1/ Patui mbang nyaom ka 8, QH mbang 13, harei ni 11/11, QH ginum biai ka dom Dự án hukum saong Đề án salih bahrau danak dak, tapuk pato bac phổ thông. Tui kuhria, QH ngak bruk di hội trường, pang pathau khan langyah, pabak pasiam dự thảo hukum khik ramik, pandar phun jien karja buh tame bruk sx, pablei salih song ginum biai di hội trường ka dom asal kadha dok hu panuac karei di gauk di dự thảo hukum ni. Beir harei, QH ginum biai di tổ ka Dự án hukum patabiak văn bản quy phạm pháp luật saong Đề án salih bahrau danak dak,  tapuk pato bac phổ thông.

2/ Tuk hu mbaok tame nyaom meyai pakat glaong APEC mbang ka 22, harei kabroi 10/11, di Bắc Kinh, TQ, akaok negar ong Trương Tấn Sang hu taom gaok Tổng Bí thư, Chủ tịch Trung Quốc Tập Cận Bình, Tổng thống Hoa Kỳ Ba-rắc Ô-ba-ma. Thủ tướng Nhật Bản Sin-dô A-bê, Tổng thống In-đô-nê-xi-a Giô-cô Uy-đô-đô saong Thủ tướng Pa-pua Niu Ghi-nê. Akaok negar ong Trương Tấn Sang tadhau yuh TQ peih ngak hu siam nyaom meyai pakat glaong APEC mbang ka 22, rik daong khul pakhang jalan pambuak bruk di châu Á – TBD.  

3/ Taduan panuac daa di Tổng thống Myanmar Thein Sein, harei ni (11/11), Thủ tướng Nguyễn Tấn Dũng pan akaok kapul VN tapa ban ine Nay Pyi Taw (Myanmar) hu mbaok dalam nyaom biai pakat glong ASEAN mbang ka 25 song dom nyaom biai pakat glong hu pambuak tal, rah tabiak dalam harei 12 song 13/11. Ni lac nyaom biai pakat glong hu makna biak prong, lac jalan peih tabiak piah kuhria caga tukvak patagok bahrau di ASEAN hadei di thun 2015.

4/ Phó Thủ tướng Hoàng Trung Hải barau jao ka mintri Công Thương saong Ủy ban bhap bini tỉnh Bình Định padang dự án đầu tư ba điện ka xã pulao Nhơn Châu, tỉnh Bình Định. Dự án hu peih ngak tui jalan di quyết định 2081/QĐ-TTg harei 8/11/2013 di thủ tướng rajaei brei peih ngak danak dak pabak điện ka palei pala, bhum ceik saong pulao kaoh tukvak 2013-2020.

5/ Mintri jien padai brei thau, hadei di harei 30/11, tong abih dom kapul nyaom, menuac urang pablei salih ia tasau brei ka uranaih ala 6 thun oh daok đăng ký yaom song salih tapa kê khai yaom ia tasau brei ka uranaih umo ala 6 thun. Ni lac kadha hu ba tabiak di văn bản 16220/BTC-QLG sơ kết, tong yaom bruk khik tani tanat yaom ia tasau ka uraniah umo ala 6 thun.

6/ Urak ini, bruk patagok dân số saong tác động di lingik tasik, anek menuac ngan saong cảnh quan ilamu di quần thể inem krung Huế dak harei dak khang. Kayua yau nan ye, bruk padang ngak kế hoạch khik iek inem krung huế lac bruk njauk ngak chip. Dom inem krung di huế rilo meng daok pablak saong khu dân cư nan ye bhian hu áp lực dalam tukvak patagok kinh tế, xã hội di puk palei saong dom biến đổi di mội trường thiên nhiên. Tỉnh Thừa Thiên-Huế brei padang labik khik caga bhum lõi saong bhum đệm piah khik caga labik inem krung Huế.

7/ Urak ni tỉnh Bến Tre hu labaih 40000 urang ngak dok ngak bruk di 2 Khu công nghiệp: Giao Long song An Hiệp (huyện Châu Thành). Meng bruk padang ngak sang trọ di dom DN song dom boh sang dok jiak khu công nghiệp hu dong labik dok ka labaih meteh urang ngak. Dok veik njauk mai sang atah yaok pluh km atau dok di sang gauk gar. Bruk njauk caik hatai ngan saong sang trọ ka urang ngak di tỉnh Bến Tre, abih di nyu nan lac sang trọ tư nhân, lac yaom pah oh ka samu gauk, jien điện, ia tagok 2- 3 mbang dut song quy định di karja.

Patui di ini dom khau tin dunya:

8/ Mintri pablei salih TQ barau brei thau, taneh ia ini saong HQ barau tamat bruk ginum meyai dua gah Hiệp định pablei salih tự do. Panuac hu ba tabiak hadei di mbang taom gaok di Tổng thống Hàn Quốc Pắc Cưn hê saong akaok negar Trung Quốc Tập Cận Bình gah langiu nyaom meyai pakat glaong di abih diễn đàn pambuak bruk kinh tế châu Á – TBD. Dua gah njauk gauk 22 chương di văn bản hiệp định pablei salih tự do taong abih dom gah yau sản phẩm, dịch vụ, đầu tư, jien padai, thông tin.  

9/ Ala bruk tacei jalan, pasang iek di Kadung jien dunya khik caga lingik tasik, dom urang tong ikan Philippin dok ngak dom boh kapan bahrau oh lac dom boh kapan meng kayua bo ngak meng nhựa song sợi thủy tinh. Mbang ribuk Hai-an rah tabiak di palao Lây-tê (Leyte) gah kreih negar Philippin harei 8/11 thun bloh ngak ka 7300 urang metai song lihik, 4 triệu urang oh hu sang dok. Kadung jien dunya khik caga lingik tasik hu dong ka urang tong ikan Philippin peih bruk ngak kapan gaiy samar di abih, abih takik jien ndo di abih./.

10/ 20 sruh radaih nduac meng năng lượng ia harei daok hu parang iek di ban ine San-ti-a-gô, Chilê piah caga ka giải pakacah radaih điện ia harei dunya Atacama 2014. Mbang pakacah ini jeng hu makna lac bruk pakacah thiết kế radaih siam ka alam môi trường ngan saong yaom jien takik. Meng harei 13/11, dom kapul pakacah di dunya hu mbaok tame bruk pakacah nao tapa jalan atah 1.400 km angaok dom sa mạc thu lagu abih dunya Atacama, gah brak Chilê./.