1/ Harei kabroi 9/3, Tổng Bí thư Nguyễn Phú Trọng ngak bruk di tỉnh Sóc Trăng ka bruk kinh tế- xã hội, quốc phòng – an ninh , dak padang Đảng song hệ thống chính trị, bruk kuhria caga ka nyaom roya đảng bộ dom pakat. Tổng Bí thư Nguyễn Phú Trọng nao duah thau tapak di  xã  Ngọc Tố song huyện Mỹ Xuyên. Tổng bí thư mboh lac xã song huyện brei kham merat peih ngak danak dak padang ngak palei pala bahrau di taong abih gah, oh lac padang cơ sở hạ tầng, bo dok lac bruk padang anek menuac, salih bahrau akaok sahneng ka bruk ngak mbang.

2/ Phaok Thủ tướng Hoàng Trung Hải barau hu mbang nyaom pasang iek bruk daong đầu tư padang ngak hạ tầng tỉnh Ninh Thuận piah rik daong patagok kinh tế xã hội tani tanat rai diuk bhap bini bhum gaok kan kandah di bruk padang ngak sang mac điện hạt nhân. Di mbang nyaom, Phaok Thủ tướng Hoàng Trung Hải hu brei panuac tacei pato piah ka dom jabat patui ngak pasiam đề án piah pok tagok pakat hu thẩm quyền pasang iek, quyết định.

3/ Yaom lac hu pataom tame rilo jalan ngak, min bruk ndik tapui anek ka 3 di tỉnh Sơn La oh patrun. Taeng thun bloh, dalam abih tih jiak 18.500 uranaih ndik tapui tabiak hu jiak 3000 uranaih lac anek ka 3 tagok, rilo jang jiak 650 uranaih dut song tuk vak ni thun dahlau, rilo meng lac di bhum atah bayah bhum urang bangsa takik.

4/ Sở pato megru tỉnh Đắc Lắc barau peih parang iek bruk ngak hu di gah pato megru tukvak 1975- 2015. Urak ini  tỉnh Đắc Lắc hu jaik 500 ribau anek saih daok bac di sa ribau sang bac dom pakat, labaih 56% gru pato mek hu ilamu angaok chuẩn di pakat bac, chất lượng pato megru di tỉnh hu paglaong mboh biak cambaih laih.

5/ Chi cục Kiểm lâm Bình Thuận hu pok panuac ka Mban khik ramik song patagok glai di tỉnh pathau khan tal dom puk palei mbuan si khuah glai, taphia di nan, tacei pato yaok puk palei song đơn vị samar peih bruk pacang caga khuak glai hu peih tabiak ngak meng akaok bilan thu. Di tỉnh Bình Thuận urak ni hu labaih 350.000 héc-ta glai, dalam nan hu labaih 200.00 ha dok mbuan si khuah meng pakat 4 tal pakat 5.

6/ Blah SkyScanner Việt Nam barau brei thau dom labik di Đông Nam Á lagaih ka dom mbang nao takai roh duah (nao takai trekking). Dalam nan, tỉnh Cao Bằng di VN dang ka 5. Top 5 labik trekking dang akaok Đông Nam Á nan lac: hamu bậc thang Banaue, Philippines; ceik pui Rinjani, pulao Lombok, Indonesia; bein negar Gunung Mulu, pulao Borneo; Chiang Mai, Thái Lan; Cao Bằng, Việt Nam.

7/ Harei kabroi 9/3 kapul Olympic Việt Nam hu mbang dit giao hữu pakat dunya akaok meti song Olympic Indonesia. Yaom lac dit oh ka siam, min Olympic Việt Nam jeng mbang hu 1 baoh ngan saong tỉ số 1-0. Harei 14/3 tal, Olympic Việt Nam hu mbang dit giao hữu ka 2 song U22 Uzbekistan di mblang  Thống Nhất ban raya Hồ Chí Minh

Patui di ini dom khau tin dunya:

8/ Thái Lan daok patagok an ninh biak glaong hadei di tuk duah mboh sa âm mưu taong bom dalam negar. Hadei di tuk cap hu 2 urang dalam bruk glum baoh patuh tame tòa án hình sự harei 7/3, tapa thẩm vấn, an ninh Thái Lan brei thau duah mboh sa âm mưu taong bom di jaik 100 labik dalam negar. Tui panuac khan di nghi can Mahahin Khunthong, urang hu pah tame bruk glum baoh patuh ngan saong yaom 20 ribau bạt saong daok patui bruk taong mbom karei karei tui kuhria hu peih ngak di harei 15/3 ini.

9/ # Tổng thống My-an-ma  U Then Sein meda tapa rivang Malaysia, min panuac khan di rajaei Myanmar oh brei thau cambaih tukvak di mbang rivang. Ini lac mbang rivang akaok meti di urang dang akaok My-an-ma tal sa taneh ia thành viên ASEAN dalam yaok pluh thun tapa.

10/ Sruh kapal haok năng lượng ia harei praong di abih di dunya Xô-lờ Im-pâu 2 par tabiak meng Ả rập Saudi (dom Tiểu vương quốc Á rập thống nhất) par vir taom dar baoh taneh bo oh cang pandar tal nhiên liệu hóa thạch. Dalam luac jalan par tui kuhria atah 35 ribau km, sruh kapal haok hu padeih takai di Ấn Độ, Myanma saong TQ dahlau di tuk par tapa Thái Bình Dương, tal Mỹ, gah meraong châu Âu saong hadei di nan mai veik labik labik par tabiak./.