribuk Hagupít meda tuh mai Nam Trung bộ saong Nam Bộ. Jalan nao di ribuk Hagupít meda yau ribuk Durain thun 2006, oh tuh tame Nam Trung bộ bo nduac tui takai tasik nam bộ bloh nao dalam dalam đất liền, ngak khat lahik trak ka dom tỉnh bhum taneran kraong Cửu Long.

3/ Harei kabroi bộ đội biên phòng dom tỉnh, ban sit Đà Nẵng tal KG hu panuac khan ka 45.430 kapan gaiy dok ngak bruk di angaok tasik bruk rah tabiak di ribuk piah samar blaih nyaih. Bruk njauk caik hatai nan lac 300 kapan gaiy dok di kreik song gah nam tasik dok samar paduan ba tabiak truh labik kan kandah.

4/ Tal urak ini, taoang abih dom doanh nghiệp pajeng ba tuai damuai tui tuyến cố định tut angan tame nduac dalam tỉnh Lai Châu jeng hu patrun yaom cước pajeng ba, ngan saong yaom meng 5 tal 9%. Ini lac mbang patrun yaom cước akaok meti di dom doanh nghiệp pajeng ba dalam tỉnh Lai Châu hadei di 10  mbang yaom xăng menyek trun gam gam meng akaok thun tal ini.

5/ Tỉnh Quảng Trị dok samar padang dom hạng mục hạ tầng pabak ka bruk “sa pambah mbang sa mbang padeih ”  di jalan tapen negar  Lao Bảo (Việt Nam)- Đen-sa-vẳn (Lào) tui jalan ba tabiak. Tui nan, dom đơn vị dok ngak salah bloh sang liên hợp piah neh pabha tui iek ka bruk pajeng ba song tuia damuai.

6/ Tỉnh Đắc Lắc daok dang anak bruk mbuan njauk pandiak bhang khang dalam vụ đông – xuân jaik tal, kayua dom danao đập thủy lợi oh hu ginup ia brei ka bruk pala drak. Ong Trang Quang Thành, giám đốc sở ngak nông saong patagok palei pala tỉnh Đắc lắc brei thau:

“Kol dahlak hu khan brei ka dom huyện ka lịch thời vụ, kế hoạch taneh pala drak saong jeng khan brei ka bhap bini dom labik kurang ia ye oh trun pajaih, Ka dua nan lac bruk điều tiết ia dalam dom danao thủy lợi, ye urak ini kol dahlak hu phân cấp saong jao ka công ty khik iek khai thác công trình thủy lợi khik iek taong abih dom danao. Ka klau nan lac patagok bruk jak ba bhap bini brei pruh patak pataom, yaom lac dalam ralo jalan ngak ye siam di abih brei patak pataom ia”.

7/ Harei 9/12 giải pakacah radeih juak “Xuyên Việt – 2014, Cúp Quốc phòng Việt Nam”  hu yam tame mbang pakacah ka 6. Ni lac mbang pakacah brei mboh rilo kan kandah hu gah chuyên môn dự đoán meda hu rilo salih bahrau ka thứ hạng di dom VĐV song xếp hạng di dom kapul. Chăng 6 xuất phát meng ban sit ĐN labik mai tal lac ban sit Huế hu atah 105 km, dom tay đua yam tapa 3 ceik Hải Vân, Phú Gia, Phước Tượng. 

Patui di ini dom khau tin dunya:

8/ Harei ini, jabat ngak bruk QH Lào hu peih mbang pasram megru “paglaong ilamu langyah sarak ngan saong dự thảo hukum”. Hu mbaok di urang dang akaok QH Lào, lambaok dom gah chức năng di jabat QH 2 taneh ia Lào – VN. Taphia di nan peih ngak biên bản pambuak bruk di jabat QH 2 taneh ia VN – Lào dalam bruk trao đổi thông tin, ilamu hong gauk.

9/ Dua negar Cộng hòa bhap bini  hu ieu lac Đô-nhét-xcơ (Donetsk) song Lu-han-xcơ (Luhansk) bahrau hu panuac ieu Nga padeih brei than đá ka Ucraina piah karja Ucraina blei than đá meng labik Đôn-bát (Donbass), gah pai negar ni. Ni lac bruk njauk ngak, piah ka rajaei Ucraina tah klak bruk phong tỏa kinh tế ka gah pai, blei than đá song bayar jien ka urang di labik ni.

10/ Urang ngak praong TQ brei thau, hu 5 anek saih metai hadei di tuk daning di sa sang bac di tỉnh An Huy, gah timur taneh ia ini jaleih. Bruk ini rah tabiak di harei kabroi di sang bac tư thục Đông Nhân, huyện Hương Sơn, tỉnh An Huy. Hadei di tuk bala rah tabiak, gah cứu hộ hu duah mboh medit 5 anek saih kamei njauk gar dalam kiak. Bruk ini daok hu duah thau, ngak cambaih laih./.