1/ Danak dak bruk ngak pakat negar ka bruk likei kamei samu gauk tuk vak 2016- 2020 bahrau hu Thủ tướng rajaei mbaoh tangin ba tabiak. Yaok thun peih ngak “ Bilan likei kamei samu gauk song pacang caga tong phaoh” meng harei 15/11 tal harei 15/12 ngan saong dom bruk yau: padang asal kadha song brei thau ka bilan ngak, pathau khan, pok meyaom dom menuac urang, kapul nyaom ngak hu rilo bruk praong dalam bruk likei kamei samu gauk kayua bruk patagok di urang kamei song pacang caga tong phaoh dalam sang.

2/ Bộ chỉ huy Biên phòng tỉnh Thừa Thiên-Huế barau peih pakak saong jao sang bac pambuak saong sang ilamu bhap bini saong sang hữu nghị ka bhap bini palei  Xê Sáp, huyện Kà Lừm, tỉnh Sê Koong taneh ia Lào. Công trình saong yaom jien abih tih 1 tỷ đồng, kayua bộ chỉ huy biên phòng tỉnh Thừa Thiên Huế ngak po đầu tư. Thượng tá Nguyễn Quang Vinh, Chính trị viên, Đồn biên phòng xã Nhâm, Bộ Chỉ huy Biên phòng tỉnh Thừa Thiên-Huế, brei thau: Tal urak ini 40 baoh sang palei Xẻ Sáp hu tani tanat rai diuk, bhap bini sanang hatai, chreih chrai ngak mbang saong jia tame bruk pan akaok ba jalan di Đảng, karja Lào jeng yau Đảng, karja bhap bini VN saong tỉnh Thừa Thiên Huế.

3/ Urak ni, Bình Thuận hu 146 sang bac mẫu giáo, 35 sang bac mầm non dalam nan hu 158 sang bac công lập song 23 sang bac langiu công lập. Uranaih mẫu giáo meng 3 thun tal 5 thun bac 2var dalam sa harei thun bac 2014- 2015, samu 90% tagok 13% dut song tuk vak ni thun dahlau. Thun bac 2015 -2016, dom sang bac mầm non, mẫu giáo dalam tỉnh hu rilo jalan ngak siam dalam bruk tanek mbang ka uranaih dalam sang bac. Dom sang bac oh hu ging tanek ye pambuak bruk song cơ sở pabak pandap mbang ka uranaih khik hu hacih saat, atau pambuak bruk song dom labik tanek mbang hu angan je.

4/ Tỉnh đoàn Bình Dương barau pambuak bruk saong sở nội vụ tabiak mbaok kapul sinh viên halan hatian daong bruk di pasak hành chính công tỉnh Bình Dương. Tapa sa adit ngak bruk, kapuk sinh viên halan hatian hu tacei pato, daong  ka labaih 2000 mbang bhap bini caong hu daong, tacei pato ngak harak gar.

5/ Meng kham merat di tong abih hệ thống chính trị, kuhria tal harei 1/10/2015, urang jaik si kan kathaot di huyện Lộc Ninh, tỉnh Bình Phước jeng hu thẻ BHYT. Dalam nan hu 2.290 dalam abih tih 3.460 urang jiak si kan kathaot hu thẻ BHYT song dom sarak karei, urang jiak si kan kathaot hu dong blei thẻ lac 839 urang, urang jiak si kan kathaot halan hatain blei thẻ lac 335 urang.

6/ meng ini tal harei 18/10/2015, siệu thị Co.opmart Tây Ninh pablei trun yaom khang dom janih pandap angan di Co.opmart, dalam nan hu biak rilo janih yau ye pandap mbang menyum, mỹ phẩm, khan ao… Langiu di nan, dalam dom harei puac adit, siêu thị daok hu danak dak blei 400.000 đồng alin phiếu yaom 30.000 đồng atau hu ưu tiên blei khan ao yaom lap. Dom harei ngar yaok adit jeng hu danak dak “harei ngar thả ga pataom điểm”, alin điểm thưởng yaom glaong.

7/ Tui ong Trương Văn Hiền, Chủ tịch Liên đoàn Lao động tỉnh Tiền Giang, dalam tỉnh urak ni hu 1.450 công đoàn cơ sở song nghiệp đoàn pachreih hu labaih 114.000 urang đoàn, samu labaih 78% dom urang ngak, viên chức lao động dalam tỉnh. Tuk vak tapa, dom pakat công đoàn dalam tỉnh hu rilo jalan ngak kham merat iek glang rai duik, dong ka công nhân viên chức  urang ngak kan kathaot yam tapa kan kandah patagok kinh tế boh sang piah ka urang ngak tani tanat rai duik, rik dong ka bruk dak padang giai cấp công nhân Tiền Giang khang kajap.

Patui di ini dom khau tin dunya:

8/ “Diuk saong kanan” lac angan di bruk parang iek thoat ka VN hu peih tabiak barau ini di ban ine Bra-ti-sla-va, hu mbaok di labaih 200 tuai damuai Xlôvakia, dom Đại sứ saong urang ngak praong ngoại giao dom taneh ia Xlôvakia.  Parang iek kayua đại xứ quán VN dang akaok, pambuak saong mintri ilamu Xlôvakia peih tabiak. Jaik 80 blah thaot juk patih brei mboh veik rup binguk dom anek menuac VN slut mbut, siam hatung hatain, anit ranam ka raidiuk yaom lac daok dalam mesruh metak khang taong Mỹ daong taneh ia.

9/ Hadei di rilo adit mesruh saong bruk khuah glai hu rilo thur suak par tal rilo negar dok jiak tapen, In-đô-nê-xi-a hu panuac caong dom negar langiu daong padam dom mbang apui khuak. Tổng thống In-đô-nê-xi-a Giô-cô Uy-đô-đô (Joko Widodo) brei thau, rajaei negar ni hu panuac ieu Xinh-ga-po, Nga, Malaixia song Nhật Bản daong piah pacang padam mbang khuak glai dok pambak prong meng rilo adit tapa./.

10/ Brei panuac tuk nao rivang sa pasak tị nạn di taphia negar Đức barau ini, ong Giăng Clôt Giăng-cơ, akaok Uỷ ban châu Âu brei thau :bruk kol drei daok njauk langyah di albik ini lac bruk di Châu Âu. UB Châu Ạu meda ba tabiak sa jalan ngak piah parabha veik dalam dom bilan tal saong caong khin lac dom rajaei châu Âu meda hu panuac drah ứng samar jang ka bruk ini. UB châu Âu jeng brei thau barau peih brei ka Xecbia và Macxêđônia 17 triệu eurodaong langyah bruk khủng hoảng urang di cư./.