# Di HN, phaok Thủ tướng Vũ Đức Đam, akaok Ủy ban pakat negar pacang cakak AIDS saong pacang cakak tệ nạn mại dâm, ma túy dang akaok mbang taom gaok yaok thun ngan saong lambaok dom đại sứ quán, kapul nyom dunya, urang daong ka bruk pacang cakak AIDS, ma túy, mại dâm di VN tuk tame thun barau 2015. 

# Harei kabroi 9/12 di ban ine Viêng chăn (Vientiane), Viện Hàn lâm Khoa học xã hội Việt Nam hu peih bruk jao pasak Gilang tapuk tư liệu song sang ngak bruk di viện khoa học XH negar Lào bre ka Lào. Mai pataom mbaok, hu ong Nguyễn Xuân Phúc, Ủy viên mintri chính trị, Phó Thủ tướng rajaei, akaok dhar kapul pambuak bruk Việt Nam- Lào song rilo urang dang akaok rilo mintri rilo gah di VN song Lào.  

# Di ban sit Bắc Giang hu rah tabiak mbang mbaoh tangin tame harak pambuak bruk ngak bangsa di mban bangsa 5 tỉnh bhum ceik gah brak nan lac Cao Bằng, Lạng Sơn, Bắc Kạn, Thái Nguyên saong Bắc Giang. Tui nan, dom asal pambuak bruk piah paglaong kein lagaih bruk ngak bangsa di dom tỉnh nan lac bhian klah rabha ilamu dalam peih ngak bruk khik iek di karja ka bruk bangsa, daong tani tanat rai diuk ka bhap bini bangsa takik bhum biak kan kandah, bhum atah bayah.

# Kapul pasang iek di mban tacei jalan đề án 258 Trung ương hu var ngak bruk song tỉnh Sóc Trăng ka bruk peih ngak đề án “salih bahrau song paglaong siam lagaih bruk giam định tư pháp” dalam tỉnh. Kapul pasang iek ndom lac: Sóc Trăng lac labik hu rilo urang bangsa Khmer, tỉnh brei caik hatai sangka tal bruk brei hu urang giám định lac urang bangsa takik piah bruk giám định di bhum urang bangsa takik hu peih ngak mbuan lagaih jang.

# Di tỉnh Bình Phước, Thượng tướng Ngô Xuân Lịch – Bí thư Trương ương Đảng, chủ nhiệm tổng cục chính trị gam saong kapul ngak bruk di mintri PQ hu nao rivang saong alin hadiah 20 paok pandap, yaok paok yaom sa triệu đồng ka dom baoh sang sarak karja, baoh sang gaok kan kandah di ban sit Đồng Xoài, taphia di nan alin hadiah 10 sruh radaih juak, yaok sruh yaom 2 triệu meteh ka dom anek saih kan kathaot yam tapa kan kandah bac naih joi. 

# Muinyim tapon nyom bol pan phao kraong bhap bini gah Đông Nam bộ di quân khu 7 hu peih parang iek “Hadah miat hatai siam urang lin Wa Hồ * 70 thun yam tagok ala quân kỳ” pahadar 70 thun padang bol bala bhap bini VN. Meng 107 pandap tamo, 170 thaot binguk, 7 bản trích bản đồ song rilo tư liệu, pasang iek hu rik dong pato pakai ka rai rah dam dara ka ilamu hadah hadai di bol bala bhap bini Vn anh hùng. Parang iek hu dui atah tal harei 9/3 thun hadei.

Patui di ini dom khau tin dunya:

# Dalam tuk rah tabiak nyaom meyai pakat glaong dom taneh ia Tiểu vùng kraong Mê-Công (ieulac GMS) hu peih tabiak di ban ine Băng Cốc (Thái Lan) di harei 19 saong harei 20 bilan 12 tal, Thủ tướng Thái Lan Pra-dút saong Thủ tướng Trung Quốc Lý Khắc Cường hu mbaok mbaoh tangin tame harak hadar kanal ka thỏa thuận pambuak bruk padang ngak jalan radaih pui di mintri ngoại giao TL saong UB patagok saong cải cách negar TQ. Rajaei TQ hu daong ka TL padang ngak 2 jalan radaih pui dua chiều, dalam nan TQ hu brei TL mesraiy phun jien padang ngak jalan radaih pui. Tui kuhria hu peih ngak dua jalan radaih pui ini di akaok thun 2016.

# Mỹ brei padeih blei tame menuk ada duik meng tỉnh tỉnh Bri-tít Cô-lăm-bia (Canađa) kayua labik ni rah tabiak jit kum menuk ada. Bruk brei padeih blei nan hu ba tabiak hadei di tuk Canađa mboh lac virút H5N2 nan lac chủng virút khang hu mboh di dom trang trại dalam tỉnh Bri-tít Cô-lăm-bia. Sa urang dang akaok gah thú y Canađa jeng brei thau Mỹ patrun bruk blei tame menuk ada, boh, rilaow menuk da meng tỉnh Bri-tít Cô-lăm-bia./.

# Raong pala kaya ikan nan lac kadha praong dalam bruk mesruh pacang eik lipa kan kathaot angaok dunya. Ini lac panuac ndom kayua akaok hội đồng akaok mintri mạng lưới raong pala kaya ikan châu Mỹ Ê-đu-ác-đô Lô-pết ba tabiak dalam mbang nyaom ka 2 di mạng lưới raong pala kaya ikan châu Mỹ rah tabiak di Paraguay. Ông Lopes ndom lac “tukvak anak tal di bruk mesruh pacang  eik lipa kan kathaot pagam pambak tame bruk raong pala kaya ikan”./.