1/ Patui mbang nyaom ka 8 QH mbang 13, harei ni 13/11 QH hu caik abih harei piah ginum biai ka dự án hukum dân sự (pasiam veik), dự án hukum Tài nguyên môi trường tasik song palao kaoh, saong dự án hukum thú y. Ginum biai ka dự án hukum nghĩa vụ quân sự (pasiam veik), rilo urang ndom lac piah khik ka samu gauk bruk nghĩa vụ quân sự, Dự án hukum jhui neh rabha urang tạm hoãn hu ieu tame nhập ngũ ngan saong anek saih, SV dok bac di dom sang bac công lập atau dân lập piah khik ka samu gauk dalam bruk nghĩa vụ khik caga taneh ia.

2/ Patui danak dak nyaom meyai pakat glaong ASEAN mbang 25 saong dom pakat glaong hu pambuak tal, harei kabroi di pasak nyaom meyai dunya Myanmar di ban ine Nay Pyi Taw, Thủ tướng Nguyễn Tấn Dũng saong dom urang dang akaok ASEAN hu mbaok tame dom nyaom meyai pakat glaong ASEAN saong Ấn Độ mbang 12, pakat glaong ASEAN saong NB mbang 17, pakat glaong ASEAN saong LHQ mbang ka 6 saong pakat glaong pahadar 40 thun padang talei pambuak bruk ASEAN - Ôtx-trây-li-a.

3/ Tỉnh Lào Kai bahrau peih nyaom roya dom bangsa takik mbang ka 2. Nyaom roya hu tong yaom, dom bruk ngak hu di tỉnh Lào Cai dalam peih ngak dom sarak bangsa di tỉnh dalam tukvak tapa dong ka Lào Cai jeng sa dalam dom tỉnh pasak KT XH di bhum Tây Bắc. Dom danak dak, sarak ka bhum urang bangsa takik yau: danak dak 135, danak dak brei taneh dok, taneh pala drak song ba ia pandar ka bhum urang bangsa takik kan kathaot, sarak dong ka urang bangsa takik biak kan kandah mesraiy jien patagok bruk ngak mbang di puk palei.

4/ 50 baoh sang kan kathaot di dom xã taphia negar huyện Sông Mã, tỉnh Sơn La barau hu alin brei limo menek piah patagok bruk ngak mbang tabiak truh kan kathaot. Ini lac bruk ngak di danak dak “limo menek daong ka urang kan kathoat taphia negar” kayua tập đoàn Viettel pambuak saong bộ tư lệnh bộ đội biên phòng, UBTUMT negar VN, TƯ kapul chữ thập đỏ VN saong UB bhap bini 11 tỉnh taphia negar gah brak bhum Tây Bắc peih tabiak.

5/Đại tướng Ouk Sey Ha - Phó Tư lệnh Hải quân, Chỉ huy trưởng Bộ Chỉ huy Căn cứ tasik Hải quân Campuchia ba akaok sa kapul mai tal bhum 5 Hải quân bhap bini Việt Nam (di ban sit An Thới, huyện Phú Quốc, tỉnh Kiên Giang) piah ginum biai klah rabha ilamu khik caga haong gauk mbang ka 18. Langiu di bruk nan, 2 gah dok hu ginum biai rilo kadha pagam tal dom bruk di angaok tasik, pambuak saong bruk daoh tamia,  thể dục thể thao di 2 gah.

6/ UB bhap bini tỉnh Tiền Giang barau tacei pato ka dom ngành, dom puk palei dalam tỉnh patagok bruk pacang cakak ruak kayua virut Rubella daok mbuan tamuh tabiak. Dalam nan sangka tal bruk pathau khan piah paglaong akaok saneng ka bhap bini; peih ngak siam bruk tui iek urang nhập cảnh meng dom taneh ia hu jit, langyah dom bruk tui jalan tacei pato di mintri y tế.

7/ Piah jhui pakhang bruk pathau khan paglong akaok sahaneng ka bruk an toàn giao thông brei ka dam dara, Tỉnh đoàn Sóc Trăng pambuak bruk song sở pato megru song Ban An toàn – Giao thông tỉnh peih harei pakacah ka “An toàn Giao thông”. Bruk ni hu rilo dam dara urang đoàn,  anek saih, sinh viên dalam tỉnh mai hu mbaok. Nyaom pakacah hu dong ka dom dam dara urang daok ranaih umo thau jang ka hukum di angaok jalan mbak, jalan krong ribong, abih di nyu nan lac kein lagaih ka bruk tuak muat BH tuk peih radeih.

Patui di ini dom khau tin dunya:

8/ Nyaom meyai pakat glaong di abih kapul 20 nền kinh tế patagok saong barau patagok (ieu lac G20) hu peih tabiak di Bri-sbên, Ôxtrâylia di puac adit ini hu pataom tame ginum meyai jalan jhul pakhang tăng trưởng dunya. Bhap bini caong khin nyaom meyai hu ba tabiak jalan ngak praong piah patagok GDP dunya tal 2 ribau tỷ đô la. Tuk dom akaok mintri jien padai saong thống đốc gilang pariak TƯ di G20 họp di bilan 2 thun ini, dom taneh ia hu njauk gauk peih ngak labaih 900 sáng kiến sarak piah patagok GDP dunya dalam 5 thun tal nan lac 2% duk saong tanut kuhria mboh dahlau, tapa nan hu ba yaok triệu bruk ngak barau.

9/ Kỷ lục Ghi-nét ka tòa lâu đài cuah prong abih di dunya hu padang ngak meng dahlau deih mbiah tal tukvak ni njauk yah klaak, hadei di tuk sa nyaom nghệ sỹ hu padang salah tòa lâu đài meng cuah glong 12 mét di ban Ri-ô đờ Gia-nê-rô (Rio de Janero) di Braxin. Bruk ngak ini kayua nghệ sỹ sarak cuah urang Mỹ Rút-xti Crop (Rusty Croft) pambuak bruk song sa nyaom hu 15 15 nghệ sỹ ngak tabiak. Piah ngak hu công trình nghệ thuật prong yau ni, dom nghệ sỹ njauk ieu pataom 20 radeih tải pajeng cuah, dom  radeih cần cẩu  song brei kham merat ngak bruk dalam sa adit./.

10/ Tui kuhria mboh di gah y tế dunya, hu 4.950 urang metai dalam abih tih 13.241 urang njom Ebola di 2 taneh ia Tây Phi nan lac Ghi-nê, Libêria saong Xi-ê-ra Lê-ôn. Yaom lac mbiah tal urak ini, dom urang njom saong metai kayua jit Ebola hu patrun, min bruk kham merat pacang cakak jit tui ralo jalan daok gaok ralo kan kandah, bruk kurang nhân viên y tế jeng yau pandap panda, phương tiện saong jru tavao iek ruak oh ka hu langyah dalam tuk jit ruak Ebola jeng daok mbuan njom mbak ralo./.