# Thủ tướng rajaei barau mbaoh tangin tame kế hoạch peih ngak đề án salih barau bruk cai nghiện ma túy di VN tal thun 2020. Bruk patabiak kế hoạch ini piah peih ngak taong abih bruk, njauk tukvak, hu chất lượng saong kein laba dom asal đề án salih barau bruk cai nghiện ma túy di VN tal thun 2020 (đề án 2596) hu ba tabiak. 

# Harei kabroi, di jabat ngak bruk rajaei, UV mintri chính trị, Phó thủ tướng Nguyễn Xuân Phúc hu taom mbaok 50 lambaok urang hu buh pren yava ka cách mạng ban sit Cần Thơ, dalam nan hu 6 urang amaik VN anh hùng, ralo urang nan lac thương bệnh binh, urang njom jru mek klih kruoc.   

# Akaok mintri ngak nông saong patagok palei pala Cao Đức Phát hu ngak bruk saong tỉnh Ninh Thuận dalam mbang nao ngak bruk pacang cakak ribuk ka 5 di bhum Nam Trung bộ. Tui harak pathau khan di mban tacei jalan pacang cakak bala meng langik tasik saong ruah duah urang njauk bala tỉnh Ninh Thuận, ralo kapal gaiy gilai di tỉnh Ninh Thuận hu pambauk bruk saong gah chức năng, mai pataok di labik siam mekre, salamat.

# Pahadar 70 thun harei padang bol bala bhap bini VN, harei kabroi, di Đà Nẵng, Bộ tư lệnh bhum 3 hải quân peih bruk taom mbaok “quân dân một ý chí”. Thun ini, dalam bhum hu meng 40 tal 50 mbang kapal, kho, balai mek hu angan “khik siam, pandar kajap”. Meng dom bruk ngak hu ini, thun 2014, bhum 3 hải quân hu đề nghị akaok negar pok brei huân chương khik caga taneh ia hạng sa.     

# Melam bloh, sang ilamu thanh thiếu nhi tỉnh Đắc Lắc  peih pahadar 25 thun harei padang sang ilamu thanh thiếu nhi Đắc lắc (12/12/1989-12/12/2014). Sang ilamu Thanh Thiếu nhi Đắc Lắc hu ralo rik daong ka bruk đoàn saong bruk thanh thiếu nhi di tỉnh.

# harei kabroi, di ban raya HCM, BU bhap bini tỉnh lâm Đồng hu peih họp báo ka bruk lễ hội ilamu du lịch – tamat thun du lịch pakat negar 2014 – Tây Nguyên – Đà Lạt saong adit ilamu tea Lâm Đồng mbang ka 5 thun 2014 rah tabiak meng harei 23/12 tal harei 27/12 ngan saong kadha “Đà lạt sắc màu bilan brak”.

Patui di ini dom khau tin dunya:

# Thủ tướng Nhật Bản Xindô Abê harei kabroi hu panuac ieu peih bruk trưng cầu ý dân ka sarak Abenomics piah cakak klaoh bruk patrun lạm phát dui atah di NB saong jhul pakhang patagok kinh tế. panuac ini hu ong Abe ba tabiak dalam tuk đảng tự do dân chủ cầm quyền di ong daok caong hu dang akaok dalam bruk buh phiếu pilih ruah urang ka hạ viện di puac adit ini saaong ong Abe meda hu patui veik ngak thủ tướng NB sa nhiệm kỳ tra.

# Mỹ Latinh saong Caribê nan lac dom khu vực duy nhất daok dalam bruk hu ngak salah bloh bruk patrun meteh dom urang kurang mbang di thun 2015, sa dalam dom bruk patagok sa ribau thun. Dalam 20 thun tapa, dom urang kurang mbang di Mỹ Latinh-Caribê hu patrun, meng 68 triệu meteh trun daok 37 triệu urang.   

# QH Áo brei tapa hukum oh brei dom biểu tượng di karja IS saong An Kêđa. Hukum hu brei tapa jeng brei adat pasang iek tước quốc tịch Áo ngan saong dom bhap bini 2 quốc tịch meyah urang hu mbaok tame dom bruk xung đột vũ trang. Hukum jeng quy định pasang iek tabiak lệnh oh brei xuất cảnh ngan saong dom dam dara njauk medil lac duah jalan tame dom tổ chức cực đoan di Trung đông./.