# Harei kabroi, di HN, akaok mintri – chủ nhiệm UB bangsa Giàng Seo Phử hu mbaoh tangin tame thông tư patabiak hệ thống chỉ tiêu thống kê bruk ngak bangsa. Hệ thống nan hu 119 chỉ tiêu di 16 nyaom yau: menuac sia, urang ngak, bruk ngak.

# Urak ni, bruk pasiam veik, khik ramik dom rija meng kan dok hu tỉnh Điện Biên iek prong dalam bruk khik ramik ilamu, patagok talei jum pataom dom bangsa. Urak ni, tỉnh dok ngak ka nyu salah bloh 3 hồ sơ ilamu inem krung phi vật thể piah pok likau Mintri ilamu thể thao du lịch ba tame angan inem krung ilamu phi vật thể pakat negar.

# Melam 10/12, di Phan Thiết hu hajan khang. Di pabah tasik Phan Thiết, dom kapal gaiy gilai taong cap kaya ikan daok mai duah labik pataok piah nyaih ribuk. Jaik 2.200 urang ngak daok dalam dom lồng bè hu khan brei thau panduan nao dahlau di tuk hu ribuk.

# Piah pacang caga hajan ia sua kayua ribuk Hagupit, Công ty Thủy lợi Dầu Tiếng - Phước Hòa hu peih tathuak ia song lưu lượng 200m³/s. Công ty hu panuac caong mban tacei jalan pacang caga ribuk ia suadom tỉnh Tây Ninh, Bình Dương, Long An, ban raya Hồ Chí Minh samar caga piah patrun patakik bruk metai lihik menuac urang song drap ar di bhap bini dalam bhum njauk bala.

# UB jum pataom công giáo ban sit Cần Thơ barau peih nyaom roya lambaok urang công giáo VN dak padang saong khik caga taneh ia palei negar ban sit Cần Thơ mbang ka VI, tukvak 2014 – 2019. Tukvak tapa, dom giáo xứ, urang Công giáo hu daong labaih 7 tỷ meteh ka bruk pachreih bac, pachreih megru; peih pasak bac megru cộng đồng, pato bruk ngak ka jaik 1000 urang; padang ngak jaik 400 baoh sang anit ranam.

# Công an ban raya Hồ Chí Minh brei thau, meda abih kapul di drei tabiak piah khik an ninh trận tự, pacang pakacah radaih, pataom gauk ngak srau kadau dahlau song hadei di mbang dit bán kết AFF Suzuki Cup 2014 di kapul VN song kapul Malaixia rah tabiak di melam ni.

Patui di ini dom khau tin dunya:

# Nyaom darak pasar pahala dunya Ban-za hu jeng lễ hội meng kan, lac bruk ngak yaok thun di bhap bini urang negar langiu saong ngoại giao đoàn hu peih tabiak di ban ine Xô-phi-a, Bun-ga-ri. Langiu bruk ngak lac padang kadung jien ngak pahala, nyaom darak pasar Ban-za daok lac tuk piah yaih khan ka taneh ia, anek menuac, pandap thủ công mỹ nghệ saong ilamu mbang huak di yaok taneh ia.

# Thủ tướng Ôxtrâylia Tô-ni A-bót (Tony Abbott) harei kabroi  (10/12) hu panuac lac, rajaei negar ni sinya buh tabiak 165 triệu đô-la Mỹ brei ka Quỹ khí hậu xanh (GCF) di Liên hợp quốc piah dong ka dom negar kan kathaot pacang cakak biến đổi khí hậu.  Thủ tướng Tô-ni A-bót hu panuac ieu dom negar brei hu dom bruk ngak tantu cambaih laih song kein lagaih piah pacang cakak biến đổi khí hậu dalam tuk vak dok khik patagok KT./. 

# Thei jeng thau, ndih tuk halei jeng lac siam ka pren yava. Sa ruah duah kayua dom urang ilamu Mỹ di sang bac Đại học Bin-ham-tơn hu brei mboh ka bruk nan, taphia di nan daok brei thau gilac dom urang nao ndih aval bhian hu pren yava akaok sahneng siam jang, takik saneng tal dom bruk oh siam, takik mboh duh hatai./.