1# Tame adit nyaom ka 4, mbang nyaom ka 10, Quốc hội mbang 13, pagaiy harei ini 9/11, Quốc hội nyaom abih gauk di hội trường pang pathau khan pataom iek veik, Pathau khan pasang iek bruk daok peih ngak iek chế định Thừa phát lại saong dự thảo sarak ka bruk ngak tui chế định ini. Patui di nan, Quốc hội pang pathau khan, langyah, taduan panuac, ramik veik saong ginum biai di hội trường ka dom bruk daok hu panuac karei di gauk di dự thảo hukum tạm khik, tạm kareik…

2/ Pahadar 85 thun harei padang MT bangsa yasa VN, mban thường trực UBMT negar tỉnh Phú Thọ barau peih harei Roya jum pataom di khu dân cư saong harei hukum VN di palei Hữu Bổ, xã Kinh Kệ, huyện Lâm Thao saong khu 4, xã Hương Nộn, huyện Tam Nông. Brei panuac di harei roaya jum pataom nan, phaok akaok UBTUMTnegar VN Nguyễn Văn Pha caong khin tukvak tal UBMT negar VN saong dom kapul nyaom xã Kinh Kệ brei pachreih ba bhap bini patagok pren khang bruk jum pataom, ngak siam dom bruk chính trị - kinh tế - xã hội, patagok hu labik dang praong di bruk jum patoam dalam saman bahrau.

3# Di ban sit Đà Nẵng, melam kabroi 8/11 hu rah tabiak vòng chung khảo bhum gah meraong bruk pakacah “ Gam saong Đức Việt truac hadah dom baoh patuk suboh pagaiy” kayua Nhà Xuất bản Dân Trí saong Phòng Ca nhạc Thiếu nhi di Hệ Âm nhạc Thông tin Giải trí- rayo sap ndom VN (VOV3) pambuak bruk peih tabiak. Hu mbaok tame bruk pakacah chung khảo bhum gah meraong hu 6 sang bac dalam ban sit Đà Nẵng saong tỉnh Quảng Nam. Nhà báo Vũ Quang Vinh, akaok mban peih bruk pakacah brei thau : Kol dahlak caong lac bruk pakacah ini daong ka dom adei bui sambai, chreih chrai hadei tuk bac da-a glaoh glar saong rik daong dak padang sang bac siam mekre, anek saih tari taring. Tapa nan kol drei meda duah mboh dom adei hu nang khieu piah kol drei hu jalan pambuak haong sang di adei, gam saong sang bac piah pasram megru pabak ilamu ka dom adei jeng dom tài năng nghệ thuật di harei hadei.

4/ Tui UB bhap bini tỉnh Quảng Nam, tal puac bilan 10, taong abih yaom jien ieu pataom pak di labik di dom gah tín dụng dalam tỉnh hu labaih 24.410 tỷ đồng, dalam nan phun jien ieu pataom ralo meng lac jien VN, meblah labaih 97%; ieu pataom meng ngoại tệ meblah jaik 3%. Abih tih yaom jien brei mesraiy labaih 31.020 tỷ đồng, ralo jang 16% duk saong akaok thun.

5# Baok pa –ok that Cát Chu di Việt Nam hu parang tabiak pablei mbang akaok meti di siêu thị Aeon di tỉnh Chiba, Nhật Bản. Tui bruk ba tabiak, pa aok that Việt Nam hu pablei di 209 labik pablei pandap di Aeon dalam negar Nhật Bản tui dua yaom hadei thuế lac 429 yen/sa baok (jaik 77.000 đồng saong 645 yen/sa baok jaik 116.000 đồng). Lambaok thương vụ Việt Nam di Nhật Bản ndom lac, bruk pablei pa aok that tapa Nhật Bản daok hu jhul khang, tui nan tal puac thun 2015 meda pablei tabiak veik 80 tấn pa ok that tapa darak pasal ini tui jalan kapal haok saong jalan tasik.

6/ Pahadar 62 thun harei negar taneh ia CPC (9/11/1953 - 9/11/2015), harei 7/11 TƯ kapul hữu nghị VN – CPC hu peih bruk tabiak mbaok pasak ngoại ngữ sap Khmer. Tui nan, pasak daok dalam TƯ kapul hữu nghị VN – CPC, saong caik di baha Phố Minh (quận Gò vấp). Pasak hu brei bruk pato pakai, pabak sap Khmer ka anek saih, sinh viên, dom doanh nghiệp.

7# Urak ini ia mbak daok njom tame dalam di huyện Phước Long, tỉnh Bạc Liêu ngak kan kandah tal bruk ngak mbang ngak huak saong bruk pala drak di bhapbini pak ini. Makna lac kayua dom cống, binek parabha ranh mbak – taba rilo labik klak saoh nan ye tuk ia biển Đông tagok glaong nyu jhul ia mbak njom tame dalam huyen. Piah samal khik caga bruk pala drak padai, njam patam, huyện Phước Long daok hu panuac tagok mban tacei pato parabha ia tỉnh samal kareik abih dom cống, binek parabha ranh mbak – taba rah tui kraong xáng Quản Lộ Phụng Hiệp

Patui di ini dom khau tin dunya:

8/ Harei kabroi 8/11, ongTạ Ngọc Tấn, Ủy viên Trung ương đảng, Giám đốc Học viện Hành chính pakat negar Hồ Chí Minh hu nao tal Cairo, rivang saong ngak bruk di Ai Cập dalam 3 harei. Ong Tạ Ngọc Tấn hu mbang taom gaok, ginum meyai saong chủ tịch đại học tổng hợp Cairo, lac sa dalam takik dom sang bac đại học praong abih di Ai Cập saong dalam bhum TrungĐông; peih pato saong tangi sua javap calei ka bruk kinh tế, chính trị, xã hội saong ngoại giao di VN anak dom sinh viên khoa khoa học chính trị - đại học tổng hợp Cairo.

9# Bhapbini Palextin daok di dải Gada oh njauk lac dom urang cực đoan saong dom urang ini njauk hu dunya daong gah ngak mbang kinh te. Dalam panuac ba tabiak harei ini, Ngoại trưởng Lucxămbua Gian Axenbon (Jan Asselborn) ndom lac, bhapbini Gada, abih di nyu nan lac dam dara, oh njauk lac dom urang khủng bố saong dom urang ini njauk hu daong gah xã hội gam daong jien padai.

10/ Dom labik buh phiếu di Mianma kreik pabah mbang di tukvak 16 tuk harei ini 9/11 (tui mong di Mianma) dalam mbang tổng tuyển cử oh ka bhian hu dalam sajarah dak rai di negar Đông Nam Á ini saong bruk kiểm phiếu jeng hu peih tabiak hadei di nan. Ini lac mbang tổng tuyển cử akaok meti meng tuk taneh ia ini peih bruk salih bahrau, peih pabah mbang hadei di tuk karja dân sự salih karja quân sự meng 4 thun dahlau./.